SSKA bosh murabbiyi Fayzullayev haqida: U Yevropaning top-klublariga tayyorlanmoqda!
Moskvaning SSKA klubi bosh murabbiyi Marko Nikolich jamoa tarkibidagi yorqin yulduzlardan biri – Abbosbek Fayzullayev haqida o‘z fikrlarini bildirdi. Uning so‘zlariga ko‘ra, o‘zbekistonlik futbolchi yangi sxemaga moslashish jarayonida, ammo bu uning maydondagi samaradorligiga ta’sir qilmayapti.
Fayzullayev – eng chidamli futbolchi!
Murabbiyning ta’kidlashicha, Fayzullayev nafaqat texnik jihatdan, balki jismoniy jihatdan ham SSKAdagi eng kuchli o‘yinchilardan biri.
"Yig‘in davomida futbolchilar chidamlilik sinovidan o‘tishdi. Natijalarga ko‘ra, Fayzullayev jamoada birinchi o‘rinni egalladi. Bu uning mehnatsevarligi va professional yondashuvidan dalolat beradi", – dedi Nikolich.
Yangi sxema – yangi imkoniyatlar
Abbosbek Fayzullayev yangi taktik sxema asosida maydon markazida harakat qilmoqda. Bu uning o‘yiniga ma’lum bir talablar qo‘yadi, ammo u bu vazifani muvaffaqiyatli bajarmoqda.
"Tashqaridan qaraganda, u yangi tizimda qiynalayotgandek tuyulishi mumkin, ammo men bunday fikrda emasman. Zamonaviy futbolchi hujumda ham, himoyada ham samarali harakat qila olishi kerak. Abbos bu jihatdan ajralib turadi. U doimo vaziyatni keskinlashtirishga va hujumlarda faol ishtirok etishga harakat qiladi", – deya ta’kidladi murabbiy.
Fayzullayev – kelajak yulduzi
Marko Nikolich Fayzullayevning juda iqtidorli futbolchi ekanligini va uni katta kelajak kutyotganini ham aytib o‘tdi.
"U rivojlanishda davom etadi va bir kun kelib Yevropaning eng yaxshi klublaridan biriga o‘tishi mumkin. Men unga ishonaman va u SSKA uchun juda muhim o‘yinchi", – deb xulosa qildi murabbiy.
SSKA muxlislari uchun bu xushxabar! Abbosbek Fayzullayev nafaqat hozirgi jamoasi uchun, balki kelajakda yuqori saviyadagi klublarda ham porlashga tayyorligini ko‘rsatmoqda. Uning o‘yinini kuzatish juda qiziq bo‘ladi!
Nodirbek
