O‘zbekiston yangiliklari

Pavodk davrida Esil daryosi havzasidan ortiqcha suvni Orol dengiziga yoʻnaltirish rejalashtirilmoqda. Ushbu jarayonni amalga oshirish uchun Turgʻay daryosi orqali uchta kanal qurilishi rejalashtirilgan, deb xabar bermoqda Kazinform muxbiri. Umumiy uzunligi 277 kilometr boʻlgan ushbu kanallar uchun 324 milliard tenge mablagʻ talab etiladi. Ayni paytda maxsus maslahat organi loyihaning samaradorligini oʻrganmoqda. Bu haqda Bosh vazir oʻrinbosari Kanat Bozumbayev Majlis deputatiga javoban ma'lum qildi. — "Xalqaro Kaspiy-Orol havzasi ekotizimini tiklash va sel suvlarini boshqarish jamgʻarmasi" doirasida "Esil daryosi sel suvlarini boshqarish: Turgʻay daryosi va Orol dengizi havzasiga yoʻnaltirish" loyihasining texnik-iqtisodiy asoslari ishlab chiqilgan. Loyiha doirasidagi qurilish va montaj ishlari uchun 324,4 milliard tenge sarflanishi rejalashtirilgan, — dedi Bozumbayev. Loyihaga uchta kanal qurilishi kiritilgan: — "Esil-Turgʻay" – uzunligi 42 km — "Qorakoʻl-Sarioʻzen" – uzunligi 52 km — "Shalkarteniz-Orol" – uzunligi 183 km — Loyihaning amalga oshirilishi katta moliyaviy mablagʻ talab qiladi. Bu orqali Esil daryosi havzasidan Turgʻay daryosi havzasiga suv yoʻnaltiriladi, natijada Shalkarteniz koʻlining gidrologik rejimi tiklanadi. Ayni paytda Suv resurslari va irrigatsiya vazirligi suvning havzalar oʻrtasida taqsimlanishini chuqur oʻrganmoqda. Loyihaga oid materiallar vazirlik huzuridagi Ilmiy-texnik kengashga taqdim etiladi. Kengash tavsiyalari asosida Hukumat loyihaning maqsadga muvofiqligi haqida yakuniy qarorni qabul qiladi, — deyiladi Bozumbayev javobida.

Oʻzbekistonda 2024 yilda eng qimmat avtoraqam auktsionda 965,3 million soʻmga sotildi. Bu haqda Oʻzbekiston Respublikasi tovar-xomashyo birjasi (UzRTSB) ma'lum qildi. Yanvar-dekabr oylarida oʻzbekistonliklar 195 mingdan ortiq “chiroyli” avtoraqam sotib oldi. 2023 yil bilan solishtirganda, qiziqish ikki barobar oshdi, savdo hajmi esa 569 milliard soʻmga etib, 43,6% oʻsish kuzatildi. Asosiy faktlar: - 97% avtoraqamlar jismoniy shaxslarga sotilgan, 3% esa kompaniyalar tomonidan xarid qilingan. - Eng arzon raqam esa 1,7 million soʻm evaziga oʻz egasini topdi. - Auktsion orqali avtoraqamlar savdosi 2017 yildan beri amalga oshirilmoqda. - Eng qimmat avtoraqam esa 2023 yil dekabr oyida (01 888 BBB) 1,1 milliard soʻm evaziga sotilgan.

Ushbu haftaning birinchi yarmida Oʻzbekiston hududi nam va nisbatan sovuq havo massalari ta'siri ostida boʻladi, deb xabar bermoqda “Oʻzgidromet”. Respublika boʻyicha vaqti-vaqti bilan asosan qor koʻrinishidagi yogʻingarchilik boʻlishi kutilmoqda. 13 fevralda markaziy va sharqiy viloyatlarda ayrim joylarda, shuningdek, Oʻzbekistonning choʻl hududlarida yogʻingarchilik (yomgʻir, qor) boʻladi. 14 fevralda respublikaning koʻpchilik viloyatlarida yogʻingarchilik kutilmaydi, faqat eng chekka janubda ba'zi joylarda bir oz yomgʻir yogʻishi mumkin, togʻoldi va togʻli hududlarda yogʻingarchilik (yomgʻir, qor) boʻladi. Havo harorati 10—11 fevralda kunduz kunlari 0-5 daraja iliq, kechalari 0-5 daraja sovuq, shimolda va choʻl hududlarda ba'zi joylarda 6-8 darajagacha sovuq boʻladi. 12 fevraldan harorat asta-sekin koʻtarila boshlaydi va 13—14 fevralga kelib, kunduzgi harorat 8-11 daraja iliqqacha, janubda 12-14 daraja iliqqacha koʻtariladi. Gʻarbiy shamol yoʻnalishini oʻzgartirib, sharqdan 7-12 metr/sekund tezlikda esadi, ayrim joylarda 15-20 metr/sekundgacha kuchayadi. Respublika boʻyicha ba'zi joylarga tuman tushadi. Toshkentda 10 fevral kuni kechqurun bir oz qor yogʻishi mumkin. 11—12 fevralda vaqti-vaqti bilan asosan qor koʻrinishidagi yogʻingarchilik boʻladi. 13 fevralda asosan yomgʻir koʻrinishidagi bir oz yogʻingarchilik boʻlishi kutilmoqda. 14 fevralda yogʻingarchilik kutilmaydi. Havo harorati kechalari 3 daraja sovuq 2 daraja iliq, kunduz kunlari 10-11 fevralda 0-5 daraja iliq boʻladi, 12-14 fevralda 8-10 daraja iliqqacha asta-sekin koʻtariladi. Kechasi va ertalab tuman tushishi mumkin.

Bugun O‘zbekistonning turli hududlarida havo sifati turlicha. Eng yaxshi ko‘rsatkichlar Qoraqalpog‘istonning Qizilo‘rda hududida (19) va Samarqandda (45) qayd etildi. Eng xavfli havo sifati esa Farg‘ona vodiysida va Toshkent atrofida kuzatildi. Andijon (150), Farg‘ona (174) va Toshkent (111) hududlarida havo sifati “yomon” darajada bo‘lib, nafas yo‘llari kasalliklari bo‘lgan insonlar uchun xavf tug‘dirishi mumkin. Navoiy (119), Urganch (144) va Buxoro (58) kabi hududlarda ham havo sifati o‘rtacha yoki yomon darajada. Mutasaddilar ushbu hududlarda ochiq havoda uzoq vaqt qolmaslikni tavsiya etmoqda.

