Milan “Inter” jamoasining sport direktori Piero Auzilio yarim himoyachi Hakan Chalxanog‘lu bo‘yicha “Galatasaroy” bilan olib borilgan muzokaralar haqida ma’lumot berdi. Bu haqida Euro-football.ru xabar berdi.
Iyundan beri OAVda futbolchining Turkiyaga o‘tishi mumkinligi haqida doimiy gap-so‘zlar bo‘lib kelmoqda. Hatto 31 yoshli Chalxanog‘lu va “Galatasaroy” o‘rtasida shartnoma shartlari bo‘yicha kelishuv mavjudligi ham xabar qilingan edi.
Piero Auzilio jurnalist Fabrizio Romano orqali shunday dedi: “Biz “Galatasaroy” bilan muzokaralar olib bordik, ammo muhokamalar davomida kelishuvga erishish imkoni yo‘qligi darhol ma’lum bo‘ldi. Ular uni shartnoma imzolashga harakat qilishdi – shular bilan hammasi tugadi.
Bizda Hakan bilan hech qanday muammo yo‘q.” Eslatib o‘tamiz, “Inter” prezidenti Juzeppe Marotta Klub jahon chempionati musobaqasidan chiqib ketgach, Hakan Chalxanog‘lu jamoada o‘ynashni istamayotgani sababli sotilishi mumkinligini bildirgan edi.
