Berluskonining oilasi «Montsa» klubini sotmoqda
Italiya sobiq bosh vaziri Silvio Berluskonining oilasi «Montsa» futbol klubini amerikalik sarmoya kompaniyasi Beckett Layne Venturesga sotishga rozi bo‘ldi. Bu haqida Euro-football.ru xabar berdi.
Ushbu bitim qiymati 45 million yevroni tashkil qiladi, biroq dastlab xaridor faqat 80 foiz aksiyalarni oladi. Qolgan 20 foiz aksiyalar esa 2026 yilgacha avvalgi egalarida qoladi, deb xabar beradi Reuters agentligi. Eslatib o‘tamiz, Berluskonining o‘zi «Montsa»ni 2018 yilda sotib olgan va to‘rt yil ichida klubni Seriya A ligasiga olib chiqqan.
2023 yilda sobiq bosh vazir vafot etganidan so‘ng, klub uning oilasi tomonidan boshqarilmoqda. O‘tgan mavsumda jamoa turnir jadvalida so‘nggi o‘rinni egallab, Seriya B ligasiga tushib ketdi.
Shu sababli, klub moliyalashtirishni qisqartirish va keyinchalik uni sotish to‘g‘risida qaror qabul qilindi. Silvio Berluskonining nomi «Milan» klubini boshqargan davri bilan mashhur bo‘lib, u klubni Yevropaning yetakchi jamoalaridan biriga aylantirgan. Uning ta’siri ostida «Milan» ko‘plab yirik yutuqlarga erishgan va xalqaro maydonda obro‘ qozongan edi.
Endi esa uning oilasi tomonidan boshqarilgan «Montsa» klubi yangi egalar qo‘lida yangi sahifani ochishga tayyorlanmoqda. Bu sotuv mamlakat futboli uchun muhim o‘zgarish sifatida baholanmoqda.