Oʻzgidromet ertaga, 10 fevral kuni uchun ob-havo ma'lumotlarini e'lon qildi. Unga koʻra: Toshkent shahrida havo biroz bulutli boʻladi, kechqurun yogʻingarchilik (yomgʻir, qor) boʻlishi mumkin. Shamol gʻarbdan 3-8 m/s tezlikda esadi. Harorat kechasi 0-2 daraja iliq, kunduzi 3-5 daraja iliq boʻladi. Qoraqalpogʻiston Respublikasi va Xorazm viloyatida havo biroz bulutli boʻladi, ba'zi joylarda qor yogʻishi mumkin. Shamol gʻarbdan 7-12 m/s tezlikda esadi. Harorat kechasi 5-10 daraja sovuq, kunduzi –3 daraja sovuq, 2 daraja iliq boʻladi. Buxoro va Navoiy viloyatlarida havo biroz bulutli boʻladi, ba'zi joylarda qor yogʻadi. Ayrim joylarga tuman tushishi mumkin. Shamol gʻarbdan 7-12 m/s tezlikda esadi. Harorat kechasi 2-7 daraja sovuq, kunduzi –3 daraja sovuq, 2 daraja iliq boʻladi. Toshkent, Samarqand, Jizzax va Sirdaryo viloyatlarida havo biroz bulutli boʻladi, ba'zi joylarda yogʻingarchilik (yomgʻir, qor) boʻladi. Ayrim joylarga tuman tushishi mumkin. Shamol gʻarbdan 7-12 m/s tezlikda esadi, ba'zi joylarda 15-20 m/s gacha kuchayishi mumkin. Harorat kechasi –2 daraja sovuq, 3 daraja iliq, kunduzi 0-5 daraja iliq boʻladi. Qashqadaryo va Surxondaryo viloyatlarida havo biroz bulutli boʻladi, ba'zi joylarda yogʻingarchilik (yomgʻir, qor) boʻladi. Shamol gʻarbdan 7-12 m/s tezlikda esadi, ba'zi joylarda 15-20 m/s gacha kuchayishi mumkin. Harorat kechasi –3 daraja sovuq, 2 daraja iliq, kunduzi 0-5 daraja iliq boʻladi. Andijon, Namangan va Fargʻona viloyatlarida havo biroz bulutli boʻladi, yogʻingarchilik kutilmaydi. Sharqiy shamol yoʻnalishini oʻzgartirib, gʻarbdan 7-12 m/s tezlikda esadi, ba'zi joylarda 15-20 m/s gacha kuchayishi mumkin. Harorat kechasi –3 daraja sovuq, 2 daraja iliq, kunduzi 5-10 daraja iliq boʻladi. Respublikaning togʻli hududlarida havo biroz bulutli boʻladi, ba'zi joylarda qor yogʻadi. Ayrim joylarga tuman tushishi mumkin. Toshkent va Namangan viloyatlarining togʻli hududlarida qor koʻchishi xavfi bor. Shamol gʻarbdan 7-12 m/s tezlikda esadi, ba'zi joylarda 15-20 m/s gacha kuchayishi mumkin. Harorat kechasi 5-10 daraja sovuq, kunduzi –3 daraja sovuq, 2 daraja iliq boʻladi.

Oʻzbekiston 2024-yil yanvar-dekabr oylarida xorijga 11,2 ming tonna quritilgan oʻrik eksport qildi, uning umumiy qiymati 17,4 million AQSh dollariga teng boʻldi. Bu haqda Davlat statistika qoʻmitasi xabar berdi. Bu haqda Davlat statistika qo‘mitasi xabar berdi. Eng koʻp quritilgan oʻrik eksport qilingan davlatlar: Xitoy – 3 321 tonna Rossiya – 1 388 tonna Ukraina – 1 107 tonna Turkiya – 1 063 tonna Qozogʻiston – 946 tonna Belarus – 811 tonna Ozarbayjon – 571 tonna Boshqa davlatlar – 2 051 tonna Xitoy Oʻzbekistonning quritilgan oʻrik eksportida etakchi xaridor boʻlib qolmoqda. Mutaxassislarning fikriga koʻra, eksport hajmini oshirish va yangi bozorlarni oʻzlashtirish ushbu mahsulotni xorijda yanada ommalashtirishga yordam beradi.

Oʻzbekiston 2024-yil yanvar-dekabr oylarida xorijga 85 763 tonna xurmo eksport qildi, bu mahsulot qiymati 57 million AQSh dollariga teng boʻldi. Bu haqda Davlat statistika qo‘mitasi xabar berdi. Eng koʻp xurmo eksport qilingan davlatlar: Rossiya – 64 344 tonna Qozogʻiston – 15 369 tonna Turkmaniston – 3 348 tonna Qirgʻiziston – 1 747 tonna Boshqa davlatlar – 955 tonna Oʻzbekiston xurmosi asosan Rossiya va qoʻshni davlatlarga eksport qilinmoqda. Muttaxassislarning fikriga koʻra, eksport geografiyasini kengaytirish va yangi bozorlarni oʻzlashtirish kelajakda bu koʻrsatkichni yanada oshirishga yordam beradi.

Oʻtgan yili 10 842 nafar oʻzbekistonlik xorijiy davlatlarga doimiy yashash uchun koʻchib ketgan. Bu haqda Statistika agentligi ma'lum qildi. Infografika: Statistika agentligi 2024 yilda Oʻzbekistondan chet elga koʻchib ketganlarning asosiy qismi Qozogʻiston (8 792 kishi) va Rossiyaga (1 601 kishi) borgan. Shu bilan birga, mamlakatni tark etganlar ulushi Janubiy Koreya (96 kishi), Qirgʻiziston (73 kishi), Turkmaniston (39 kishi) va boshqa mamlakatlar (241 kishi) hissasiga toʻgʻri kelgan. Taqqoslash uchun, 2023 yilda xorijga doimiy yashash maqsadida koʻchib ketgan oʻzbekistonliklar soni oʻtgan yildagidan sezilarli koʻp (17 336 kishi) boʻlgan. Jumladan, Qozogʻistonning oʻziga 14 051 kishi, Rossiyaga 2 670 kishi koʻchib ketgan. Bundan 15 yil ilgari, ya'ni 2010 yilda Oʻzbekistondan xorijga 44 420 kishi, 2011 yilda 50 816 kishi, 2012 yilda 45 447 kishi koʻchib ketgan. 2015 yildan chetga koʻchish trendi sezilarli pasaya boshlagan (31 765 kishi koʻchgan). Infografika: Statistika agentligi 2024 yilda Oʻzbekistonga xorijiy mamlakatlardan doimiy yashash maqsadida koʻchib kelganlar soni 2 229 kishini tashkil etgan. Shundan 813 nafari Rossiyadan, 539 nafari Qozogʻistondan boʻlgan. Shu bilan birga, mamlakatga Tojikistondan 241 kishi, Qirgʻizistondan 153 kishi doimiy yashash uchun koʻchgan. Taqqoslash uchun, 2023 yilda respublikaga chet eldan 2 955 kishi koʻchib kelgandi. Shundan 1 175 nafari Rossiyadan, 726 nafari Qozogʻistondan boʻlgan.

“Oʻzgidromet” 31 yanvar, juma kuni uchun ob-havo prognozini e'lon qildi. Unga koʻra: Toshkent shahrida havo bir oz bulutli boʻladi, yogʻingarchilik kutilmaydi. Kechasi va ertalab tuman tushishi mumkun. Sharqiy shamol yoʻnalishini oʻzgartirib gʻarbdan 3-8 metr/sekund tezlikda esadi. Harorat kechasi 0-2 daraja iliq, kunduzi 6-8 daraja iliq boʻladi. Qoraqalpogʻiston Respublikasi va Xorazm viloyatida havo bir oz bulutli boʻladi, ayrim joylarda bir oz qor yogʻishi, tuman tushishi mumkin. Sharqiy shamol yoʻnalishini oʻzgartirib gʻarbdan 7-12 metr/sekund tezlikda esadi. Harorat kechasi 3-8 daraja sovuq, kunduzi 2 daraja sovuq 3 daraja iliq boʻladi. Buxoro va Navoiy viloyatlarida havo bir oz bulutli boʻladi, kechga tomom bir oz yogʻingarchilik (yomgʻir, qor) boʻlishi mumkun. Ayrim joylarga tuman tushishi mumkin. Sharqiy shamol yoʻnalishini oʻzgartirib gʻarbdan 7-12 metr/sekund tezlikda esadi. Harorat kechasi 2 daraja sovuq-3 daraja iliq, kunduzi 5-10 daraja iliq, Navoiy viloyatining shimolida harorat kechasi 3-8 daraja sovuq, kunduzi 2 daraja sovuq 3 daraja iliq boʻladi. Toshkent, Sirdaryo, Samarqand va Jizzax viloyatlarida havo bir oz bulutli boʻladi, yogʻingarchilik kutilmaydi, faqat Smarqand viloyatida kechga tomon bir oz yogʻingarchilik (yomgʻir, qor) boʻlishi mumkin. Ayrim joylarga tuman tushishi mumkin. Sharqiy shamol yoʻnalishini oʻzgartirib gʻarbdan 7-12 metr/sekund tezlikda esadi. Harorat kechasi 2 daraja sovuq 3 daraja iliq, kunduzi 5-10 daraja iliq boʻladi. Qashqadaryo va Surxondaryo viloyatlarida havo bir oz bulutli boʻladi, yogʻingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 0-5 daraja iliq, kunduzi 7-12 daraja iliq boʻladi. Andijon, Namangan va Fargʻona viloyatlarida havo bir oz bulutli boʻladi yogʻingarchilik kutilmaydi. Ba'zi joylarga tuman tushishi mumkin. Shamol sharqdan 5-10 metr/sekund tezlikda esadi. Harorat kechasi 3 daraja sovuq-2 daraja iliq, kunduzi 4-9 daraja iliq boʻladi. Respublikaning togʻoldi va togʻli hududlarida havo bir oz bulutli boʻladi, yogʻingarchilik kutilmaydi. Ayrim joylarga tuman tushishi mumkin. Toshkent va Namangan viloyatlari hududlarida qor koʻchish xavfi bor. Shamol sharqdan 7-12 metr/sekund tezlikda esadi. Harorat kechasi 0-5 daraja sovuq, kunduzi 2-7 daraja iliq boʻladi. “Oʻzgidromet” fevral oyi uchun ob-havo prognozini ham e'lon qildi. Unga koʻra oy bir hafta davomida saqlanib turadigan quruq ob-havo bilan boshlanadi. Ikkinchi va uchinchi oʻn kunliklarda 2-3 kundan yogʻingarchilik (yomgʻir, qor) boʻlishi kutilmoqda.

