Petrov: Lokomotivda hozircha o‘zgacha narsa yo‘q
«Baltika» futbol klubi yarim himoyachisi Maksim Petrov «Evro-Futbol» internet nashriga bergan intervyusida jamoaning «Lokomotiv»ga qarshi o‘tkazilgan kubok uchrashuvidagi mag‘lubiyati haqida so‘z yuritdi. Bu haqida Euro-football.ru xabar berdi.
Jurnalistning jamoangiz mavsumni yaxshi boshlagani ko‘pchilikni hayratda qoldirdi, bugungi kunda RPL peshqadami bilan o‘yinda ham yaxshi harakat qildingiz. O‘zingiz ham bunday muvaffaqiyatli boshlanishni kutganmidingiz degan savoliga Petrov quyidagicha javob berdi: Mavsumni yaxshi boshlash uchun mashg‘ulot yig‘inlarida ko‘p mehnat qildik.
Shuning uchun natijadan juda ham hayratda emasman. Rejamiz mavsumni yaxshi boshlash edi va hozircha hammasi o‘z yo‘liga tushmoqda.
Keyingi savolda raqibingiz RPLda birinchi o‘rinda bormoqda. Bugungi o‘yinga qarab «Lokomotiv» chempionlikka tayyormi deb so‘raldi.
Petrov bu savolga: Hozircha bu jamoada nimadir o‘zgacha narsa ko‘rinmayapti. Albatta, tarkibda mahoratli futbolchilar bor, ular imkoniyatlardan unumli foydalanmoqda.
Lekin imkoniyatlar har doim ham ko‘p emas. Shuning uchun «Lokomotiv»ga qarshi o‘ynash mumkin, deb javob berdi.
Uchrashuvda «Baltika» aralash tarkib bilan maydonga tushdi, mezbonlar esa deyarli asosiy futbolchilarini o‘ynatdi. Bunday vaziyatda o‘ynash qanchalik qiyin bo‘ldi degan savolga Petrov: Ha, biroz qiyin bo‘ldi, lekin bizda kuchli tarkib bor va har bir futbolchi raqobatbardosh hamda birinchi daqiqalardan o‘ynashga tayyor, dedi.
So‘nggi savolda esa hamma Batakovni maqtayotgani, u o‘yindagi darajasi bilan ajralib turadimi deb so‘raldi. Petrov esa: U mehnatkash futbolchi, maydonni yaxshi ko‘radi, deb qisqacha javob berdi.
Intervyuni Elena Grigoryevskaya tayyorladi.
