PSJ muxlislari Zabarnıy va Safonov mojarosini muhokama qilmoqda

Ushbu hafta himoyachi Ilya Zabarnıy rasman Parijning PSJ jamoasi futbolchisi bo‘ldi. Bu haqida Euro-football.ru xabar berdi.

U Angliyaning Bornmut klubidan PSJga o‘tdi. Ijtimoiy tarmoqlarda foydalanuvchilar Zabarnıy yangi jamoasidagi barcha futbolchilarga obuna bo‘lganini, biroq Rossiya darvozaboni Matvey Safonovga obuna bo‘lmaganini ta’kidlab o‘tdilar.

Fransiyalik muxlislar bu holatga turlicha munosabat bildirishmoqda. Ba’zi muxlislar ikki futbolchi o‘zaro qanday munosabatda bo‘lishini qiziqish bilan kutishmoqda.

Ayrimlar esa bu vaziyat jamoa muhitiga salbiy ta’sir qilmasligiga umid bildirdi. Yana bir muxlis Safonov hech qachon siyosiy masalalarda o‘z pozitsiyasini ochiq bildirmaganini aytib, har ikki futbolchining kelishib olgan bo‘lishi mumkinligini ta’kidladi.

Ba’zi fikrlarda esa futbolchilardan yuqori aql va madaniyat kutib bo‘lmasligi aytilgan. Shuningdek, jamoa ichki muhitiga salbiy ta’sir yetmasligi, PSJ obro‘si zarar ko‘rmasligi tilak bildirildi.

Bugun, 13 avgust kuni, PSJ jamoasi UYeFA Superkubogi doirasida Tottenxemga qarshi maydonga tushadi. Matvey Safonov asosiy tarkibda maydonga chiqishi mumkin.

Ushbu o‘yinning matnli onlayn translyatsiyasini saytimizda kuzatib borishingiz mumkin.