Sport yangiliklari

Oʻzbekiston futbol assotsiatsiyasi va Oʻzbekiston futzal federatsiyasi rahbariyati tomonidan «Oʻzbekistonda futzalni rivojlantirishning 2025-2028 yillarga moʻljallangan strategiyasi» hamda mamlakatimiz futzal milliy jamoalarining yangi bosh murabbiylarini tanishtirish marosimi oʻtkazildi. Unda Nodir Eliboyev futzal boʻyicha Oʻzbekiston milliy jamoasi bosh murabbiyi deb e'lon qilindi. Braziliyalik Maurisio Teysheyra esa jismoniy tayyorgarlik boʻyicha murabbiy etib tayinlandi. Tadbirda, shuningdek, futzal boʻyicha Oʻzbekiston ayollar va yoshlar jamoalarining ham murabbiylari tanishtirildi: Farrux Zokirov — Oʻzbekiston ayollar jamoasi bosh murabbiyi. Konstantin Sviridov — Oʻzbekiston yoshlar jamoasi bosh murabbiyi. Dilshod Rahmatov — Oʻzbekiston oʻsmirlar jamoasi bosh murabbiyi.

«Manchester Siti» va «Real Madrid» oʻrtasidagi pley-off bosqichidagi bahsning oxirgi daqiqalarida mehmonlar tomonidan urilgan 3-gol evaziga manchesterliklar 2:3 hisobida magʻlubiyatga uchradi. Soʻnggi daqiqalarda toʻp uchun keskin kurashlar va emotsiyalar toʻliq namoyon boʻldi, ammo «Real Madrid»ning taktik echimlari va aniq hisob-kitobga asoslangan harakatlari manchesterliklarning himoyadagi zaif nuqtalarini ochib berdi. Musobaqaning ikkinchi boʻlimida, himoya chizigʻida jiddiy vaziyat yuz berdi. Mashhur insayder Fabritsio Romano ma'lum qilganidek, manchesterliklar himoyachisi Manuel Akanji jarohat olgan holda safdan chiqdi. Dastlabki tekshiruv natijalariga koʻra, shveytsariyalik himoyachi taxminan 8-10 hafta davomida safdan chiqqani aniqlandi. Bu jarohat klub uchun faqat harakatlanish qobiliyatini cheklash bilan chegaralanib qolmay, umumiy himoya tizimining ham barqarorligiga salbiy ta'sir koʻrsatishi mumkin. 29 yoshli fulbek bu mavsumda manchesterliklar safida 30 ta toʻqnashuvda ishtirok etgan va 1 ta golli uzatmaga mualliflik qilgan. Uning klub bilan shartnomasi 2027 yilgacha tuzilgan boʻlib, «Transfermarkt» portalidagi baholashga koʻra uning bozor narxi 40 million yevro deb hisoblanmoqda. Bu ma'lumotlar, Akanjining jamoadagi ahamiyati va undan kutilayotgan rolni yanada mustahkamlaydi. Manuel Akanjining jarohati manchesterliklar himoya tizimiga jiddiy ziyon etkazishi ehtimoli bor. Kelgusi oʻyinlarda uning oʻrnidagi oʻyinchini topish yoki taktikani qayta koʻrib chiqish zaruriyati paydo boʻlishi mumkin. Klub rahbariyati bu holatni e'tibor bilan kuzatib, keyingi muzokaralarda va taktik rejalarni tayyorlashda ehtiyot choralarini koʻrishga majbur. Pley-off bosqichidagi bu bahs, futbol maydonidagi raqobatning qanchalik murakkab va dinamik ekanligini yana bir bor namoyon etdi. «Real Madrid»ning muvaffaq echimlari va manchesterliklar ortidagi bir nechta kutilmagan vaziyatlar klubning kelgusi strategiyasiga jiddiy ta'sir koʻrsatishi mumkin. Futbol muxlislari va ekspertlar bu jarayonni yaqindan kuzatib, manchesterliklarning keyingi muzokaralarida qanday qadamlar qoʻyishini intiqlik bilan kutmoqdalar.

Foto: OʻFA Oʻzbekiston milliy terma jamoasining JCh-2026 saralashidan oʻrin olgan Qirgʻiz Respublikasi va Eronga qarshi uchrashuv vaqtlari va joylari OFK tomonidan ma'lum qilindi. Ramazon oyi munosabati bilan muxlislarga qulaylik yaratish maqsadida OʻFA uchrashuv vaqtini oʻzgartirish boʻyicha OFKga soʻrov yuborgan edi. Soʻrov qanoatlantirilib, Oʻzbekiston - Qirgʻiz Respublikasi oʻyini 20 mart kuni Toshkent vaqti bilan soat 21:00 ga koʻchirildi. Shuningdek, 25 mart kuni Eronga qarshi safar uchrashuvi “Ozodi” stadionida Toshkent vaqti bilan soat 21:00 da oʻtkazilishi belgilandi.

Islom Ismoilov boshqaruvidagi Oʻzbekiston U-17 terma jamoasi U-17 Antalya Youth Cup musobaqasida Chexiya bilan bahs olib bordi. Unda oʻzbekistonlik futbolchilar chexiyalik tengdoshlarini 3:1 hisobida dogʻda qoldirdi. U-17 Antalya Youth Cup Chexiya – Oʻzbekiston 1:3 "Amirxon" sport majmuasi Gollar: Petr Potmesil penalti 54' – Sayfiddin Sodiqov 15', Abubakr Shukrullayev 61', Jamshidbek Rustamov 65' Oʻzbekiston: Ne'matulloh Rustamjonov, Hojiakbar Botiraliyev, Moʻminxon Bahodirxonov (Sardorbek Fayzullayev, 83), Amirxon Muradov (Diyorbek Mahmudjonov, 87), Miraziz Abdukarimov (Behruz Saidmuradov, 58), Sadriddin Hasanov, Nurbek Sarsenbayev (Asilbek Aliyev, 58), Sayfiddin Sodiqov (Jamshidbek Rustamov, 58), Muhammadali Musaxanov (Asadbek Ramilov, 87), Abubakr Shukrullayev (Muhammad Xabibullayev, 74), Azizbek Erimbetov. Zaxira: Ibrohim Shokirov, Bahodir Izbaskanov, Hojiakbar Yusufboyev, Abdulloh Fazliddinov.

Xitoyning Xarbin shahrida oʻtkazilgan qishki Osiyo oʻyinlarida tarkibida 4 nafar "Humo" xokkeychisi boʻlgan Qozogʻiston milliy terma jamoasi oltin medallarni qoʻlga kiritdi. Bugun turnir finalida qozogʻistonliklar Yaponiya terma jamoasini 5:0 hisobida magʻlubiyatga uchratdi. Birinchi, gʻalaba golini "Humo" hujumchisi Andrey Buyalskiy urdi. Ikkinchi golga Artyom Lixotnikov uzatma berdi. Aytgancha, Lixotnikov turnir yakuniga koʻra oʻz terma jamoasining eng samarali oʻyinchisiga aylandi. Artyomning hisobida 20 natijali ball (4 gol + 16 uzatma) mavjud.

