Foto: Reuters
Vashingtondagi bir qancha yuqori martabali amaldorlar Ukraina prezidenti Volodimir Zelenskiy tinchlik kelishuviga erishish uchun iste’foga chiqishiga to‘g‘ri kelishi mumkinligini taxmin qilishdi. 2 mart, yakshanba kuni AFP xabariga ko‘ra, bu bayonotlar AQSH prezidenti Donald Tramp ma’muriyatida Rossiyaning Ukrainadagi urushiga nisbatan yondashuvda hayratlanarli o‘zgarishlar yuz berganidan dalolat beradi.
Shunday qilib, AQSH prezidentining milliy xavfsizlik bo‘yicha maslahatchisi Mayk Uolts CNN telekanaliga bergan intervyusida vaziyatni izohladi. «Biz bilan ishlay oladigan, oxir-oqibat ruslar bilan ish olib boradigan va bu urushni tugatadigan rahbar kerak», dedi Uolts.
«Agar prezident Zelenskiyning shaxsiy yoki siyosiy maqsadlari bu mamlakatdagi janglarni tugatish istagiga zid ekani aniq bo‘lsa, menimcha, bizda haqiqiy muammo paydo bo‘ladi», — dedi u.
Vakillar palatasi spikeri: Zelenskiy o‘ziga kelishi kerak
Shu bilan birga, AQSH Vakillar palatasi spikeri Mayk Jonson 2 mart kuni Ukraina tinchlik kelishuvi yo‘lida davom etishi uchun Zelenskiy «o‘ziga kelib, minnatdorchilik bilan muzokaralar stoliga qaytishi yoki mamlakatni boshqa kimdir boshqarishi kerak»ligiga ishonch bildirdi. «Prezident (Donald) Tramp bu ikki tomonni tinchlikka olib kelishga harakat qilmoqda», dedi Jonson NBC News telekanalining Meet the Press dasturiga bergan intervyusida.
«Prezident Zelenskiyning Oq uyda qilgani amalda biz uchun u hali bunga (kelishuv) tayyor emasligi haqida signal bo‘ldi va menimcha, bu katta umidsizlik», — deya qo‘shimcha qildi Mayk Jonson.
O‘xshash yangiliklar

Mixaylo Podolyak: «Aslida, normal va qulay muzokara jarayoni ketmoqda»
Hennadii Minchenko / Ukrinform / Future Publishing / Getty Images AQSH prezidenti Donald Tramp 2025 yil 20 yanvarda bo‘lib o‘tgan inauguratsiyasidan so‘ng, darhol Putin bilan uchrashish niyati

Rossiya Ukraina janubini nega bu qadar tez ishg‘ol qilgandi?
2022 yil 24 fevral kuni ertalab soat 4 larda Rossiya armiyasi Ukraina hududiga hujum boshlagandi. Yurish bir vaqtning o‘zida bir necha yo‘nalishda: janub, sharq va shimoldan olib boriladi. Biroq,

Britaniya va Fransiya Ukraina uchun tinchlik rejasini tayyorlamoqda
Foto: Getty Images Buyuk Britaniya bosh vaziri Kir Starmer Yevropa davlatlarining Ukrainadagi vaziyat bo‘yicha sammiti boshlanishidan oldin Buyuk Britaniya va Fransiya Ukraina bilan «harbiy

Ukraina Amerika qurollarisiz omon qoladimi?
Foto: Getty Images AQSHning keng ko‘lamli urushning uch yili davomida Ukrainaga ko‘rsatib kelingan harbiy yordami to‘xtatilishi mumkin. Har holda, Amerika prezidenti Donald Tramp bu variantni

Oq uydagi mojarodan so‘ng AQSH siyosatchilarining fikri ikkiga bo‘lindi»
Foto: Saul Loeb/AFP/Getty Images 28 fevral, juma kuni Vashingtonda AQSH prezidenti Donald Tramp va uning ukrainalik hamkasbi Volodimir Zelenskiy o‘rtasidagi muzokaralar nodir metallar bo‘yicha