Qish faslining soʻnggi – fevral oyi yanvar oyiga nisbatan oʻrtacha 2-2,5 darajaga, togʻlarda 1-1,5 darajaga iliqroq boʻladi. Bu haqda Oʻzgidromet fevral oyi uchun ob-havo prognozida ma'lum qildi. Qayd etilishicha, bu yil fevral oyi 6-7 kun davomida saqlanib turadigan quruq ob-havo bilan boshlanadi. Ushbu davr boshida havo harorati kechalari 0-5 daraja sovuq, kunduz kunlari 3-8 daraja iliq atrofida boʻladi. 6-7 fevral kunlariga kelib, nisbatan iliqlashadi, kunduz kunlari havo 12-15 daraja iliqqacha, shimolda 5-8 daraja iliqqacha isiydi. Keyinchalik, oyning oxirigacha, harorat kechalari 2-7 daraja iliqdan 3-8 daraja sovuqqacha, kunduz kunlari 10-15 daraja iliqdan 0-5 daraja iliqqacha, shimolda kechalari 2 daraja sovuq-3 daraja iliqdan 8-13 daraja sovuqqacha, kunduz kunlari 5-10 daraja iliqdan 0-5 daraja sovuqqacha oʻzgarib turishi kutilmoqda. Respublika hududi boʻyicha birinchi oʻn kunlik oxirida asosan yomgʻir koʻrinishidagi yogʻingarchilik boʻladi. Ikkinchi va uchinchi oʻn kunliklarda har oʻn kunlikda 2-3 kundan yogʻingarchilik (yomgʻir, qor) boʻlishi kutilyapti. Oʻzgidromet ma'lumotiga koʻra, 2004, 2016 va 2021 yillarning fevral oylari eng iliq oylar boʻlib, oʻrtacha oylik harorat iqlimiy me'yordan 3-6 darajaga yuqori boʻlgan. Ushbu yillarda eng iliq davrlarda havo harorati 22-27 daraja iliqqacha, janubda 28-30 daraja iliqqacha koʻtarilgan. Shuningdek, 2008, 2012 va 2014 yillarning fevral oylarida eng sovuq ob-havo kuzatilgan boʻlib, bunda oʻrtacha oylik harorat me'yordan 4-8 darajaga past boʻlishi kuzatilgan. Respublika hududining katta qismida minimal havo harorati 12-17 daraja sovuqqacha, shimolda 24-29 daraja sovuqqacha pasaygan.

2025 yilning 1 yanvar holatiga koʻra, Oʻzbekistonning doimiy aholisi soni 37 mln 543 ming nafarga etgan. Bu haqda Statistika agentligi ma'lum qildi. Umumiy aholining 50,4 foizini erkaklar, 49,6 foizini esa ayollar tashkil qilgan. Joriy yil 1 yanvar holatiga 1 kvadrat kilometrga oʻrtacha 83,6 kishi toʻgʻri kelgan. Hududlar boʻyicha qaraydigan boʻlsak, aholi zichligining eng yuqori koʻrsatkichi Toshkent shahri (6 ming 948,1 kishi), Andijon (804,9 kishi) va Fargʻona viloyatida (613,1 kishi), eng past koʻrsatkichlar Navoiy viloyati (9,9 kishi) va Qoraqalpogʻiston Respublikasida (12,2 kishi) qayd etilgan. Oʻtgan yilda Oʻzbekistonda 926,4 ming nafar tugʻilish qayd etilgan. Bu koʻrsatkich oʻtgan yilning mos davrida 962 ming kishini tashkil etgan. Hisobot davrida tugʻilishlar soni 3,7 foizga qisqargan. Eng yuqori tugʻilish koʻrsatkichi Surxondaryoda, lekin tugʻilish koeffitsiyenti 30,9 promilledan 28,9 promillega tushgan. Tugʻilish koʻrsatkichi eng past hudud Qoraqalpogʻiston, tugʻilish koefffitsiyenti 22,1 promilledan 20,7 promillegacha sekinlashgan. Mamlakatda oʻlim holatlari ham oʻtgan yilga nisbatan koʻpaygan. 2024 yilda vafot etganlar soni 174,4 ming kishini tashkil etdi. Taqqoslash uchun, 2023 yilda 172,8 ming kishi olamdan oʻtgan. Ma'lum boʻlishicha, vafot etganlarning oʻlimiga asosan qon aylanish tizimi kasalliklari (57,6 foiz), oʻsimtalar (9,4 foiz), nafas olish organlari kasalliklari (6,3 foiz), baxtsiz hodisalar (5,8 foiz), ovqat hazm qilish organlari (4,1 foiz) kasalliklari sabab boʻlgan. Hisobot davrida 271,8 mingta nikoh qayd etilgan. Bu soʻnggi 10 yillikdagi eng past koʻrsatkich. Shu davr ichida nikohdan oʻtgan ayollarning oʻrtacha yoshi 22,3 da, erkaklarniki esa 27,1 da boʻlgan. Oʻtgan yilda ajrimlar soni 45,1 mingtani tashkil etgan. Bu 2023 yilga nisbatan 4,1 mingtaga kam boʻlsa-da, 2020 yilga nisbatan 16,9 mingtaga yoki 59,9 foizga koʻp.