Oʻzbekiston amputantlar jamoasi Osiyo chempionatining guruh bosqichida Indoneziya (8:1), Bangladesh (3:0), Nepal (13:0) va Iroqni 4:1 hisobida magʻlub etgan boʻlsa, finalda Indoneziya darvozasiga javobsiz 6 ta toʻp kiritildi. Matonatli chempionlar 14 fevralga oʻtar kechasi Oʻzbekistonga qaytib kelishdi. Qahramonlarni kutib olish marosimida Tribuna.uz ham ishtirok etib, turnir ishtirokchilarining musobaqa borasidagi fikrlari bilan qiziqdi. Abdujamil Shukurov — Musobaqa dastlab Hindistonda oʻtishi kerak edi. Negadir bekor boʻlib qoldi. Orada qish keldi, sovuq tushdi. Turnirga tayyorlanishimiz uchun yopiq maydon kerak edi. Oʻzimiz Yangiyoʻldan maydon topdik. Qolganini Paralimpiyadagilar hal qilib berishdi. Yangi mehmonxonada yashab, sovuqda 2 mahal mashgʻulot oʻtkazdik. Oson boʻlmadi: sovuqdan 30 daraja issiq mamlakat — Bangladeshga bordik, ammo koʻnikib ketdik. Tayyorgarlik koʻngildagidek boʻlgani uchun xotirjam oʻynab yutib keldik. Chempionatda Iroq jamoasiga qarshi bahs qiyinroq kechdi, deb ayta olaman. Ularni magʻlub etgach, murabbiy va oʻyinchi sifatida koʻnglim xotirjam boʻldi. 35 yildan beri futbol oʻynayman. Turkiyadagi yigʻinda Angliya va boshqa jamoalarga qarshi oʻrtoqlik bahsi oʻtkazdik. Oʻshanda oʻynamay, murabbiylik qildim va juda qiynaldim. Undan koʻra oʻynash osonroq ekan. 5 karra jahon chempioni boʻlgandim va mana Osiyo chempionligiga ham erishdim. Endi bemalol murabbiylik qilaversam boʻladi. Qudrat Xudoyqulov — Ilk Osiyo chempionatida birinchi oʻrinni oldik. Finalning va turnirning eng yaxshi futbolchisi deb topildim. 33 ta gol urdik, 1 ta toʻp oʻtkazib yubordik. Gʻalaba bilan butun oʻzbek xalqini tabriklayman. Osiyodagi asosiy raqiblarimiz Eron va Iroq edi. Eronliklar qandaydir baxtsiz hodisa sababli kela olishmadi. Turnirdagi eng qiziqarli bahs Iroqqa qarshi kechdi. Aziz Abdurahmonov — Osiyo chempionati chiroyli oʻtdi. Musobaqaga yaxshi tayyorgarlik koʻrgandik. Nasib qilsa, keyingi yili oʻtkaziladigan jahon chempionatiga tayyorgarlik koʻramiz. Ulugʻbek Toshpoʻlatov — Ilk Osiyo chempionatining oltin medalini qoʻlga kiritish — juda katta gʻurur. Kattalar oldin 5 karra jahon chempioni boʻlishgan. Biz yosh qaldirgʻochlarmiz. Nasib qilsa, biz ham 5 bor chempion boʻlamiz. Bekzod Habibullayev — Hammasi — mehnatlar samarasi. Birinchi Osiyo chempionatida gʻolib boʻldik. Bu kubok — butun Oʻzbekistonniki.

Xitoy mezbonligidagi U-20 Osiyo Kubogi musobaqasida ilk tur uchrashuvlari davom etmoqda. Quyida ushbu oʻyinlar videosharhi bilan tanishishingiz mumkin: U-20 Osiyo Kubogi 1.tur "B" guruhi Eron – Indoneziya 3:0 Gol: Hisom Nafari 5', Ismoil Gʻolizadeh 63', Mobin Dehghan 70' Eron: 1.Arsha Shakuri, 3.Hisom Nafari, 5.Irfon Darvish Aali, 7.Ismoil Gʻolizadeh, 8.Amirmuhammad Razagʻinia (16.Abdulfazl Zamoni, 58), 9.Yagub Barajeh, 10.Rizo Gandi Pur (19.Purya Shahrabadi, 87), 11.Mahan Sadegʻi (20.Yusuf Mazrayeh, 81), 15.Mobin Dehghan (6.Samir Horobatib 81), 17.Muhammad Dindor (2.Nima Andarz, 58), 18.Abulfazl Zoleikhayei. Indoneziya: 23.Ikrom Algiffari, 3.Achmad Zidan (12.Fandi Bagus, 52), 4.Kadek Arel, 5.Muhammad Alfarezzi, 7.Arlyansyah Abdulmanan (15.Marselinus Ama Ola, 45), 9.Jens Raven (11.Jehan Pahlevib 86), 10.Velberliyeskott De Halim, 16.Doni Tri Pamungkas, 18.Toni Firmansyah, 19.Muhammad Ragil, 21.Muhammad Iqbol. "C" guruhi Iordaniya – Saudiya Arabistoni 0:1 Gol: Saad Haqavi 46' Iordaniya: 1.Salameh Ali Salmon, 3.Ayham Ziyod Alsaamrigʻ, 5.Abdallah Al Myannes, 6.Yusif Mohd, 7.Ibrohim Muhammad Sabra, 9.Odeh Burxon, 11.Mahmud Muhammad (20.Moʻmen Ali Alsaket, 76), 14.Yusuf Hussayn Qashi, 16.Umar Hadir Joq (17.Abdilrahmon Alxdur, 65), 21.Solih Muhammad Fraij. Saudiya Arabistoni: 22.Hamid Abdulloh, 2.Sulton Abdulaziz, 5.Muhammad Barnavi, 6.Solih Ali Barnavi, 8.Rakan Holid Algamdi, 9.Talal Hoji (20.Abdumalik Alharbi, 81), 10.Ziyod Abdulloh Algamdi (7.Al Xayrallah Almahdavi, 69), 11.Saad Haqavi (4.Saud Muhammad, 90+2), 13.Bassam Abdulloh Hazazi, 14.Farhan Al Shamrani (18.Ramiz Said, 69), 19.Avad Muhsin Aman. Ogohlantirishlar: Ziyod Abdulloh Algamdi (24), Yusif Mohd (47). "C" guruhi. 1-tur Oʻzbekiston – Yaman 1:0 Gol: Muhammadali Oʻrinboyev (Ollobergan Karimov) 26 Oʻzbekiston: 12.Muhammadyusuf Sobirov, 4.Gʻiyosjon Rizaqulov, 5.Azizbek Toʻlqinbekov, 6.Ravshan Xayrullayev, 7.Daler Tuxsanov (15.Lazizbek Mirzayev, 64), 10.Muhammadali Oʻrinboyev (9.Saidumarxon Saidnurullayev, 83), 17.Ollobergan Karimov (19.Rustambek Fomin,78) 18.Narimon Ahmadjonov, 20.Dilshod Abdullayev, 22.Asilbek Jumayev, 23.Abdugʻafur Haydarov (8.Amirbek Saidov, 78). Yaman: 22.Usama Ali, 3.Anvar Hussayn, 4.Muhammad Naji, 6.Haithm Faysal, 9.Abdulaziz Avad (7.Muhammad Amir,76), 10.Isom Abdulatif (19.Muhammad Isom, 62), 11.Abdulrahmon Abdulnabi (21.Umar Gʻolib,77) 12.Said Abdulloh, 13.Ahmad Mustafo, 16.Muhammad Holid, 18.Odil Abbos. Ogohlantirish: Dilshod Abdullayev (Oʻzbekiston) 47, Muhammad Holid (Yaman) 61, Lazizbek Mirzayev (Oʻzbekiston) 87

