O‘zbekistonliklarga quyosh panellari orqali ortiqcha elektr energiyasi uchun milliardlab so‘m to‘landi, deb Nova24.uz xabar berdi.
Energetika vaziri o‘rinbosari Baxtiyor Mamadkarimovning ma’lum qilishicha, “Quyoshli uy” dasturida ishtirok etgan 10 ming fuqaro quyosh panellari orqali ishlab chiqarilgan ortiqcha 12,2 million kVt/soat elektr energiyasini davlatga sotgan va buning evaziga 12,2 milliard so‘m mablag‘ olgan.
2024 yilda O‘zbekistonda umumiy quvvati 2 790 MVt bo‘lgan yangi elektr stansiyalari ishga tushirilgan. Ulardan:
1 000 MVt — quyosh fotoelektr stansiyalari,
800 MVt — shamol elektr stansiyalari,
965,2 MVt — issiqlik elektr stansiyalari,
22,7 MVt — gidroelektr stansiyalari.
Quyosh va shamol manbalaridan 4,9 milliard kVt/soat elektr energiyasi ishlab chiqarilgan. Bu 2 milliondan ortiq xonadonning yillik iste’moliga teng. Natijada 1,5 milliard kub metr tabiiy gaz tejalgan va 2 million tonna zararli gaz chiqindilarining oldi olingan.
2024 yilda mamlakatda jami 81,5 milliard kVt/soat elektr ishlab chiqarilgan bo‘lib, shundan 67,5 milliard kVt/soat aholiga yetkazib berilgan.
2025 yilda quyidagilar rejalashtirilgan:
4,5 GVt quvvatga ega quyosh va shamol stansiyalarini ishga tushirish,
785 MVt quyosh panellarini o‘rnatish,
225 MVt gidroelektr stansiyalarini qurish,
1,8 ming MVt sig‘imdagi elektr energiyasini saqlash tizimlarini joriy qilish.
