Angliya Superkubogi uchrashuvida “Liverpul” jamoasi “Kristal Pelas”ga qarshi maydonga tushdi va penaltilar seriyasida mag‘lub bo‘ldi. Bu haqida Euro-football.ru xabar berdi.
Asosiy vaqt 2:2 hisobida yakunlandi. Uchrashuvdan so‘ng “Liverpul” bosh murabbiyi Arne Slot o‘z fikrlari bilan o‘rtoqlashdi.
Murabbiyning aytishicha, raqib jamoa kuchli va yaxshi o‘yin namoyish etdi. O‘tgan mavsumda ham “Kristal Pelas” “Liverpul”ga muammolar tug‘dirgan edi va bu safar ham shunday bo‘ldi.
Arne Slotning ta’kidlashicha, “Liverpul” odatdagidan ko‘ra ko‘proq hujumkor vaziyatlar yaratdi, biroq ikki gol o‘tkazib yuborish natijaga salbiy ta’sir ko‘rsatdi. Ayniqsa, penaltilar seriyasida bunday xatolarga yo‘l qo‘yish jamoaning imkoniyatlarini kamaytirdi.
Slot, shuningdek, penaltilar seriyasida raqib ikki bor imkoniyatni boy bergan taqdirda ham, g‘alabaga erishish oson bo‘lmaganini qayd etdi. Unga ko‘ra, odatda Muhammad Saloh, Makallister va Elliott penaltilarni aniq amalga oshirishadi, biroq bu safar omad kulib boqmadi.
Eslatib o‘tamiz, Angliya Premer-ligasi birinchi turida “Liverpul” 15-avgust kuni “Bornmut” jamoasini qabul qiladi. Uchrashuv “Liverpul” maydonida bo‘lib o‘tadi.