Rossiya Premer-ligasidagi legionerlarimiz orasida eng yorqin oʻyin koʻrsatayotgani, shubhasiz, Abbosbek Fayzullayev hisoblanadi. 21 yoshli hujumkor futbolchimiz tom ma'noda SSKAning etakchisiga aylanib qolgan. “Armiyachilar”ning aksariyat hujumlari aynan oʻzbek legioneri orqali tashkil etiladi. Abbosning oʻzi turli pozitsiyalarda oʻynay oladigan universal futbolchilar toifasiga kiradi. SSKA bosh murabbiyi Marko Nikolich qishki tanaffusdan foydalanib, jamoaning oʻyin uslubini oʻzgartirdi. Qishki yigʻinlarda “armiyachilar” yangi sxemada toʻp tepdi. Serbiyalik mutaxassis Abbosbek Fayzullayevning pozitsiyasini oʻzgartirdi. Rossiya futboli mutaxassislari Nikolichning bu qaroriga turlicha munosabat bildirmoqda. Xususan, taniqli murabbiy Igor Shalimov bu borada oʻz fikr-mulohazalarini ma'lum qildi. - SSKA yangi oʻyin sxemasiga oʻtganidan keyin jamoa harakatlarida katta oʻsish koʻzga tashlangani yoʻq. Bu uslub top-jamoalarga qarshi uchrashuvlarda samara keltirishi mumkin. Bunda raqibga kengroq maydon beriladi, “armiyachilar” esa, payt poylab tezkor qarshi hujumga oʻtib ketadi. Bu vaziyatda gol urish imkoniyati oshadi. Oʻrtamiyona va autsayder jamoalar bilan oʻyinda SSKA himoya chizigʻini pozitsion hujum yordamida yorib oʻtishi talab etiladi. “Armiyachilar” oʻyinida aynan mana shu uslub yaxshi ishlab chiqilmagan. Miralem Pyanich kelganidan beri oʻyinida oʻsish boʻlgani yoʻq, kuzda qanday harakat qilgan boʻlsa, hozir ham shunday. Balki unga yana vaqt kerakdir. Koʻpchilik qatori meni yangi sxemada Abbosbek Fayzullayev oʻzini juda qulay his qila olmayotgani xavotirga solmoqda. Abbosning oʻziga boʻlgan ishonchi avvalgidek emas, maydonda qabul qilayotgan qarorlari ham, - dedi Igor Shalimov. Ta'kidlash joizki, avvalroq Abbosbek Fayzullayevning oʻzi ham maydondagi joyi oʻzgargani, yangi pozitsiyada oʻynashga koʻnikishi kerakligini aytgandi. - Qishki oʻquv-mashgʻulot yigʻinlari doim qiyin oʻtadi, chunki yuklamalar koʻp, mashgʻulotlar juda murakkab. Biz yangi oʻyin sxemasiga oʻtdik va hozir uni oʻzlashtirishga e'tibor qaratganmiz, unga koʻnikish uchun biroz vaqt talab etiladi. Yangi sxema boʻyicha biz toʻpga koʻproq egalik qilamiz. Oʻzimning pozitsiyam oʻzgardi. Ilgari men bu darajada maydon ichkarisiga tushib, hujum qilmaganman. Bu usulda bir Oʻzbekiston terma jamoasida oʻynab koʻrgan edim. Oʻyinda borimni berishga harakat qilaman, ayni paytda murabbiy meni 8-raqam pozitsiyasida oʻynatyapti. Bolaligimdan 10-raqam oʻrnida oʻynab kelganman va bu joyda oʻzimni ancha qulay his qilardim. Hozir oʻzimning yangi qirralarimni kashf qilyapman, deyishim mumkin. Vaqt berilsa, hujum sxemasida bu pozitsiyada ham samarali oʻynashni oʻrganib olaman, - degan edi Abbosbek Fayzullayev. Eslatib oʻtamiz, Abbosbek Fayzullayev 2023 yilning avgust oyida “Paxtakor”dan SSKAga koʻchib oʻtdi. Shundan beri “armiyachilar” safida barcha turnirlarda 55 marotaba maydonga tushib, sakkizta gol va 20 ta assist muallifi boʻldi.

Ayni kunlarda Oʻzbekiston MTJ bosh murabbiyi Timur Kapadze Turkiyada boʻlib turibdi. Terma jamoamiz ustozi Turkiya safari haqida qisqa intervyu berdi. «Turkiyaga ikki kun avval keldim. Ayni vaqtda yurtimizning koʻplab jamoalari yangi mavsumga Turkiyada tayyorgarlik koʻrmoqda. Bu erga oʻyinlarni koʻrish, futbolchilarning holati va murabbiylar bilan gaplashgani keldim. Futbolchilarni kuzatishni maqsad qilganman. Umuman barcha oʻyinlarga bormoqdaman. Birinchi «Buxoro»ni oʻyinini kuzatdim. Keyin «Neftchi», «Andijon», «Bunyodkor» jamoalarining oʻyinini bevosita stadiondan tomosha qildim. Bugun «Nasaf», «Soʻgʻdiyona» jamoalari bahs olib boradi. Shu oʻyinlarga borishni maqsad qilganman. Oʻyinlarga borib, futbolchilarning holatini oʻrganmoqchiman. Turkiyaga futbolchilarning holatlarini oʻrganish maqsadida keldim», — deb fikr bildirdi terma jamoamiz ustozi.

