Atletiko Almeriyadan Pubilni sotib oldi
Madridning “Atletiko” jamoasiga yaqinda yangi himoyachi qo‘shiladi. Bu haqida Euro-football.ru xabar berdi.
Bu futbolchi “Almeriya” jamoasidan Mark Pubil bo‘ladi. Klubning rasmiy saytida matbuot xizmati bu haqda ma’lumot berdi.
Tez orada Mark Pubil tibbiy ko‘rikdan o‘tadi va “Atletiko” bilan mehnat shartnomasini imzolaydi. AS nashrining xabar berishicha, Madrid klubi ispan himoyachisi uchun “Almeriya”ga 12 million yevro to‘lashi rejalashtirilgan.
Bundan tashqari, bonus sifatida 7 million yevro ajratilgan. O‘tgan mavsumda Mark Pubil 40 ta o‘yinda maydonga tushib, bitta gol urgan va beshta golli uzatma amalga oshirgan.
Transfermarkt ma’lumotlariga ko‘ra, futbolchining bozor qiymati 4 million yevroni tashkil qiladi. Ushbu transfer “Atletiko” jamoasining himoya chizig‘ini kuchaytirishga qaratilgan muhim qadam hisoblanadi.