“Oʻzgidromet” 30 yanvar, payshanba kuni uchun ob-havo prognozini e'lon qildi. Unga koʻra, harorat bundan bir kun avvalgi koʻrsatkichga nisbatan pasayadi. Toshkent shahrida havo bir oz bulutli boʻladi, bir oz qor yogʻishi mumkin. Kechasi va ertalab tuman tushishi mumkun. Shamol gʻarbdan 5-10 metr/sekund tezlikda esadi. Harorat kechasi 0-2 daraja sovuq, kunduzi 0-2 daraja iliq boʻladi. Qoraqalpogʻiston Respublikasi va Xorazm viloyatida havo bir oz bulutli boʻladi, yogʻingarchilik kutilmaydi, ba'zi joylarga tuman tushishi mumkin. Shamol gʻarbdan 7-12 metr/sekund tezlikda esadi. Harorat kechasi 3-8 daraja sovuq, kunduzi 0-5 daraja iliq boʻladi. Buxoro va Navoiy viloyatlarida havo bir oz bulutli boʻladi, yogʻingarchilik kutilmaydi. Ayrim joylarga tuman tushishi mumkin. Shamol gʻarbdan 7-12 metr/sekund tezlikda esadi. Harorat kechasi 0-5 daraja sovuq, kunduzi 0-5 daraja iliq boʻladi. Toshkent, Sirdaryo, Samarqand va Jizzax viloyatlarida havo bir oz bulutli boʻladi, yogʻingarchilik kutilmaydi, faqat Toshkent viloyatida ba'zi joylarda bir oz qor yogʻishi mumkin. Ayrim joylarga tuman tushishi mumkin. Shamol gʻarbdan 7-12 metr/sekund tezlikda esadi. Harorat kechasi 0-5 daraja sovuq, kunduzi 0-5 daraja iliq boʻladi. Qashqadaryo va Surxondaryo viloyatlarida havo bir oz bulutli boʻladi, yogʻingarchilik kutilmaydi. Ayrim joylarga tuman tushishi mumkin. Shamol gʻarbdan 7-12 metr/sekund tezlikda esadi. Harorat kechasi 0-5 daraja sovuq, kunduzi 2-7 daraja iliq boʻladi. Andijon, Namangan va Fargʻona viloyatlarida havo bir oz bulutli boʻladi, ba'zi joylarda bir oz qor yogʻishi mumkun. Ayrim joylarga tuman tushishi mumkin. Shamol gʻarbdan 5-10 metr/sekund tezlikda esadi. Harorat kechasi 0-5 daraja sovuq, kunduzi 0-5 daraja iliq boʻladi. Respublikaning togʻoldi va togʻli hududlarida havo bir oz bulutli boʻladi, vaqti-vaqti bilan qor yogʻadi, tuman tushishi mumkin. Shamol gʻarbdan 7-12 metr/sekund tezlikda esadi. Harorat kechasi 7-12 daraja sovuq, kunduzi 2-7 daraja sovuq boʻladi. Prognozlarga koʻra, 29—31 yanvarda sovuq havo massalari Oʻzbekistonning shimoliy hududlaridan butun respublika hududiga tarqala boshlaydi, havo harorati kechasi 0-5 daraja sovuqqacha, shimoliy hududlar ba'zi joylarida 8 daraja sovuqqacha, kunduzi 0-5 daraja iliqqacha pasayadi. Vaqti-vaqti bilan yogʻingarchilik boʻlib, asosan, qor shaklida yogʻadi.

“Fargʻona viloyatidagi oliy ta'lim tashkilotlari faoliyatini yanada takomillashtirish chora-tadbirlari toʻgʻrisida”gi prezident qarori qabul qilindi. Quyidagi universitetlar qayta tashkil etiladi: ▪️Fargʻona politexnika instituti va Toshkent axborot texnologiyalari universiteti Fargʻona filiali negizida Fargʻona davlat texnika universiteti; ▪️Qoʻqon davlat pedagogika instituti, Toshkent davlat texnika universiteti Qoʻqon filiali hamda Oʻzbekiston davlat san'at va madaniyat instituti Fargʻona mintaqaviy filiali negizida Qoʻqon davlat universiteti; ▪️Oʻzbekiston davlat jismoniy tarbiya va sport universiteti Fargʻona filialini qoʻshib yuborish yoʻli bilan Fargʻona davlat universiteti. 2025-2026 oʻquv yilidan: - mazkur universitetlarning malaka talablari va oʻquv dasturlari yuqori 300 talik roʻyxatga kirgan xorijiy oliy ta'lim tashkilotlarining dasturlari asosida ishlab chiqiladi; - iqtidorli talabalar uchun darslar xorijiy tillarda oʻqitiladigan alohida guruhlarda tashkil etiladi. Fargʻona davlat texnika universitetida Ilgʻor muhandislik maktabi va “spin-off” korxonalari faoliyati tashkil etiladi hamda yirik ishlab chiqarish korxonalari va tashkilotlari sanoat hamkori sifatida biriktiriladi. Tugatilayotgan oliy ta'lim tashkilotlarida tahsil olayotgan barcha talabalar oʻqishini yangidan tashkil etilgan tegishli universitetlarda davom ettiradi.

«Oʻzgidromet» 29 yanvar, chorshanba kuni kutilayotgan ob-havo haqida ma'lumot berdi. Unga koʻra: Toshkent shahrida havo biroz bulutli boʻladi, yogʻingarchilik kutilmaydi. Kechasi va ertalab tuman tushishi mumkin. Sharqiy shamol yoʻnalishini oʻzgartirib, gʻarbdan 3–8 metr/sekund tezlikda esadi. Harorat kechasi 0...+2 daraja, kunduzi +6...+8 daraja boʻladi. Qoraqalpogʻiston Respublikasi va Xorazm viloyatida havo biroz bulutli boʻladi, ayrim joylarda biroz qor yogʻishi, tuman tushishi mumkin. Sharqiy shamol yoʻnalishini oʻzgartirib, gʻarbdan 7–12 metr/sekund tezlikda esadi. Harorat kechasi –3...–8 daraja, kunduzi –2...+3 daraja boʻladi. Buxoro va Navoiy viloyatlarida havo biroz bulutli boʻladi, kechga tomom biroz yogʻingarchilik (yomgʻir, qor) boʻlishi mumkin. Ayrim joylarga tuman tushishi kutilmoqda. Sharqiy shamol yoʻnalishini oʻzgartirib, gʻarbdan 7–12 metr/sekund tezlikda esadi. Harorat kechasi –2...+3 daraja, kunduzi +5...+10 daraja, Navoiy viloyati shimolida harorat kechasi –3...–8 daraja, kunduzi –2...+3 daraja boʻladi. Toshkent, Sirdaryo, Samarqand va Jizzax viloyatlarida havo biroz bulutli boʻladi, yogʻingarchilik kutilmaydi, faqat Smarqand viloyatida kechga tomon bir oz yogʻingarchilik (yomgʻir, qor) boʻlishi mumkin. Ayrim joylarga tuman tushishi kutilmoqda. Sharqiy shamol yoʻnalishini oʻzgartirib, gʻarbdan 7–12 metr/sekund tezlikda esadi. Harorat kechasi –2 ...+3 daraja, kunduzi +5...+10 daraja boʻladi. Qashqadaryo va Surxondaryo viloyatlarida havo biroz bulutli boʻladi, yogʻingarchilik kutilmaydi. Shamol sharqdan 7–12 metr/sekund tezlikda esadi. Harorat kechasi 0...+5 daraja, kunduzi +7...+12 daraja boʻladi. Andijon, Namangan va Fargʻona viloyatlarida havo biroz bulutli boʻladi, yogʻingarchilik kutilmaydi. Ba'zi joylarga tuman tushishi mumkin. Shamol sharqdan 5–10 metr/sekund tezlikda esadi. Harorat kechasi –3...+2 daraja, kunduzi +4...+9 daraja boʻladi. Respublikaning togʻoldi va togʻli hududlarida havo biroz bulutli boʻladi, yogʻingarchilik kutilmaydi. Ayrim joylarga tuman tushishi mumkin. Toshkent va Namangan viloyatlari hududlarida qor koʻchishi xavfi bor. Shamol sharqdan 7–12 metr/sekund tezlikda esadi. Harorat kechasi 0...–5 daraja, kunduzi +2...+7 daraja boʻladi.