Evropa ligasining oʻtish oʻyinlari doirasidagi bir qancha bahslar yakuniga etdi. Quyida ushbu oʻyinlar natijasi va oʻyinlar videosharhi bilan tanishishingiz mumkin: "Portu" Portugaliya – "Roma" Italiya 1:1 "Eshtadiu do Dragau" Gollar: 0:1 – 45+5 Chelik, 1:1 – 67 Moura. Portu – Diogu Koshta, Otavio (Namaso, 75), Peres, Tiagu jalo, Mora de Karvalyu (Pepe Akino, 63), Gonsalu Borjesh, Moura (Sanusi, 85), Varela (Fabiu Viyeyra, 63), Eushtakiu, Joau Mariu, Agexova (Gyul, 85). Roma – Svilar, Ndika, Manchini, Chelik, Anxelino, Pellegrini (Soule, 67), Kristante, Kone (Pizilli, 46), Salemakers (El-Shaaravi, 46), Dovbik (Paredes, 75), Dibala (Baldantsi, 40). Ogohlantirish: Pellegrini (18), Varela (20), Chelik (28), Kone (34), Salemakers (45+2), Moura (45+2), Kristante (63), Otavio (71), Baldantsi (90+4), Paredes (90+4). Chetlatish: Kristante (72). "AZ Alkmar" Niderlandiya – "Galatasaroy" Turkiya 4:1 "AFAS-stadion" Gollar: 1:0 – 12 Meynans, 1:1 – 20 Shallai, 2:1 – 37, penalti Perrott, 3:1 – 57 Klasi, 4:1 – 66 Meller Volf. AZ Alkmar – Ovusu-Oduro, Meller Volf, Aleshandre Penetra, Gus, Maykuma (Kasius, 77), Klasi, Kopmeyners (Byurmester, 77), Lado (Dal, 83), Meynans, Poku (Smit, 83), Perrott (van Deyn, 90). Galatasaroy – Muslera, Bardakji, Kuesta, Kutlu (Baltaji, 71), Mertens (Demirbay, 56), Yelert (Demir, 71), Sara (Lush, 90+3), Ayxan, Shallai, Yilmaz, Morata (Akman, 90+3). Ogohlantirish: Ayxan (11), Bardakji (43), Meller Volf (48), Morata (57), Klasi (75). Chetlatish: Ayxan (51). "Tvente" Niderlandiya – "Bude-Glimt" Norvegiya 2:1 "de Grols Veste" Gollar: 1:0 – 5 Ltayef, 1:1 – 85 Berg, 2:1 – 90+5, penalti van Volfsvinkel. Tvente – Unnershtal, Keypers, Lagerbilke, Xilgers, van Roy, Sadilek, Vlap, Ltayef (Unyuvar, 69), Steyn (Versxuren, 82), Rots, van Volfsvinkel. Bude-Glimt – Xaykin, Berkan, Gundersen, Nilsen, Shevold (Vembangomo, 86), Saltnes (Fet, 87), Berg, Even, Xeuge (Xelmersen, 87), Blomberg, Xeg (Dubvik Myayatya, 67). Ogohlantirish: Berkan (37), Xeuge (41), Gundersen (42), Lagerbilke (53), Unyuvar (84).

30 yanvarga oʻtar kechasi bir vaqtda oʻtkazilgan 18 ta oʻyindan keyin Chempionlar ligasi guruh bosqichining 36 klubdan iborat yakuniy jadvali shakllandi. Dastlabki sakkiz oʻrinni egallagan jamoalar darhol 1/8 finalga yoʻl oldi va bahorgacha keyingi raqiblarini kutadigan boʻldi, 9-oʻrindan 24-oʻringacha boʻlgan jamoalar fevralda oʻtish oʻyinlarida qatnashadi. Oxirgi 12 pogʻonadagi jamoalar turnir bilan xayrlashdi. 31 yanvar kuni, Toshkent vaqti bilan soat 16:00 da oʻtish oʻyinlari uchun qur'a tashlanadi. Asosiy printsip: jadvaldagi har ikkinchi oʻrin ahamiyatga ega. Masalan, 9-oʻrindagi jamoa 23- yoki 24-oʻrindagi jamoa bilan oʻynashi mumkin (10-oʻrindagi ehtimoliy raqiblar ham shu jamoalar boʻladi). Shartli «Atalanta» yoki Dortmundning «Borussiya» klubi yoki «Sporting», yoki «Bryugge» bilan oʻynashi aniq. 11-klub yoki 21-oʻrindagi, yoki 22-oʻrindagi jamoa bilan oʻynaydi (agar 21-oʻrin vakili 11-klubga tushsa, unda oʻz oʻzidan 22-oʻrin vakili 12-oʻrindagi jamoaga raqib boʻladi) va hokazo. UYeFA sayti xabar berishicha, bu format olti yil mobaynida ishlab chiqilgan. Qur'a vaqtida avvaliga 23- va 24-jamoalar koʻrsatilgan sharlar olinadi. Birinchi chiqqan shar setkaning yuqori qismiga, ikkinchisi quyi qismiga yuboriladi. UYeFA rasmiy grafikasida bu setkaning chap qismi (kumush) va oʻng qismi (koʻk) boʻladi. Keyin esa 21- va 22-oʻrinlardagi jamoalarning oʻrni aniqlanadi. Bu jarayon 9- va 10-klublar koʻrsatilgan sharlargacha davom etadi. Ya'ni hozirning oʻzida 9-oʻrindan 24-oʻringacha boʻlgan jamoalarda faqat ikki ehtimoliy raqib borligini bilamiz. Masalan, qur'a natijalariga koʻra «Manchester Siti» yoki «Real», yoki «Bavariya» bilan toʻqnash keladi (bu grandlar «Seltik»ning ham ehtimoliy raqiblari hisoblanadi). Qur'a tashlashda hech qanday cheklovlar boʻlmaydi – oʻtish oʻyinlarida bir mamlakat vakillari oʻzaro uchrashishi mumkin. Masalan, «PSJ» (15-oʻrin) «Monako» yoki «Brest» (mos ravishda 17- va 18-oʻrinlardagi jamoalar) bilan oʻynaydi, «Milan» esa «Yuventus» (yoki «Feyenoord») tushishi mumkin. Agar jamoalar guruh bosqichida oʻzaro oʻynagan boʻlsa, bu ular oʻtish oʻyinlarida yana toʻqnashishiga toʻsqinlik qilmaydi. Masalan, Dortmundning «Borussiya» klubiga 50 foizlik ehtimol bilan «Bryugge» raqib boʻladi, holbuki ular sentyabr oyida ham EChL doirasida oʻynashgandi. 9-oʻrindan 16-oʻringacha boʻlgan jamoalar nafaqat saralangan jamoalar hisoblanadi, balki oʻtish oʻyinlaridagi javob uchrashuvlarini oʻz maydonlarida oʻtkazish imkoniga ega boʻlishadi, buni esa ustunlik deyish mumkin. Bu kabi sxema Chempionlar ligasidan tashqari Evropa Ligasi va Konferentsiyalar Ligasi uchun ham koʻzda tutilgan. Uchala yevrokubokda ham oʻtish oʻyinlaridan keyin yana bir qur'a boʻladi. Oʻshanda jamoalar top-8 dagi raqiblarini bilib olishadi. U erda ham har bir klubda ikkitadan ehtimoliy raqib boʻladi. Hozirning oʻzida «Atletiko» yoki «Bayer»dan biri quyidagi toʻrtlikdan biriga raqib boʻlishini aytish mumkin: «Bavariya», «Manchester Siti», «Real», «Seltik». Umumiy jadvalda birinchi va ikkinchi oʻrinlarni qoʻlga kiritgan «Liverpul» va «Barselona»ning 1/8 final uchun ehtimoliy raqiblari quyidagilar: 15-, 16-, 17- yoki 18-jamoa: «PSJ», «Benfika», «Monako» yoki «Brest». Oʻtish oʻyinlaridan keyin ulardan ikkisi turnirni tark etadi va soʻnggi qur'a paytida (21 fevral) faqat ikki variant qolgan boʻladi. Ya'ni, «Monako» va «PSJ» oʻtish oʻyinlaridan omon chiqishsa, keyingi bosqichda guruh bosqichining eng yaxshi ikki jamoasiga raqib boʻladi. 2-oʻtish oʻyinlaridagi ikki gʻolib («Sporting» / «Bryugge» — «Atalanta» / «Borussiya» D) nimchorak finalda «Lill» va «Aston Villa»ga raqib boʻladi. 3-oʻtish oʻyinlaridagi ikki gʻolib («Seltik» / «Manchester Siti» — «Real» / «Bavariya») nimchorak finalda «Atletiko» va «Bayer» juftligiga raqib boʻladi. 4-oʻtish oʻyinlarining ikki gʻolibdan («Feyenoord» / «Yuventus» — «Milan» / PSV) biri nimchorak finalda «Arsenal», ikkinchisi «Inter» bilan oʻynaydi. Dastlabki oʻtish oʻyinlari 11 va 12 fevral, javob uchrashuvlari — 18 va 19 fevral kunlari oʻtkaziladi. 1/8 final uchrashuvlari 4, 5, 11 va 12 mart kunlariga belgilangan. Chorakfinal uchun 8, 9, 15 va 16 aprel, yarimfinal uchun — 29 va 30 aprel, shuningdek 6 va 7 may ajratilgan. Finalga 31 may kuni Myunxen mezbonlik qiladi. Qur'a jarayoniga aloqador boʻlmagan yana bir nyuans bor. Oʻtish oʻyinlari uchun yangi futbolchilarni qaydnomaga kiritish mumkin, buni 6 fevralga qadar amalga oshirish kerak boʻladi. Agar futbolchi Chempionlar ligasining guruh bosqichida boshqa jamoada oʻynab ulgurgan boʻlsa, bu unga pley-offda boshqa jamoa uchun toʻp surishiga xalal bermaydi, xususan, Abduqodir Husanov «Siti» safida EChLda ishtirok etishi mumkin.

