Italiya klubi "Yuventus" yarim himoyachi Duglas Luis bilan xayrlashishga qaror qildi. Bu haqida Euro-football.ru xabar berdi.
Braziliyalik futbolchi Italiyadagi birinchi mavsumini muvaffaqiyatsiz o‘tkazdi. Shu sababli "Eski sinyora" rahbariyati uni sotishga qo‘yishga qaror qildi, deb xabar bermoqda jurnalistlar Matteo Moretto va Fabrizio Romano.
Futbolchiga bu haqda allaqachon ma’lum qilingan va yaqin vaqt ichida yangi klub topish so‘ralgan. Duglas Luisga qiziqish bildirayotgan asosiy klublar "Fulxem" va "Everton" hisoblanadi.
Shuningdek, 27 yoshli yarim himoyachini "Manchester Yunayted" ham sotib olish imkoniyatini ko‘rib chiqmoqda. Transfermarkt portali futbolchining qiymatini 30 million yevroga baholamoqda.
O‘tgan yil yozda "Yuventus" uni "Aston Villa"dan 50 million yevodan oshiq narxda sotib olgandi.
