PSJ Italiya terma jamoasi darvozaboni Janluidji Donnarumma bilan muzokaralarni davom ettirmoqda. Bu haqida Euro-football.ru xabar berdi.
Bu haqda taniqli insayder Nikolo Skira ijtimoiy tarmoqlar orqali ma'lum qildi. Ma'lumotlarga ko‘ra, Parij klubi yulduz darvozaboniga yangi shartnoma taklif qilmoqda, ammo unda maosh kamaytirilgan.
Hozirgi shartnoma tomonlar o‘rtasida kelasi yil yozda tugaydi. Janluidjining joriy yillik maoshi 12 million yevroni tashkil etadi.
Oldinroq matbuotda uning Londonning "Chelsi" klubiga o‘tishi mumkinligi haqida xabarlar tarqalgan edi. Donnarumma 2021 yil yozidan buyon PSJ safida o‘ynab kelmoqda.
Transfermarkt ma'lumotlariga ko‘ra, uning transfer qiymati 40 million yevro atrofida baholanmoqda. Klub va futbolchi o‘rtasidagi muzokaralar davom etmoqda va yakuniy qaror yaqin kunlarda ma'lum bo‘lishi kutilmoqda.