Niderlandiyada shaxmat boʻyicha an'anaviy Tata Steel Chess 2025 musobaqasi davom etmoqda. Musobaqada Oʻzbekistonning 2 shaxmatchisi gʻoliblik uchun kurash olib bormoqda. Foto: Chess Kecha, 29 yanvar kuni oʻtkazilgan 10-turda Masters guruhi peshqadamlari safida borayotgan Nodirbek Abdusattorov oq donalarda oʻynab serbiyalik Aleksey Saranani magʻlub etdi. Shaxmatchi hozirgacha musobaqada magʻlub boʻlmagandi. Ushbu gʻalabadan soʻng Abdusattorov oʻz hisobidagi ochkolar sonini 7 taga etkazib, turnir jadvalida ikkinchi oʻrinda bormoqda. Foto: Chess Hindistonlik Gukesh Dommaradju turnir jadvalining eng yuqorisida joylashgan. Amaldagi jahon chempioni qora donalarda harakat qilganiga qaramay, niderlandiyalik Maks Varmerdamdan ustun keldi. Gukesh 7,5 ochko bilan yakka karvonboshi boʻlib turibdi. Yana bir hind grossmeysteri Rameshbabu Pragnanandha ham bu turda oʻzi uchun muhim gʻalabani qoʻlga kiritdi. U sloveniyalik Vladimir Fedoseyevdan ustun kelib, 6,5 ochko bilan kuchli uchlikka yakun yasagan. Masters guruhida magʻlubiyatga uchramagan uch nafar shaxmatchi qoldi — Gukesh Dommaradju, Nodirbek Abdusattorov va Vey Li. Xitoylik grossmeysterning 1 gʻalaba, 9 ta durang qayd etdi. Gukesh hisobida 5 tadan gʻalaba va durang bor. Abdusattorov esa 4 gʻalaba va 6 durangga ega. Foto: Chess Challenger guruhida qatnashayotgan Nodirbek Yakubboyev (2659) 10-turda oq donalarda niderlandiyalik Benjamin Bok bilan murosaga keldi. Yakubboyev 3 gʻalaba, 4 durang va 3 magʻlubiyat bilan 5 ochko jamgʻargan holda turnir jadvalida 9-pogʻonadan joy olgan. Foto: Chess Chexiyalik Van Nguyen 7,5 ochko bilan Challenger guruhida karvonboshilik qilmoqda. Niderlandiyalik Ervin L'ami 7 ochko toʻplab, 2-oʻrinni band etgan boʻlsa, ozarbayjonlik Aydin Suleymanli 6,5 ochko bilan qoʻshimcha koʻrsatkichlarga koʻra kuchli uchlikka yakun yasagan. Benjamin Bok hisobida ham 6,5 ochko bor. Ma'lumot uchun, musobaqa nizomiga koʻra, shaxmatchilar 13 ta turda dona suradi.

Evropa Chempionlar ligasi doirasida "Brest" hamda "Real" oʻzaro kuch sinashdi. Unda "qaymoqranglilar" 3:0 hisobida zafar quchdi. Rodrigo dubl qilgan boʻlsa, Bellingem oʻz nomini tabloga bir marotaba yozdirib qoʻydi. Brest – Real Madrid 0:3 30 yanvar, 01:00, «Ruduru» Gollar: 0:1 – 27 Rodrigo, 0:2 – 56 Bellingem, 0:3 – 78 Rodrigo. Brest – Bizot, Kulibali, Shardonne, Pereyra Laje, Lala, Manetti (Le-Melu, 61), Fernandesh, Kamara (Del Kastiyo, 70), Dumbiya (Fevr, 61), Balde (Sima, 70), Ajork (Sala, 79). Real Madrid – Kurtua, Mendi, Ryudiger, Tchuameni (Alaba, 82), Vaskes (Asensio, 83), Valverde, Modrich (Endrik, 88), Rodrigo, Bellingem (Sebalos, 82), Braim Dias (Gyuler, 72), Mbappe. Ogohlantirishlar: Pereyra Laje (10), Tchuameni (29), Ryudiger (35), Anchelotti (64), Bellingem (74). Quyida ushbu bahs videosharhini tomosha qilishingiz mumkin:

