Moskvaning Spartak jamoasi yarim himoyachisi Daniil Zorin derbidagi Lokomotivga qarshi o‘yinda mag‘lubiyatdan so‘ng yuzida tabassum paydo bo‘lgani uchun uzr so‘radi. Bu haqida Euro-football.ru xabar berdi.
Rossiya chempionatining to‘rtinchi turida o‘tgan ushbu uchrashuvda Lokomotiv 4:2 hisobida g‘alaba qozondi. O‘yindan so‘ng Zorin zaxira o‘rindig‘ida kulib turgani kameraga tushib qoldi.
Futbolchining so‘zlariga ko‘ra, bu holat noto‘g‘ri bo‘lgan. U o‘z izohida his-tuyg‘ularini jilovlay olmaganini, bu esa jamoa uchun og‘ir paytda himoya reaktsiyasi sifatida yuzaga chiqqanini ta’kidladi.
Murabbiylar shtabi Zoringa bunday harakat qilish to‘g‘ri emasligini tushuntirgan. Zorin o‘zi ham bu ish noto‘g‘ri bo‘lganini tan oldi.
U yuzaga chiqqan his-tuyg‘ular o‘yinga hech qanday aloqasi yo‘qligini aytdi. Ayni paytda Spartak chempionatda to‘rtta o‘yindan so‘ng atigi bir marta g‘alaba qozonib, 11-o‘rinda bormoqda.
16-avgust kuni Spartak o‘z maydonida Zenit jamoasini qabul qiladi. Rossiya Kubogida esa Spartak birinchi turda Rostov ustidan g‘alaba qozongan bo‘lsa-da, guruh bosqichining ikkinchi turida Maxachqal’a Dinamosiga mag‘lub bo‘ldi.
