Moskvaning Spartak futbol klubi rahbariyati markaziy himoyachi bilan shartnoma imzolash ustida faol ish olib bormoqda. Bu haqida Euro-football.ru xabar berdi.
Bu haqda taniqli sport sharhlovchisi Nikolo Skira ma’lumot berdi. Manbaga ko‘ra, Spartakning asosiy transfer maqsadi Torino jamoasi futbolchisi Saul Koko hisoblanadi.
Klub ushbu futbolchini o‘z safiga qo‘shib olish uchun 16 million yevro miqdorida taklif bergan. Agar bu bitim amalga oshmasa, Spartak uchun zaxira variant sifatida Galatasaray himoyachisi Karlos Kuesta ko‘rilmoqda.
Avvalroq Spartak bosh murabbiyi Dejan Stankovich so‘nggi o‘n oy davomida klub rahbariyatidan bir pozitsiyani kuchaytirishni so‘rab kelayotganini aytgan, biroq qaysi pozitsiya haqida gap ketayotganini ochiqlashdan bosh tortgan. Klub rahbariyati transfer bozorida faol harakat qilayotgani va jamoani kuchaytirish uchun bir nechta futbolchilar nomzodini ko‘rib chiqayotgani ta’kidlanmoqda.
Spartak yangi mavsumda natijalarni yaxshilash maqsadida himoya chizig‘ini kuchaytirishga alohida e’tibor qaratmoqda. Hozircha muzokaralar davom etmoqda va klub tez orada yakuniy qarorga kelishi kutilmoqda.