Evropa Chempionlar ligasi doirasida "Barselona" - "Atalanta" bilan bahs olib bordi. Mazkur oʻyinda jamoalar 2:2 durangga imzo chekdi. "Koʻk-anorranglilar" safida Yamal hamda Arauxo gol urgan boʻlsa, mehmonlarning gollariga Ederson hamda Pashalich mualliflik qildi. Barselona – Atalanta 2:2 30 yanvar, 01:00, «Olimpik Lyuis Kompanis» Gollar: 1:0 – 47 Yamal, 1:1 – 67 Ederson, 2:1 – 72 Arauxo, 2:2 – 79 Pashalich. Barselona – Shchensni, Balde, Erik Garsiya (Kubarsi, 69), Arauxo, Kunde, Pedri (Kasado, 80), de Yong, Rafinya, Gavi (Lopes, 69), Yamal (Viktor, 90+6), Levandovski (Ferran Torres, 69). Atalanta – Karnezekki, Kolashinas (Skalvini, 55), Xin, Djimshiti, Pashalich, Dzappakosta (Rudjeri, 77), Ederson, de Ron, Bellanova (Kuadrado, 77), Retegi (Dzanolo, 77), de Ketelare (Breshianini, 87). Ogohlantirishlar: Kolashinas (51), de Ron (90+3), Pashalich (90+7), Ederson (90+7). Quyida ushbu oʻyin videosharhini tomosha qilishingiz mumkin:

Yangi yilda “Manchester Siti”ga koʻchib oʻtgan Abduqodir Husanov faqat Oʻzbekiston emas, balki boshqa mamlakatlardagi futbol ishqibozlarining ham diqqat markazida turibdi. 20 yoshli himoyachimiz Angliyaning amaldagi chempioni safiga qoʻshilganidan atigi besh kun oʻtib, dunyodagi eng murakkab musobaqalardan biri – Angliya Premer-ligasida debyut oʻtkazishga muvaffaq boʻldi. Garchi u “Manchester Siti” safiga qoʻshilib, ilk uchrashuvini “Chelsi”ga qarshi oʻtkazgan va oʻyin boshida bir necha bor xatoga yoʻl qoʻygan boʻlsa-da, bu holat mutaxassislar, murabbiylar va futbolchilar tomonidan tabiiy deb baholandi. Abduqodirni bosh murabbiy Xosep Gvardiola, jamoaning yulduzlari – Erling Xoland, Manuel Akanji, Yoshko Gvardiol hamda koʻplab futbol mutaxassislari qoʻllab-quvvatladi. Hatto, boshqa davlatlarning futbol jamoatchiligi ham uning ishtirokiga qiziqish bildirdi. Endi Husanov yana bir nufuzli musobaqa – Evropa Chempionlar Ligasining pley-off bosqichida maydonga tushishi mumkin. “Manchester Siti” futbolchilari umumiy bosqichning soʻnggi uchrashuvida Belgiyaning “Bryugge” jamoasini 3:1 hisobida magʻlub etdi. Bu gʻalaba “shaharliklar”ga nimchorak final yoʻllanmasi uchun oʻtish oʻyinida qatnashish imkonini berdi. “Manchester Siti” yangi formatda oʻtkazilayotgan Evropa Chempionlar ligasining umumiy bosqichini 22-oʻrinda yakunlaganini inobatga olib, mutaxassislar pley-offning oʻtish oʻyinida “Real” yoki “Bavariya”ga toʻqnash kelishini ma'lum qilishdi. Demak, Abduqodir Husanovning “Manchester Siti” oʻyinchisi sifatida Evropa chempionlar ligasidagi debyutini ham kutib qolamiz. Ta'kidlash joizki, Abduqodir Husanov UYeFA tomonidan oʻtkazilayotgan eng nufuzli musobaqalarda debyutini nishonlab boʻlgan. U “Lans”da oʻynagan bir yarim yil davomida Chempionlar ligasi, Evropa Ligasi va Konferentsiyalar ligasi doirasida oʻtkazilgan bellashuvlarda maydonga tushgan edi.

Pep Gvardiola "Bryugge"ga qarshi uchrashuvdan (3:1) soʻng jamoaga yangi kelib qoʻshilganlarning pley-offda jamoaga yordam berishi qanchalik muhimligi haqida gapirdi. "Albatta, bu juda muhim. Biz butun mavsum davomida futbolchilarsiz qiyinchilikka duch keldik. Ular bilan bizda variantlar koʻp boʻladi. Umid qilamanki, Doku ham qaytadi. Kovachich tajribali futbolchi. U fantastik gol urdi. Kova mana shunday muhim pallalarda oʻyinni oʻzgartirishga qodir. Biz buni uddaladik va endi zavqlanish vaqti keldi. Sababi, EChL juda ogʻir boshlandi. Ammo yakunda oldinga qadam tashlay oldik. Qur'a esa... Koʻramiz", - dedi Gvardiola. Ma'lumot uchun, pley-off bosqichida "Manchester Siti"ga "Real" yoki "Bavariya" raqiblik qiladi.

Futbol boʻyicha Angliya Premer Ligasi Oʻzbekistondagi mahalliy telekanalda namoyish etilishi mumkin. Bu haqda sharhlovchi Otabek Joʻrayev oʻzining Telegramdagi sahifasida ma'lum qildi: “Zo‘r TV APL doirasidagi Abduqodir Husanov ishtirokidagi oʻyinlarni namoyish etadi! APLning har turida kanal tomonidan ikkita uchrashuv translyatsiya qilinadi. Birinchi oʻyin bu, tushunarli — "Manchester Siti" oʻyini. Ikkinchisi esa "Liverpul", "Arsenal", "Chelsi", "Manchester Yunayted", "Tottenhem" yoki boshqa ingliz brendi ishtirokidagi oʻyin”, deb yozgan Sport TV va Futbol TV sharhlovchisi Otabek Joʻrayev. Futbol boʻyicha Ispaniya chempionati bahslarini aynan shu kanalda sharhlab borayotgan Davron Fayziyev bu ma'lumotlar rasmiy kuchga emasligini ta'kidladi. “Bu ma'lumot hali rasmiy emas. Ha, Zo‘r TV bugungi kunda barcha futbol muxlislari koʻrishni xohlayotgan “Siti” va APLning boshqa top klublari oʻyinlarini namoyish etish uchun harakatda. Biz ham bu ijobiy hal boʻlishini kutyapmiz. Bu jarayon qiyinroq, aslida. Mayli, kuzataylikchi”, deydi sharhlovchi Davron Fayziyev.

