Oldingi mavsumning eng yaxshi to‘purari bo‘lgan hujumchi Manfred Ugalde «Spartak» jamoasiga qaytmasligi mumkin. Bu haqida Euro-football.ru xabar berdi.
Futbolchi iyun oyida Kosta-Rika terma jamoasi safida KONKAKAF oltin kubogi musobaqasida ishtirok etdi. Shuning uchun reja bo‘yicha u «qizil-oq» jamoasiga keyinroq qo‘shilishi kutilmoqda.
Hozircha «Spartak»da Ugaldening 11 iyul kuni jamoaga kelishi kutilmoqda. Biroq, shu vaqtgacha Manfredning «Feyenoord» klubiga o‘tishi masalasi hal bo‘lishi mumkin.
Agar bu amalga oshsa, Ugalde «Spartak» lageriga kelmaydi. Oldinroq «Spartak» futbolchini sotib olish uchun boshqa nomzodni tanlagani haqida ma’lumotlar tarqalgan edi.
Manfred Ugalde Rossiya chempionatining o‘tgan mavsumida 17 ta gol urib, eng yaxshi to‘purar bo‘ldi.
