Manchester Siti yangi futbolchini jamoaga qo‘shmoqda. Bu haqida Euro-football.ru xabar berdi.
The Athletic nashrining xabar berishicha, «shaharliklar» o‘z tarbiyalanuvchisi, darvozabon Jeyms Traffordni «Bernli» klubidan qayta sotib olishga qaror qilgan. 2023-yil yozida Manchester Siti Traffordni 14 million funt evaziga «Bernli»ga sotgan edi.
Hozir esa klub 22 yoshli futbolchini 27 million funtga, ya’ni taxminan 31 million yevro miqdorida xarid qilmoqda. Jeyms Trafford besh mavsumga mo‘ljallangan ish shartnomasiga imzo qo‘yadi va unga yana bir yil davom ettirish imkoniyati berilgan.
Biroq, futbolchi avvalo tibbiy ko‘rikdan o‘tishi zarur bo‘lib, uning asosiy qismi dushanba kuni rejalashtirilgan. Bu jarayon muvaffaqiyatli yakunlanganidan so‘ng, Trafford rasmiy tarzda jamoaga qo‘shiladi.
Klub rahbariyati ushbu transfer orqali jamoaning darvozabonlar safini mustahkamlashni maqsad qilgan.