Evropa Chempionlar ligasi doirasida "Bavariya" oʻz maydonida "Slovan"ni qabul qildi. Unda myunxenliklar 3:1 hisobida zafar quchdi. Myuller, Keyn hamda Koman tomonidan kiritilgan gollar nemis klubiga 3 ochko taqdim etdi. Bavariya – Slovan B 3:1 30 yanvar, 01:00, «Alyans Arena» Gollar: 1:0 – 8 Myuller, 2:0 – 63 Keyn, 3:0 – 84 Koman, 3:1 – 90 Tolich. Bavariya – Noyer, Stanishich (Gerreyru, 84), Kim Min Chje, Boe (Gnabri, 62), Kimmix, Pavlovich, Tel (Koman, 62), Myuller (Musiala, 62), Olise, Sane, Keyn. Slovan B – Takach, Vimmer, Kashiya, Bayrich, Martselli (Medvedev, 62), Barsegyan (Mak, 70), Szoke (Mustafich, 77), Savvidis, Sharani (Tolich, 77), Blekmen, Streles (Metsoko, 70). Ogohlantirishlar: Blekmen (32), Savvidis (81), Bayrich (81). Quyida ushbu oʻyin videosharhini tomosha qilishingiz mumkin:

Evropa Chempionlar ligasi soʻnggi turi doirasida "Shtutgart" oʻz maydonida PSJni qabul qildi. Unda parijliklar 4:1 hisobida zafar quchdi. Dembele xet-trik qilgan boʻlsa, Barkola oʻz nomini tabloga bir marotaba yozdirib qoʻydi. Shtutgart – PSJ 1:4 30 yanvar, 01:00, «MXP-Arena» Gollar: 0:1 – 6 Barkolya, 0:2 – 17 Dembele, 0:3 – 35 Dembele, 0:4 – 54 Dembele, 1:4 – 77, avtogol Pacho. Shtutgart – Bredlov, Mittelshtedt, Shabo, Al-Daxil (Cheyz, 71), Vagnoman (Stergiu, 61), Shtiller (Rider, 71), Karazor, Miyo, Fyurix, Leveling (Kaytel, 78), Undav (Demirovich, 60). PSJ – Donnarumma, Lyuka Ernandes (Beraldo, 71), Pacho, Markinos, Xakimi (Fabian Ruis, 71), Zair-Emeri, Vitinya, Joau Nevesh (Meyulyu, 77), Barkolya (Gonsalu Ramush, 71), Dembele, Due (Li Kan In, 60). Ogohlantirishlar: Shtiller (53), Joau Nevesh (66), Karazor (70). Quyida mazkur bahs videosharhini tomosha qilishingiz mumkin:

Evropa Chempionlar ligasi doirasida "Atletiko" "Zalsburg" klubi maydoniga safar qildi. Unda "matraschilar" 4:1 hisobida zafar quchdi. Grizmann dubl muallifiga aylandi. Shuningdek, Simeone hamda Lorente bir marotabadan raqib darvozasini ishgʻol qildi. Zalsburg – Atletiko 1:4 30 yanvar, 01:00, «Red Bull Arena» Gollar: 0:1 – 5 Simeone, 0:2 – 13 Grizmann, 0:3 – 45+1 Grizmann, 0:4 – 63 Lorente, 1:4 – 90+1 Dagim. Red Bull – Shlager, Terzich (Morgalla, 85), Blank, Baydu, Dedich, Glux, Diambu (Kavamura, 58), Kapaldo (Baychetich, 85), Yeo (Ratkov, 67), Dorjeles (Klark, 58), Dagim. Atletiko – Oblak, Aspilikueta, Langle, Le Norman, Lorente, Lino (Lemar, 81), Koke, De Pol (Gallaxer, 67), Simeone (Molina, 59), Grizmann (Rikelme, 67), Alvares (Serlot, 59). Ogohlantirishlar: Kapaldo (57), Blank (66). Quyida ushbu bahs videosharhini tomosha qilishingiz mumkin:

O‘tgan yillarda "Yuventus" jamoasida o‘ynagan taniqli futbolchi Edgar Davids tanishi Nabila Habibining o‘g‘irlik qilgani haqida xabar oldi. Bu haqida Euro-football.ru xabar berdi. Bu haqda ad.nl portali ma’lumot berdi. Nashr ma’lumotlariga ko‘ra, Davids o‘zining rasm kolleksiyasining o‘g‘irlanganini bir necha yil o‘tib bilib qolgan. U kolleksiyani ishonch bildirgan odamga topshirgan edi. Bir muddat Habibi ham uning uyida yashagan. Davids kolleksiyasi xavfsiz joyda saqlanayotganiga ishonar ekan, Habibi 37 ta rasmni o‘g‘irlab, ularni turli lombardlarga garovga qo‘ygan va taxminan 30 ming yevro olgan. 2017 yilda Habibi qarzlarini to‘lay olmagach, lombardlar rasmlarni sotish huquqiga ega bo‘lgan. Sotib olganlardan biri rasmning orqa tomonida Davidsning ismini ko‘rib, ijtimoiy tarmoqlar orqali unga murojaat qilgan. Shundan so‘ng Davids sudga murojaat qilgan. Habibi o‘g‘irlikni tan olgan. Avvalroq u jinoyat ishlari bilan bog‘liq muammolarga duch kelgan va tanishidan 3500 yevro olgan holda qoldirgan edi.

Fransuz himoyachisi Benjamen Pavar o‘zining «Marsel» klubiga o‘tishi haqidagi taassurotlarini bildirdi. Bu haqida Euro-football.ru xabar berdi. Uning so‘zlariga ko‘ra, hozirgi vaqtda barcha fikrlari faqat «Marsel»ga qaratilgan. U ushbu nufuzli klubga qo‘shilganidan faxrlanishini va maydonga chiqishni intiqlik bilan kutayotganini ta’kidladi. Pavar 29 yoshda bo‘lib, uning huquqlari Milanning «Inter» klubiga tegishli. U 2025/2026 yilgi mavsum oxirigacha ijaraga berilgan va keyinchalik sotib olish huquqi mavjud. 2024/2025 yilgi mavsumda Pavar Italiya Seriya A ligasida 23 o‘yin o‘tkazdi, ammo gol ura olmadi va bitta golga uzatma berdi. Fransiya terma jamoasi safida u jahon chempioni hisoblanadi. 2018 yilda Rossiyada o‘tgan jahon chempionatida uch rangli terma jamoa bilan birga g‘olib chiqqan. Ushbu musobaqaning chorak finalida Argentina jamoasiga qarshi muhim golni kiritgan. Pavar o‘zining tajribasi va mahorati bilan «Marsel» jamoasiga katta foyda keltirishga tayyor ekanligini namoyish qilmoqda.

Red Bull Zalsburg jamoasining hujumchisi Karim Konate «Barselona» klubi qiziqish doirasiga kirdi. Bu haqida Euro-football.ru xabar berdi. Kataloniya klubi 37 yoshli Robert Levandovskiga o‘rnini bosuvchi yangi futbolchini izlamoqda. Hozirgi mavsum Levandovski uchun klubdagi so‘nggi mavsum bo‘lishi mumkin. Transfer News Live manbasining Africa Soccer saytiga asoslanib xabar berishicha, 21 yoshli Karim Konate katalonlar e’tiborida turibdi. U o‘tgan yil noyabr oyidan beri tizzasidagi kesilgan bog‘lam sababli maydonga chiqa olmayapti. Transfermarkt portali uning bozor qiymatini 15 million yevroga baholagan. Ivoriyalik hujumchi Red Bull Zalsburgning birinchi jamoasi safida 64 o‘yinda maydonga tushib, 33 ta gol urdi va 11 ta golga uzatma berdi. Bu yosh futbolchining kelajagi katta deb hisoblanmoqda va «Barselona» uni o‘z tarkibiga qo‘shishni ko‘zlamoqda.

