Xorvatiyalik murabbiy Ivan Yurich bir necha kun oldin shifoxonaga yotqizilgan. Bu haqida Euro-football.ru xabar berdi.
Bu haqda Bergamo klubi matbuot xizmati ma'lumot berdi. 49 yoshli murabbiyning shifoxonaga yotqizilishiga yuqori nafas yo‘llarining yallig‘lanishi sabab bo‘lgan.
Bu holat bakterial infektsiya oqibatida murakkablashgan. Hozirda Yurichning ahvoli ancha yaxshilanganligi ta’kidlanmoqda.
Mutaxassis yaqin kunlarda shifoxonadan chiqarilishi kutilmoqda. Eslatib o‘tamiz, Yurich joriy yil iyun oyida «Atalanta» jamoasining bosh murabbiyi etib tayinlangan.
U oldingi murabbiy Jan Piero Gasperinining o‘rnini egallagan. O‘tgan Italiya chempionatining mavsum yakunlariga ko‘ra, «Atalanta» musobaqa jadvalida uchinchi o‘rinni egallagan.
Yangi mavsumning birinchi turida jamoa o‘z maydonida «Pisa» jamoasini qabul qiladi.
