Sobiq futbol hakami Igor Fedotov Rossiya oliy ligasi uchinchi turida o‘tkazilgan Tol’yatti shahrining Akron va Moskvaning Spartak jamoalari o‘rtasidagi uchrashuv bosh hakami Pavel Kukuyan faoliyatiga o‘z munosabatini bildirdi. Bu haqida Euro-football.ru xabar berdi.
Mazkur bellashuvda hakam ikki marta penalti belgiladi, shuningdek, Spartak jamoasi himoyachisi Daniil Xlusevichga ikkita sariq kartochka ko‘rsatib, uni maydondan chetlatdi. Fedotovning aytishicha, uchrashuvning 50-daqiqasida murakkab vaziyat yuzaga keldi va unda hakam Kukuyan xato qaror chiqardi.
Spartak darvozaboni Maksimenko to‘pga emas, raqib futbolchiga to‘qnash keldi. Bu holatda Kukuyan noto‘g‘ri baholagan bo‘lsa-da, video yordamchi hakam Sergey Ivanov vaziyatni to‘g‘riladi va Akron jamoasiga penalti tayinlandi.
Biroq, Akron futbolchilari ushbu imkoniyatdan foydalana olishmadi. Shuningdek, Fedotov uchrashuv davomida Spartak darvozasiga belgilangan ikkinchi penalti, Xlusevichning chetlatilishi hamda Spartak tomonidan urilgan gol bo‘yicha Kukuyanning qarorlarini to‘g‘ri deb hisoblaganini ta’kidladi.
Samara shahrida bo‘lib o‘tgan ushbu uchrashuv 1:1 hisobida yakunlandi.