"Oʻzbekiston prezidenti Shavkat Mirziyoyev 2024 yil 18 dekabr kuni "Toshkent farmatsevtika parki" klasteri tarkibiga kiruvchi farmatsevtika korxonalari rahbarlari bilan uchrashdi", – deyilgan maqola muqaddimasida. Shuningdek, Oʻzbekiston prezidenti farmatsevtika sanoatiga 1 milliard dollar miqdorida investitsiya kiritishni tasdiqlagani ta'kidlangan. Nashrda oʻtgan etti yilda Oʻzbekistonda farmatsevtika mahsulotlari ishlab chiqarish ikki barobar, eksport hajmi 11 karra, korxonalar soni 3 barobar, investitsiyalar hajmi 750 million dollarni tashkil etgani xabar qilingan. Bugungi kunda Oʻzbekistonda 3500 turdagi dori vositalari va tibbiyot buyumlari ishlab chiqarilmoqda. "Davlat rahbari buni talabni toʻliq qondirish uchun etarli emas, deb atadi va dori vositalarining 80 foizi xorijdan keltirilayotganini tanqidiy baholadi, – deb yozilgan maqolada. – Ushbu 80 foizni kamaytirish maqsadida ishlab chiqarishni mahalliylashtirish va eksportni koʻpaytirish chora-tadbirlari taklif etildi". Oʻzbekiston prezident farmatsevtika korxonalari bilan uchrashuvda ular uchun bojxona imtiyozlarini 2028 yilgacha uzaytirish va kapitali 100 million dollar boʻlgan ilgʻor farmatsevtika loyihalari sarmoya jamgʻarmasi tashkil etilishini ma'lum qildi. Import ulushini kamaytirish maqsadida dori vositalari ishlab chiqarishni mahalliylashtirish masalasi ham muhokama qilindi. Ommabop dori vositalari sifatini xorijiy analoglardan kam boʻlmagan darajada ta'minlash, raqobat va foydalanish imkoniyatini oshirishga qaratilgan umumiy qiymati 1 milliard dollar boʻlgan loyihalar portfelini yaratish ma'qullandi. Maqolada ma'lum qilinishicha, eksportni oshirish uchun davlat byudjeti tadbirkorlarning AQSh oziq-ovqat va farmatsevtika idorasi va Evropa dori vositalari agentligidan sertifikat olish xarajatlarini qoplaydi.

29–31 yanvarda sovuq havo massalari Oʻzbekistonning shimoliy hududlaridan butun respublika hududiga tarqala boshlaydi, deya xabar bermoqda Oʻzgidromet agentligi. Dushanba kuni Oʻzbekistonda quruq va nisbatan iliq ob-havo kutilmoqda, havo harorati +7…+12 daraja boʻladi. Faqatgina respublikaning shimoliy hududlari sovuq antitsiklon ta'sirida boʻlib, harorat kunduzi 0…+5 darajadan oshmaydi. Toshkent shahrida dushanba va seshanba kunlari yogʻingarchilik kuzatilmaydi. Havo harorat bugun +9…+11, ertaga kechasi 0…+2, kunduzi +6…+8 daraja boʻladi. 29–31 yanvar kunlari vaqti-vaqti bilan qor yogʻadi. Kechasi va ertalab tuman tushishi mumkin. Havo harorat kechasi 0…–2, kunduzi 0…+2 daraja boʻladi. Sharqiy shamol yoʻnalishini gʻarbiyga oʻzgartirish bilan 5–10 metr/soniya tezlikda esadi. 28 yanvarda Qoraqalpogʻiston va Xorazm viloyatining ayrim hududlarida biroz qor yogʻadi. Buxoro, Navoiy va Samarqand viloyatlarida kechasi biroz yogʻingarchilik (yomgʻir, qor) boʻlishi mumkin. Respublikaning qolgan hududlarida yogʻingarchilik kuzatilmaydi. Havo harorati kunduzi +5…+10, respublikaning shimoliy hududlarida –2…+3 daraja boʻladi. Chorshanba-juma kunlari havo harorati kechasi 0…–5 darajagacha, shimoliy hududlar ba'zi joylarida –8 darajagacha, kunduzi 0…+5 darajagacha pasayadi. Respublikaning markaziy va janubi-sharqiy viloyatlarida vaqti-vaqti bilan yogʻingarchilik boʻlib, asosan qor shaklida yogʻadi. Qoraqalpogʻiston, Xorazm, Buxoro va Navoiy viloyatlarida yogʻingarchilik kuzatilmaydi. Respublikaning ayrim joylarida tuman tushishi mumkin. Shamol sharqdan yoʻnalishini gʻarbiyga oʻzgartirib 7–12 metr/soniya tezlikda esadi. Toshkent va Namangan viloyatlarining togʻli hududlarida qor koʻchishi xavfi mavjud.

