«Liverpul» klubi hujumchisi Darvin Nunyes jamoani tark etmoqda. Bu haqida Euro-football.ru xabar berdi.
Ma’lumotlarga ko‘ra, Saudiya Arabistonining «Al-Hilol» klubi va «Liverpul» rahbariyati Darvin Nunyesning transferi borasida to‘liq kelishuvga erishgan. Bu haqda taniqli futbol yangiliklari manbalari xabar bermoqda.
«Al-Hilol» klubi 26 yoshli futbolchi uchun 53 million yevro to‘laydi. Bundan tashqari, bonus to‘lovlari hisobiga umumiy transfer summasi yanada oshishi mumkin.
Hozirda «Al-Hilol» Darvin Nunyes bilan shaxsiy shartnoma shartlarini muhokama qilmoqda. Yaqin kunlarda urugvaylik futbolchi Saudiya Arabistoniga o‘tishga rasman rozilik berishi kutilmoqda.
Shuningdek, avvalroq matbuotda Darvin Nunyesga yana bir yirik klub, Italiya chempionatining «Milan» jamoasi ham qiziqish bildirayotgani haqida xabarlar chiqqan edi. Shu tariqa, Nunyes faoliyatini qaysi klubda davom ettirishi tez orada ma’lum bo‘ladi.
