Moskva «Spartak» jamoasi maydon markazini kuchaytirishga yaqin turibdi. Bu haqida Euro-football.ru xabar berdi.
Turkiyalik jurnalist Serjan Dikme ma’lumotlariga ko‘ra, «qizil-oq» jamoasi «Beshiktosh» bilan portugal yarim himoyachisi Jedson Fernandesni transfer qilish bo‘yicha kelishuvga erishdi. Dikme «Sport-Express»ga bergan intervyusida klub va futbolchi o‘rtasida shartnoma imzolanishi yaqinligini tasdiqladi.
Avvalroq, 26 yoshli futbolchi uchun Rossiyaning ikkita nufuzli jamoasi — «Zenit» va «Spartak» 25 million yevro taklif qilgani haqida xabarlar tarqalgandi. Biroq «Beshiktosh» 30 million yevro miqdorini talab qilgan.
O‘tgan mavsumda Jedson Fernandes Superliga doirasida 34 o‘yinda maydonga tushib, 7 ta gol urishga muvaffaq bo‘lgan. Ushbu transfer «Spartak»ning markaziy chizig‘ini mustahkamlashga xizmat qiladi va jamoaning keyingi mavsumdagi natijalarini yaxshilashga yordam beradi.
👍 0❤️ 0😂 0😢 0😡 0
