Moskvaning Lokomotiv futbol klubi hujumchisi Vadim Rakovni Samaradagi Qanotlar jamoasiga ijaraga berishining sababi ma’lum bo‘ldi. Bu haqida Euro-football.ru xabar berdi.
Klub rahbariyatiga ma’lum bo‘lishicha, futbolchi qimor o‘yinlariga ruju qo‘ygan va pulini asosan garov o‘yinlariga sarflagan. Lokomotivda olgan oyligi bir million rublni tashkil qilgan bo‘lsa-da, bu mablag‘ unga yetarli bo‘lmagan.
Shu sababli, u turli joylardan qarz olgan, kreditlar olgan va jamoadoshlaridan ham pul so‘ragan. Ushbu holat rahbariyatga ma’lum bo‘lgach, Lokomotiv klubi futbolchini tarbiyaviy maqsadlarda Qanotlar jamoasiga ijaraga berishga qaror qilgan.
Bu haqda Shot axborot kanali xabar berdi. Ma’lumot uchun, 2025/2026 yilgi mavsumning dastlabki uch turidan so‘ng Vadim Rakov to‘rtta gol urib, Rossiya oliy ligasi to‘purarlar ro‘yxatining yuqori qismida bormoqda.
Klub vakillari futbolchining kelajakdagi faoliyati va uning holatini diqqat bilan kuzatib borishini ta’kidlashmoqda. Shu tariqa, Lokomotiv rahbariyati futbolchiga yordam berish va uni muammoli vaziyatdan chiqarish uchun ushbu qarorni to‘g‘ri deb hisoblamoqda.
