Messining qo‘riqchisi musobaqadan chetlatildi
Yassin Cheuko uzoq vaqtdan beri Lionel Messining xavfsizligini taʼminlab kelmoqda. Bu haqida Euro-football.ru xabar berdi.
U doimiy ravishda stadionda Messi yonida yuradi va muxlislar tribuna tomonidan maydonga yugurib chiqib, mashhur futbolchiga yaqinlashishga uringanida ularni to‘xtatishga harakat qiladi. Yaqinda sodir bo‘lgan voqeada Yassin Cheuko o‘z vakolatlarini oshirib yubordi.
Ligalar Kubogi doirasida o‘tkazilgan “Inter Mayami” va “Atlas” jamoalari o‘rtasidagi o‘yindan so‘ng, u Messiga yaqinlashgan Meksika jamoasining ikki futbolchisini chetga surib yubordi. Ushbu harakatdan so‘ng Cheukoga nisbatan intizomiy choralar ko‘rildi va u musobaqadan chetlashtirildi.
Ligalar Kubogi intizomiy qo‘mitasi o‘z bayonotida “Inter Mayami” delegatsiyasi aʼzosi ruxsatsiz zonalarga maxsus ruxsatnomasiz kirib, nomaqbul xatti-harakatlar sodir etgani”ni taʼkidladi. Garchi bayonotda Yassin Cheukoning ismi ochiq ko‘rsatilmagan bo‘lsa-da, ESPN nashri aynan u chetlatilganini maʼlum qilgan.
Maʼlumotlarga ko‘ra, Cheukoga nisbatan qo‘llangan cheklov turnir oxirigacha amal qiladi. Bu voqea futbol maydonida xavfsizlik choralari va mutasaddilarning masʼuliyatli harakati muhimligini yana bir bor ko‘rsatmoqda.