Oliy Majlis Qonunchilik palatasi deputatlari tomonidan qabul qilingan qator hujjatlar Oliy Majlis Senatiga yuborildi, deya xabar berdi quyi palata matbuot xizmati. Oliy Majlis Qonunchilik palatasining navbatdagi majlisida “Oʻzbekiston Respublikasining Suv kodeksini tasdiqlash toʻgʻrisida”gi qonun loyihasi ikkinchi oʻqishda moddama-modda koʻrib chiqildi. Qayd etilishicha, hozirgi vaqtda suv resurslarini boshqarish, undan foydalanish va muhofaza qilish sohasidagi ijtimoiy munosabatlar 10 ga yaqin qonun hujjatlari, shu jumladan, Oʻzbekiston Konstitutsiyasi, “Suv va suvdan foydalanish toʻgʻrisida”gi, “Tabiatni muhofaza qilish toʻgʻrisida”gi qonunlari, shuningdek 20 tadan ortiq qonunosti hujjatlari bilan tartibga solinadi. “Ushbu hujjatlar suv munosabatlarini huquqiy tartibga solishga asos solgan boʻlsa-da, sohadagi munosabatlarni izchil va tizimli hal etadigan, suv qonunchiligining yagona muvofiqlashtirilgan tizimini shakllantirishni etarli darajada ta'minlay olmadi. Shundan kelib chiqib, suv va suvdan foydalanish sohasida yagona huquqiy hujjat yaratish maqsadida ishlab chiqilgan Suv kodeksi loyihasida bir qator muhim normalar oʻz aksini topmoqda”, — deyiladi matbuot xizmati xabarida. Aytilishicha, kodeksda belgilanayotgan normalar suvdan oqilona foydalanish, samarali boshqarish va muhofaza qilishni ta'minlaydigan huquqiy shart-sharoitlar yaratishga, suv etkazib beruvchilar va suv iste'molchilarining mas'uliyati oshirishga, suvdan foydalanishda ruxsatnoma olish tartibi soddalashtirilishiga xizmat qiladi. Kodeks loyihasida quyidagilar nazarda tutilmoqda: suvga doir munosabatlarni tartibga solish sohasida mas'ul organlarning vakolatlari, vazifa va funktsiyalarini aniq belgilash; suv xoʻjaligida davlat-xususiy sheriklik mexanizmlarini kengaytirish; suvdan foydalanish uchun ruxsatnoma berish shartlarini soddalashtirish; suvni iste'molchilar orasida taqsimlashning yangi mexanizmlari joriy etish; suv resurslarini boshqarish, ulardan foydalanish va muhofaza qilishga doir kompleks hamda muvofiqlashtirilgan chora-tadbirlarni ishlab chiqish va amalga oshirish; suv tejovchi texnologiyalaridan keng foydalanishni ragʻbatlantirish; suv olish tartibini buzganlik uchun javobgarlik masalalari. “Deputatlarning fikricha, kodeks loyihasining qabul qilinishi suv resurslaridan foydalanish samaradorligini oshirish, sohaga investitsiyalarni jalb qilish, texnologik modernizatsiya qilishni ragʻbatlantirishga xizmat qiladi. Majlisda ayrim normalarni maromiga etkazish uchun Kodeks loyihasi mas'ul qoʻmitaga qaytarildi”, — deyilgan xabarda. Umumiy harbiy majburiyat va harbiy xizmat Dputatlar “Harbiy xizmatchilar, harbiy xizmatga majburlar va safarbarlik chaqiruvi rezervida oylik yigʻinlarni oʻtayotgan shaxslarning moddiy javobgarligi toʻgʻrisida”gi qonun loyihasini ikkinchi oʻqishda koʻrib chiqishdi. Aytilishicha, ushbu qonun loyihasi bilan amaldagi “Umumiy harbiy majburiyat va harbiy xizmat toʻgʻrisida”gi qonun bilan belgilangan harbiy xizmatchilarning moddiy javobgarligiga oid normalarga oydinlik kiritilib, mazkur masala yuzasidan yaxlit qonun hujjatini qabul qilish nazarda tutilmoqda. Qonun loyihasida quyidagi normalar aniqlashtirilmoqda: harbiy xizmatchilarni moddiy javobgarlikka tortish asoslari; harbiy xizmatchilarning cheklangan yoki toʻliq moddiy javobgarligi masalalari; etkazilgan zarar miqdorini aniqlash tartib-taomillari; etkazilgan zararning oʻrnini qoplash tartibi kabi muhim normalar. “Mazkur qonun loyihasining qabul qilinishi harbiy xizmatchilarning xizmat faoliyati samaradorligini oshirishga, harbiy intizomning mustahkamlanishiga xizmat qiladi. Majlisda qonun loyihasi deputatlar tomonidan uchinchi oʻqishda qabul qilindi va Senatga yuborildi”, — deya qayd etilgan xabarda. Qurilish maydonlarida atmosfera havosi talablarini buzganlik uchun javobgarlik Oliy Majlis Qonunchilik palatasining majlisida qurilish maydonlarida chang va qum zarrachalarining havoga koʻtarilishini bartaraf etishga qaratilgan qonun loyihasi ikkinchi oʻqishda moddama-modda koʻrib chiqildi. Qayd etilishicha, qurilish va urbanizatsiya koʻlamlarining kengayishi, qurilish maydonlarida chang va qum zarrachalarining havoga koʻtarilishi hollarining ortishi atmosfera havosi sifatining yomonlashuviga olib kelmoqda. Ushbu qonun loyihasi bilan Ma'muriy javobgarlik toʻgʻrisidagi kodeksiga qurilish maydonlarida atmosfera havosini muhofaza qilish talablariga rioya qilmaganlik uchun javobgarlikni belgilovchi qoʻshimchalar va oʻzgartirish kiritilmoqda. Muhokamalar davomida qonun loyihasini ikkinchi oʻqishga tayyorlash jarayonida mas'ul qoʻmita tomonidan qator yigʻilishlar, seminarlar oʻtkazilgani, ularda deputatlar, siyosiy partiyalar fraktsiyalari tomonidan berilgan takliflar chuqur tahlil qilingani va ularning aksariyati loyiha matnida aks ettirilib, u maromiga etkazilgani qayd etildi. “Deputatlarning aytishicha, ushbu qonun loyihasining qabul qilinishi fuqarolarning oʻz hayoti va sogʻligʻi uchun qulay atmosfera havosidan foydalanish huquqlarini ta'minlashga, tartibsiz ravishda tashlanadigan chang va qum zarrachalarining havoga koʻtarilishini bartaraf qilishga xizmat qiladi. Majlisda qonun loyihasi deputatlar tomonidan uchinchi oʻqishda qabul qilindi va Senatga yuborildi”, — deyiladi xabarda. Xotin-qizlarni qoʻllab-quvvatlash Majlisda oila va xotin-qizlarni qoʻllab-quvvatlash tizimini takomillashtirishga qaratilgan qonun loyihasi ikkinchi oʻqishda moddama-modda koʻrib chiqildi. Aytilishicha, hozirda jamiyatda oilaviy (maishiy) zoʻravonlik jinoyatidan jabrlangan shaxslarning huquqlari va qonuniy manfaatlarini har tomonlama himoya qilish, shu jumladan ularning xavfsizligi va munosib sharoitlarda yashash huquqini ta'minlash zarurati yuzaga kelmoqda. “Ushbu qonun loyihasi bilan Uy-joy kodeksining 32-moddasi turar joydan foydalanish haqidagi nizolarni koʻrib chiqilayotganda sud taraflarning kelishuviga asosan mulkdorning tashabbusiga koʻra, uy-joyga majburiy tartibda kiritilayotgan tarafni mutanosib sharoitga ega boʻlgan boshqa turar joyga kiritishi yoki ijaraga olingan turar joy uchun ijara haqini toʻlash majburiyatini mulkdorga yuklashi mumkinligi boʻyicha norma kiritilmoqda”, — deyilgan xabarda. Deputatlarning aytishicha, qonun loyihasining qabul qilinishi uy-joy nizolarini koʻrib chiqishda mulkdorning manfaatlarini inobatga olish bilan birga, xotin-qizlarga yashash uchun qulay sharoit yaratish hamda oila va xotin-qizlar boshqaruvi tizimini takomillashtirishga xizmat qiladi. Qonun loyihasi deputatlar tomonidan uchinchi oʻqishda qabul qilindi va Senatga yuborildi. Elektron sigaretalar va ular uchun suyuqliklarning muomalasi Majlisda ayrim qonun hujjatlariga ba'zi turdagi tamaki mahsulotlarining, tamakini va nikotinni iste'mol qilish moslamalarining muomalasiga doir talablarni yanada kuchaytirishga qaratilgan qonun loyihasi ham muhokamalar markazida boʻldi. “Ushbu qonun loyihasi bilan Oʻzbekiston Respublikasida nikotinni iste'mol qilish moslamalari, shu jumladan elektron sigaretalar va ular uchun suyuqliklarning muomalasi (ishlab chiqarish, tayyorlash, saqlash, tashish yoki oʻtkazish, Oʻzbekiston hududiga olib kirish, olib chiqish) taqiqlanmoqda. Bundan tashqari, aylanmasi taqiqlangan chekilmaydigan tamaki mahsulotlari, nikotinni iste'mol qilish moslamalari, shu jumladan elektron sigaretalarni qonunga xilof ravishda muomalaga kiritish bilan bogʻliq huquqbuzarliklar uchun javobgarlik belgilanmoqda”, — deyilgan xabarda. Deputatlarning aytishicha, qonun loyihasining qabul qilinishi aholining hayoti va sogʻligʻini yanada himoya qilish, millat genofondini saqlash, atrof-muhitni tamaki va nikotin mahsulotlarining yangi turlaridan muhofaza qilishga xizmat qiladi. Majlisda qonun loyihasi deputatlar tomonidan uchinchi oʻqishda qabul qilindi va Senatga yuborildi. Sud muhokamalarida masofadan ishtirok etish Deputatlar aholiga sud muhokamalarida masofadan ishtirok etish uchun yanada qulay sharoitlar yaratishga qaratilgan qonun loyihasini koʻrib chiqishdi. Ta'kidlanishicha, bugungi kunda sud majlislarida mobil videokonferentsaloqa tizimidan foydalanishning huquqiy asoslarini yaratish orqali protsessual qonunchilikni takomillashtirish zarurati mavjud. Ushbu qonun loyihasi bilan Oʻzbekiston Respublikasining Fuqarolik protsessual, Iqtisodiy protsessual va Ma'muriy sud ishlarini yuritish toʻgʻrisidagi kodeklariga aholiga sud muhokamalarida masofadan turib ishtirok etishning huquqiy asoslarini yaratishni nazarda tutuvchi oʻzgartirishlar kiritilmoqda. Ushbu qonun loyihasining qabul qilinishi quyidagilarga xizmat qiladi: aholining sud majlislarida qatnashish uchun sud binolariga kelishlari bilan bogʻliq ovoragarchiliklarining oldini olishga; tadbirkorlik sub'ektlarining odil sudlovga erishish darajasini oshirishga; ortiqcha sarf-xarajatlarini tejalishini ta'minlashga. Majlisda qonun loyihasi deputatlar tomonidan uchinchi oʻqishda qabul qilindi va Senatga yuborildi. Milliy gvardiya faoliyati yanada takomillashtiriladi Oliy Majlis Qonunchilik palatasining majlisida “Oʻzbekiston Respublikasi Milliy gvardiyasi toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida”gi qonun loyihasi ikkinchi oʻqishda moddama-modda muhokama qilindi. Ta'kidlanganidek, Konstitutsiyaviy va ma'muriy islohotlar talablari, milliy va xorijiy tajriba tahlili hamda jamoatchilik fikrini oʻrganish natijalari Milliy gvardiyaning asosiy vazifalari, huquq va majburiyatlarini qayta koʻrib chiqishni taqozo etmoqda. Milliy qonunchilik va jamoatchilik fikridan kelib chiqib “Oʻzbekiston Respublikasi Milliy gvardiyasi toʻgʻrisida”gi qonun “fuqaro bilan muloqotga kirgan harbiy xizmatchi (xodim) zimmasiga oʻzini tanishtirish, fuqaroga uning huquqini tushuntirish shartligi haqida”gi yangi majburiyat bilan toʻldirilmoqda. Bu majburiyat Milliy gvardiya xodimlarining kundalik faoliyatida inson huquqlari boʻyicha xalqaro standartlar talablariga rioya etish bilan birga, aholining ushbu davlat organiga boʻlgan ishonchini mustahkamlashda muhim ahamiyat kasb etadi. “Mazkur qonun loyihasining qabul qilinishi kelgusida Milliy gvardiya tarkibiy va hududiy boʻlinmalarining zamonaviy talablarga javob beradigan, xalqchil va professional qiyofasini shakllantirishga xizmat qiladi. Qonun loyihasi deputatlar tomonidan uchinchi oʻqishda qabul qilindi va Senatga yuborildi”, — deyilgan xabarda. Avtomobil yoʻlarini qurish, rekonstruktsiya qilish va ta'mirlashdagi oʻzboshimchaliklar Oliy Majlis Qonunchilik palatasining majlisida transport sohasida davlat nazoratini takomillashtirishga qaratilgan qonun loyihasi birinchi oʻqishda kontseptual jihatdan koʻrib chiqildi. Qayd etilishicha, bugun kunda transportda yuk va yoʻlovchi tashishlarga boʻlgan talabni qondirish, yoʻlovchilarga koʻrsatilayotgan xizmatlar sifatini oshirish, avtomobil transportida tashish uchun belgilangan me'yordan ortiq yuk ortilishini oldini olish va transport sohasida davlat nazoratini ta'minlash zarurati yuzaga kelmoqda. Ushbu qonun loyihasi quyidagilar uchun javobgarlik belgilanmoqda: Ma'muriy javobgarlik toʻgʻrisidagi kodeksga temir yoʻl transporti va metropolitenda yuk va yoʻlovchilar tashish xavfsizligi qoidalarini buzish; haydovchilarining mehnat va dam olish rejimini nazorat qiluvchi nosoz qurilmadan (taxografdan) foydalanish, haydovchining mehnat va dam olish rejimini buzish; avtomobil transportida yoʻlovchilarni muntazam yoʻnalishlarda tashish huquqini tasdiqlovchi guvohnomasiz yoʻlovchi tashish; belgilangan yoʻl haqi tariflarini oshirish; muntazam yoʻnalish boʻyicha tasdiqlangan qatnov jadvaliga amal qilmaslik; belgilangan harakat hamda yuk bilan yoki yuksiz holdagi gabarit oʻlchamlari, shuningdek, umumiy haqiqiy vazni, oʻqqa tushuvchi ogʻirligi belgilangan normalardan oshirgan holda yoʻlga va ruxsatnomada koʻrsatilgan harakat yoʻnalishidan chetga chiqish. Qonun loyihasi bilan “Avtomobil yoʻllari toʻgʻrisida”gi, “Tashuvchining fuqarolik javobgarligini majburiy sugʻurta qilish toʻgʻrisida”gi, “Davlat boji toʻgʻrisida”gi, “Litsenziyalash, ruxsat berish va xabardor qilish tartib-taomillari toʻgʻrisida”gi hamda “Transport toʻgʻrisida”gi qonunlarga Transport vazirligi huzuridagi Transport nazorati inspektsiyasi tashkil etilgani sababli, sohadagi davlat nazorati yuklatilgan vazifalar va tashkilotning nomlanishi bilan bogʻliq oʻzgartirishlar ham kiritilyapti. Deputatlarning aytishicha, ushbu qonun loyihasining qabul qilinishi transport sohasidagi xizmatlar sifatini oshirish, yoʻlovchilar uchun muntazam yoʻnalishlarda maqbul narxlarda tashish jarayonlarini olib borish, avtomobil yoʻlarini qurish, rekonstruktsiya qilish va ta'minlash jarayonlaridagi oʻzboshimchiliklarni oldini olish, yoʻlovchi va yuk tashish xizmatlarida xavfsizlikni ta'minlashga xizmat qiladi. Majlisda qonun loyihasi deputatlar tomonidan birinchi oʻqishda qabul qilindi. Aholi oʻrtasida yod etishmasligi kasalliklarining oldini olish Oliy Majlis Qonunchilik palatasining majlisida aholi oʻrtasida yod etishmasligi kasalliklarining oldini olish tizimini takomillashtirishga qaratilgan qonun loyihasi obdon muhokama qilindi. Ushbu qonun loyihasi bilan Sogʻliqni saqlash vazirligiga bir qator vakolatlar berilmoqda. Ya'ni, tuzni va oziq-ovqat mahsulotlarini yodlashda ishlatiladigan yod preparatlari tarkibi, ularga qoʻyiladigan talablar, tuzni va oziq-ovqat mahsulotlarini yodlash, tuzni ishlab chiqarish, saqlash, tashish va sotishga qoʻyiladigan sanitariya-gigiyena talablarini belgilaydi. Shuningdek, yodlangan tuz va yodlangan oziq-ovqat mahsulotlarining sifati, ishlab chiqarilishi, saqlanishi, olib kirilishi hamda realizatsiya qilinishi nazoratini olib boradi. Deputatlarning ta'kidlashicha, mazkur qonun loyihasining qabul qilinishi aholini endemik buqoq kasalligining oldini olish maqsadida profilaktik tadbir toʻlaqonli amalga oshiriladi, axolining extiyoji uchun zarur boʻlgan sifatli va xavfsiz boʻlgan osh tuzi bilan ta'minoti toʻliq qoplanadi. Majlisda qonun loyihasi deputatlar tomonidan birinchi oʻqishda qabul qilindi. Er osti suvlarini muhofaza qilish va ulardan oqilona foydalanish Oliy Majlis Qonunchilik palatasining majlisida er osti suv resurslarini muhofaza qilishga qaratilgan qonuni loyihasi ham muhokama etildi. Aytilishicha, coʻnggi yillarda aholini er osti suvlari hisobiga ichimlik suvi bilan ta'minlash 67 foizga etgan. Ichimlik suviga boʻlgan ehtiyojning ortayotganligi, er osti suvlarining asosan erlarni sugʻorish va boshqa maqsadlarda olinishi natijasida er osti suvlari sathining koʻp yillik oʻrtacha sathdan pasayib ketish holatlari kuzatilmoqda. Shuningdek, sohaga oid ruxsat beruvchi tartib-tamoyillar soddalashtirilgan va shaffoflashtirilgan boʻlishiga qaramasdan, er osti suvlariga quduqlarning ruxsatsiz burgʻilanishi va suvdan nazoratsiz, hisobsiz foydalanish holatlari yildan-yilga ortib bormoqda. “Yuqoridagi holatlarning oldini olish hamda er osti suv resurslarini muhofaza qilishni yanada kuchaytirish maqsadida ishlab chiqilgan qonun loyihasida er osti suvlariga quduqlarni burgʻilash uchun ruxsatnoma berish tartibi oʻrniga er osti suvlariga quduqlarni burgʻilash faoliyati uchun ruxsatnoma berish tartibini kiritish koʻzda tutilmoqda. Shundan kelib chiqib, 2 ta kodeks va 2 ta qonunga tegishli oʻzgartirish va qoʻshimchalar kiritilmoqda”, — deyiladi matbuot xabarida. Majlisda qonun loyihasi deputatlar tomonidan birinchi oʻqishda qabul qilindi. Harbiy hisobni yuritish tizimi raqamlashtiriladi Oliy Majlis Qonunchilik palatasining majlisida koʻrib chiqilgan navbatdagi hujjat — “Umumiy harbiy majburiyat va harbiy xizmat toʻgʻrisida”gi Oʻzbekiston Respublikasi Qonuniga qoʻshimcha va oʻzgartirishlar kiritish haqida”gi qonun loyihasi boʻldi. Qayd etilishicha, aholi va tadbirkorlik sub'ektlari tomonidan 73 turdagi ma'lumotnoma va hujjatlar taqdim etilishi talabi bekor qilinib, davlat organlari tomonidan “Elektron hukumat” tizimi idoralararo integratsiyalashuv platformasidan foydalangan holda ushbu ma'lumotlarni olish tizimi joriy etildi. Shu bilan birga, bugungi kunda aholiga qulay va oson shaklda davlat xizmatlarini koʻrsatish koʻlamini kengaytirish, fuqarolarning sarson boʻlishining oldini olish, harbiy hisobni yuritish tartibini yanada soddalashtirish zarurati yuzaga kelmoqda. Mazkur qonun loyihasi bilan “Umumiy harbiy majburiyat va harbiy xizmat toʻgʻrisida”gi qonunga quyidagi oʻzgartirishlar kiritilmoqda: harbiy hisob ishlarini yanada takomillashtirish; harbiy xizmatga majburlarni harbiy roʻyxatga qoʻyish va undan chiqarish tizimini raqamlashtirish; davlat organlari va boshqa tashkilotlar tomonidan harbiy roʻyxatda turgan shaxslar toʻgʻrisidagi ma'lumotlarni Mudofaa vazirligiga axborot tizimlaridan foydalangan holda taqdim etish tartibini joriy etish. Majlisda qonun loyihasi deputatlar tomonidan birinchi oʻqishda qabul qilindi.

