«Nyukasl» jamoasining hujumchisi Aleksandr Isak «Liverpul»ga o‘tmasligi mumkin. Bu haqida Euro-football.ru xabar berdi.
Bu haqda jurnalist Sasha Tavolieri ma’lum qilmoqda. Manbaning aytishicha, «Liverpul» Isak uchun cheksiz kutmaydi.
Tomonlarning o‘zaro qiziqishi mavjud bo‘lsa-da, merseysaydliklar hujumchi transferi bo‘yicha aniq muddat belgilashgan. Agar kelishuv keyingi hafta oxirigacha amalga oshmasa, Angliya chempioni boshqa variantlarga e’tibor qaratadi.
O‘tgan mavsumda 25 yoshli shved futbolchi 42 ta o‘yinda 27 ta gol urib, 6 ta golga uzatma bergan. Avvalroq «Nyukasl» «Liverpul»dan Isak uchun 170 million yevro talab qilgan edi.
