Raul Riancho “Spartak” bosh murabbiyligiga tayyorligini aytdi
Mashhur murabbiy Raul Riancho “Spartak” jamoasiga bosh murabbiy bo‘lishga tayyor ekanini ma’lum qildi. Bu haqida Euro-football.ru xabar berdi.
Bu haqda 65 yoshli ispan mutaxassisi o‘zi aytib o‘tdi. Uning so‘zlariga ko‘ra, u yana Rossiyada ishlashga qarshi emas.
Riancho Rossiyada doim hurmat va e’tibor ko‘rganini ta’kidladi hamda yangi takliflarni ko‘rib chiqishga tayyor ekanini bildirdi. Raul Riancho ilgari ham “Spartak” jamoasida faoliyat yuritgan.
U Massimo Karrera boshchiligidagi murabbiylar shtabida ishlagan, shuningdek, vaqtincha bosh murabbiy vazifasini ham bajargan. Hozirda “Spartak” jamoasining bosh murabbiyi Deyan Stankovich hisoblanadi.
Joriy mavsum boshida jamoa natijalari qoniqarsiz bo‘lgani sababli, Stankovich bosim ostida ishlamoqda. Klub rahbariyati va muxlislar jamoaning o‘yinidan norozi ekani aytilmoqda.
Shu sababli, “Spartak”da murabbiylar shtabida o‘zgarishlar bo‘lishi mumkin. Raul Riancho esa bu borada takliflarga ochiqligini bildirib o‘tdi.
