Iyunning oxirida RB Leyptsig jamoasining bosh murabbiyi lavozimiga Ole Verner tayinlandi. Bu haqida Euro-football.ru xabar berdi.
Bild nashrining xabar berishicha, Red Bull futbol bo‘limi rahbari Yurgen Klopp hamda RB Leyptsig sport direktori Marsel Shefer Verner bilan deyarli o‘n soat davomida suhbatlashishdi. Suhbati davomida Klopp va Shefer jamoaning 2025/2026 mavsumidagi taktik ko‘rinishi haqida fikr almashishdi.
Ular RB Leyptsigning bosim o‘tkazuvchi va o‘yinda ustunlik qiluvchi uslubini qayta tiklashi, chuqur himoya chizig‘ini buzishga qaratilgan o‘yin uslubini rivojlantirishi kerakligini ta’kidlashdi. O‘tgan mavsumda RB Leyptsig Germaniya chempionatida yettinchi o‘rinni egalladi.
Natijada jamoa Yevrokubok musobaqalariga yo‘l oldirolmadi. Bu holat jamoa uchun muhim saboq bo‘lib, oldingi xatolarni tahlil qilib, yangi mavsumga yanada puxta tayyorgarlik ko‘rish zarurligini ko‘rsatmoqda.
