Ter Shtegen sardorlikdan mahrum bo‘lishi mumkin
«Barselona» futbol klubi darvozaboni Mark-Andre ter Shtegen tez orada sardorlik bog‘ichidan mahrum bo‘lishi mumkin. Bu haqida Euro-football.ru xabar berdi.
Klub va futbolchi o‘rtasida kelishmovchilik yuzaga keldi. Germaniyalik darvozabon uzoq muddatli jarohati haqida xulosani imzolashdan bosh tortdi.
Agar ter Shtegen bu hujjatga imzo chekmagan taqdirda, «Barselona» uning maoshining bir qismini boshqa futbolchilarni ro‘yxatdan o‘tkazish uchun ishlata olmaydi. Mahalliy manbalarga ko‘ra, klubda bu masala bo‘yicha tez orada qaror qabul qilinadi.
Klub rahbariyati Mark-Andre ter Shtegenni sardorlikdan chetlatish tarafdori. Biroq yakuniy qaror bosh murabbiy Xans-Diter Flikka tegishli.
Ehtimol, murabbiy ham sardorlik bog‘ichini boshqa futbolchiga topshirish zarurligini ma’qullaydi. Shundan so‘ng, jamoa ichida yangi sardor ovoz berish yo‘li bilan tanlanadi.
Ushbu vaziyat «Barselona» jamoasidagi tartib-intizom va ichki muhitga ta’sir ko‘rsatishi mumkin. Klub rahbariyati va murabbiylar shtabi ushbu muammoni tez orada hal qilishga harakat qilmoqda.
