Parij Sen-Jermen hujumchisi Gonsalu Ramush Angliya Premer Ligasi jamoalaridan birida faoliyatini davom ettirishi mumkin. Bu haqida Euro-football.ru xabar berdi.
Oylardan birida matbuotda "Newcastle" klubi Beniamin Sheshko o‘rniga portugaliyalik futbolchini sotib olish niyatida ekanligi haqida xabarlar tarqaldi. Sheshko esa "Manchester Yunayted"ga o‘tgan edi.
Ammo aniq muzokaralar hali boshlanmadi. Mail Sport nashrining ma’lumotlariga ko‘ra, "Nyukasl" yana parijlik hujumchiga qiziqish bildirgan.
Ehtimol, klub Aleksandr Isakni sotgach, yangi futbolchi bilan shartnoma tuzishni boshlaydi. Isakni "Liverpul" jamoasi xarid qilishi mumkin.
Gonsalu Ramush esa "Parij Sen-Jermen"ni tark etishga hozircha niyat qilmaganini UEFA Superkubogi doirasidagi "Tottenxem"ga qarshi o‘yin so‘ngida ochiq aytib o‘tdi. Shunday qilib, futbolchining Angliyaga ko‘chishi hali rasmiy tasdiqlanmagan va kelajakdagi voqealar klublar o‘rtasidagi muzokaralarga bog‘liq.
