Hujumchi Viktor Dyokeresh yaqin orada "Arsenal" jamoasi libosini kiyishi kutilmoqda. Bu haqida Euro-football.ru xabar berdi.
Sportbladet nashrining xabar berishicha, hozirda "kanonirlar" va "Sporting" klubi o‘rtasida so‘nggi kelishuv tafsilotlari bo‘yicha muzokaralar olib borilmoqda. Kelishuv yaqin haftalarda rasmiylashtirilishi kutilmoqda.
Manba ma’lumotlariga ko‘ra, 27 yoshli futbolchi Dyokeresh uchun transfer summasi taxminan 900 million shved kronini tashkil qiladi. Bu miqdor evroga aylantirilganda 80 million atrofida bo‘ladi.
Viktor Shvetsiya tarixidagi eng qimmat futbolchi bo‘lishi kutilmoqda. O‘tgan mavsumda Viktor Dyokeresh 52 rasmiy o‘yinda maydonga tushib, 54 ta gol urdi va jamoadoshlariga 13 ta golli uzatma berdi.
Uning jamoaga qo‘shgan hissasi yuqori baholanmoqda va kelajakda ham katta umidlar bog‘lanmoqda.
