Bavariya jamoasining hujumchi yarim himoyachisi Jamal Musiala yaqinda bo‘lib o‘tgan Jahon klub chempionati doirasidagi PSJga qarshi o‘yinda jiddiy jarohat oldi. Bu haqida Euro-football.ru xabar berdi.
Musiala jarrohlik amaliyotidan o‘tdi va uzoq muddat maydonga qaytolmasligi ma’lum bo‘ldi. Chorshanba kuni Musiala ijtimoiy tarmoqlarda video murojaat qildi.
U o‘zini qo‘llab-quvvatlaganlarga minnatdorchilik bildirdi va operatsiyadan keyin o‘zini yaxshi his qilayotganini ta’kidladi. Futbolchi PSJ darvozaboni Janluiji Donnarummani ayblamayotganini, jarohat uning bilan to‘qnashuv natijasida yuzaga kelganini ma’lum qildi.
Musiala shunday dedi: Hech kim aybdor emas. Bunday vaziyatlar bo‘lishi tabiiy.
Yangi mavsumdagi birinchi rasmiy o‘yinni Bavariya jamoasi 16 avgust kuni Germaniya Superkubogi doirasida Shtutgartga qarshi o‘tkazadi.