18 yoshli «Barselona» jamoasining markaziy yarim himoyachisi Mark Bernal yaqinlashib kelayotgan Ispaniya chempionati doirasidagi «Valensiya»ga qarshi o‘yinda jamoa tarkibiga kiritilishi mumkin. Bu haqida Euro-football.ru xabar berdi. Bu haqda Barca Universal manbasi xabar bermoqda. Ma’lumotlarga ko‘ra, futbolchi o‘yinda qatnashish uchun tibbiy ruxsatnomani olishi zarur. U 2024 yilning avgust oyidan buyon tizzasidagi oldingi kesuvchi bog‘lamning yirtilishi sababli maydonga tushmagan. Ispaniya La Liga chempionatining to‘rtinchi turidan o‘rin olgan «Barselona» va «Valensiya» jamoalari o‘rtasidagi uchrashuv 14 sentyabr, yakshanba kuni bo‘lib o‘tadi. Asosiy hakamning boshlang‘ich signalini Moskva vaqti bilan soat 22:00 da eshittirilishi rejalashtirilgan. Ushbu o‘yin muxlislar uchun katta qiziqish uyg‘otmoqda. Mark Bernalning maydonga qaytishi jamoaning hujum va himoya chizig‘ida muhim o‘zgarishlarga sabab bo‘lishi mumkin. Jamoa murabbiylari va tibbiyot xodimlari uning holatini diqqat bilan kuzatmoqda. O‘yin oldidan futbolchilar jismoniy va ruhiy jihatdan tayyorlanmoqda. Ushbu uchrashuv La Liga musobaqasida muhim ahamiyatga ega bo‘lib, jamoalar o‘z pozitsiyalarini mustahkamlashga intilmoqda. Bernalning maydonga qaytishi «Barselona» uchun katta imkoniyatdir.

Braziliyalik hujumchi Neymar "Santosa" jamoasida o‘ynagan paytlarida, Lionel Messi bilan "PSJ" jamoasida birga bo‘lgan voqeani esladi. Bu haqida Euro-football.ru xabar berdi. Neymarning so‘zlariga ko‘ra, u "PSJ"da bir safar Messidan penalti zarbasini urishni so‘ragan, biroq Messi bunga rozi bo‘lmagan va: "Yo‘q, men buni qilish uchun emasman. Yoki o‘zing ur, yoki Mbappenga ber", deb javob bergan. Messi hech qanday munozara qilmagan va juda osoyishta inson ekanligi ta’kidlangan. Neymar 2017 yildan 2023 yilgacha "PSJ"da o‘ynagan, Messi esa 2021 yildan 2023 yilgacha shu jamoada faoliyat yuritgan. Ular "PSJ"ga kelishdan oldin "Barselona"da ham birga o‘ynashgan va juda yaqin do‘stlar hisoblanadi. Hozirda 38 yoshli Messi Amerika Qo‘shma Shtatlaridagi "Inter Mayami" klubida faoliyat olib bormoqda. Neymar va Messi o‘rtasidagi do‘stlik va jamoaviy hamkorlik sport olamida ko‘plab muxlislar tomonidan yuqori baholanadi.

31 yoshli turk yarim himoyachisi Hakan Chalxanog‘lu, huquqlari Milan shahridagi «Inter» futbol klubiga tegishli bo‘lgan futbolchi, klubini o‘zgartirishi mumkin. Bu haqida Euro-football.ru xabar berdi. Fichajes nashrining ma’lumotlariga ko‘ra, yarim himoyachining o‘z vatanida faoliyat yuritishi uchun imkoniyat mavjud. Istanbulning «Galatasaroy» jamoasi Chalxanog‘lu transferiga qiziqish bildirmoqda. Turkiyaning yirik klubi yozgi transfer oynasida futbolchini o‘z safiga qo‘shishni rejalashtirmoqda. Ushbu kelishuv Istanbul jamoasiga taxminan o‘n million yevroga tushishi mumkin. Hakan Chalxanog‘lu 2021 yil yozidan beri «Inter» jamoasida o‘ynamoqda. O‘tgan mavsumda u «neradzurri» tarkibida 47 ta o‘yinda maydonga tushib, 11 ta gol urdi va sakkizta golga uzatma berdi. Futbolchi o‘zining tajribasi va o‘yindagi samaradorligi bilan jamoaga katta hissa qo‘shmoqda. Uning transferi haqida qo‘shimcha ma’lumotlar yaqin kunlarda e’lon qilinishi kutilmoqda.

Angliya futbol klubi "Lids" yangi bosh murabbiy izlamoqda. Bu haqida Euro-football.ru xabar berdi. Bu haqda Teamtalk jurnalistlari xabar bermoqda. Manba ma’lumotlariga ko‘ra, Premer-liga vakilining qiziqish doirasida ikkita taniqli portugal mutaxassisi bor. Ular — Joze Mourinyo va Nunu Eshpiritu Santu. Hozirda har ikkisi ish bilan ta’minlanmagan. "Maxsus" laqabli Mourinyo Turkiyaning "Fenerbaxche" klubini tark etdi, Santu esa "Vulverxempton" jamoasidan ayrildi. Hozirda "Lids" jamoasining bosh murabbiyi lavozimida Daniyel Farke faoliyat yuritmoqda. Angliya Premer-ligasining uchinchi turidan so‘ng jamoa to‘plagan to‘rt ochko bilan musobaqa jadvalida o‘n ikkinchi o‘rinda bormoqda. Klub rahbariyati yangi murabbiyni topish va jamoani yanada kuchaytirish ustida ishlamoqda. Yangi bosh murabbiy kim bo‘lishi jamoaning kelgusi o‘yinlariga ta’sir ko‘rsatishi kutilmoqda. Klub muxlislari va mutaxassislar bu qarorni diqqat bilan kuzatmoqda.

Hujumchi yarim himoyachi Jek Grilish «Everton» jamoasida ijarada o‘ynashni a’lo darajada boshladi. Bu haqida Euro-football.ru xabar berdi. U Angliya Premer-ligasining so‘nggi uch turida jamoadoshlariga to‘rt ta samarali uzatma berdi. Ushbu natijalar unga avgust oyining eng yaxshi futbolchisi mukofotini qo‘lga kiritish imkonini berdi. Bu Jek uchun professional faoliyatida birinchi bor berilgan yutuqdir. Hozirgi vaqtda «Everton» jamoasi 6 ochko bilan musobaqa jadvalida beshinchi o‘rinda turibdi. Jamoa bosh murabbiyi Devid Moyes rahbarligida keyingi o‘yinni 13 sentyabr, shanba kuni o‘z maydonida «Aston Villa» jamoasiga qarshi o‘tkazadi. Ushbu uchrashuv muxlislar uchun muhim va qiziqarli bo‘lishi kutilmoqda. Grilishning jamoaga qo‘shgan hissasi va uning o‘yindagi faoliyati jamoaning muvaffaqiyatiga katta ta’sir ko‘rsatmoqda. Premer-liga mavsumida «Everton» jamoasi yuqori natijalarga erishishga intilmoqda.