Oʻzgidromet ertaga, 27 yanvar kuni kuzatiladigan ob-havo prognozlarini e'lon qildi. Unga koʻra: Toshkent shahrida havo biroz bulutli boʻladi, yogʻingarchilik kutilmaydi. Shamol sharqdan 3-8 m/s tezlikda esadi. Harorat kechasi 0-2 daraja sovuq, kunduzi 9-11 daraja iliq boʻladi. Qoraqalpogʻiston Respublikasi va Xorazm viloyatida havo biroz bulutli boʻladi, yogʻingarchilik kutilmaydi. Ayrim joylarga tuman tushishi mumkin. Shamol sharqdan 7-12 m/s tezlikda esadi. Harorat kechasi 5-10 daraja sovuq, kunduzi 0-5 daraja iliq boʻladi. Buxoro va Navoiy viloyatlarida havo biroz bulutli boʻladi, yogʻingarchilik kutilmaydi. Ba'zi joylarga tuman tushishi mumkin. Shamol sharqdan 7-12 m/s tezlikda esadi. Harorat kechasi 0-5 daraja sovuq, kunduzi 7-12 daraja iliq, Navoiy viloyatining shimolida harorat kechasi 3-8 daraja sovuq, kunduzi 3-8 daraja iliq boʻladi. Toshkent, Samarqand, Jizzax va Sirdaryo viloyatlarida havo biroz bulutli boʻladi, yogʻingarchilik kutilmaydi. Ba'zi joylarga tuman tushishi mumkin. Shamol sharqdan 7-12 m/s tezlikda esadi. Harorat kechasi 3 daraja sovuq, 2 daraja iliq, kunduzi 7-12 daraja iliq boʻladi. Qashqadaryo va Surxondaryo viloyatlarida havo biroz bulutli boʻladi, yogʻingarchilik kutilmaydi. Shamol sharqdan 7-12 m/s tezlikda esadi. Harorat kechasi 0-5 daraja, kunduzi 10-15 daraja iliq boʻladi. Andijon, Namangan va Fargʻona viloyatlarida havo biroz bulutli boʻladi yogʻingarchilik kutilmaydi. Ba'zi joylarga tuman tushishi mumkin. Shamol sharqdan 5-10 m/s tezlikda esadi. Harorat kechasi 0-5 daraja sovuq, kunduzi 6-11 daraja iliq boʻladi. Respublikaning togʻli hududlarida havo biroz bulutli boʻladi, ayrim joylarda yogʻingarchilik boʻlishi, tuman tushishi mumkin. Toshkent va Namangan viloyatlari hududlarida qor koʻchish xavfi bor. Shamol sharqdan 7-12 m/s tezlikda esadi. Harorat kechasi 0-5 daraja sovuq, kunduzi 2-7 daraja iliq boʻladi.

Foto: ozodlik.org 2025 yil 1 fevraldan Oʻzbekistonda “Ona maskani” xizmati yoʻlga qoʻyiladi. Bu haqda prezidentning 2024 yil 14 noyabrda qabul qilingan PF-185-sonli farmonida belgilab qoʻyilgan. Qonunchilikka ogʻir hayotiy vaziyatda va yaqin qarindoshlari koʻmagisiz qolgani uchun farzandini tarbiyalashdan voz kechmoqchi boʻlgan onalar, shu jumladan, homilador ayollar uchun bolalar uylarida “Onalar maskani” xizmati yoʻlga qoʻyiladi. “Onalar maskani”da: ogʻir hayotiy vaziyatga tushib qolgan onalar va ularning bolalari (4 yoshga toʻlmagan) 1 yilgacha boʻlgan muddatga ijtimoiy shartnoma asosida vaqtincha boshpana bilan ta'minlanadi; ogʻir hayotiy vaziyatga tushib qolgan onalarga ijtimoiy, huquqiy, psixologik va tibbiy xizmatlar koʻrsatiladi, ularda onalik va kasbiy koʻnikmalar shakllantiriladi; “Inson” ijtimoiy xizmatlar markazlari ogʻir hayotiy vaziyatga tushib qolgan onalarning kasb-hunar egallashi va bandligini ta'minlashga koʻmaklashadi.

Statistika agentligi ma'lumotlariga koʻra, 2024 yil yakunlari boʻyicha Oʻzbekistonda oʻrtacha nominal hisoblangan maosh 5,357 million soʻmni tashkil etdi, bu oʻtgan yilga nisbatan 17,4% koʻpdir. Maoshlarning eng yuqori oʻsishi Toshkent shahrida qayd etildi, u erda oʻrtacha koʻrsatkich 9,07 million soʻmga etdi va 21,4% ga oshdi. Ikkinchi oʻrinda Navoiy viloyati (6,76 million soʻm, 15% oʻsish), undan keyin Toshkent viloyati (5,09 million soʻm, 12,2% oʻsish) joylashgan. Eng past oʻrtacha maosh Qashqadaryo viloyatida qayd etilgan - 3,78 million soʻm (12,2% oʻsish). Tarmoqlar boʻyicha maoshlar taqsimoti Eng yuqori oʻrtacha maoshlar moliya va sugʻurta sohalarida (15,26 million soʻm), axborot va aloqa sohasida (13,15 million soʻm) hamda transport va saqlash sohasida (8,11 million soʻm) kuzatilmoqda. Sanoatda oʻrtacha maosh 6,43 million soʻmni, savdo sohasida 6,23 million soʻmni, qurilishda esa 5,97 million soʻmni tashkil etadi. Eng past oʻrtacha maoshlar sogʻliqni saqlash va ijtimoiy xizmatlarda (3,41 million soʻm) hamda ta'lim sohasida (3,63 million soʻm) qayd etilgan. Axborot texnologiyalari va aloqa sohasidagi maoshlar Bu sohadagi koʻrsatkichlar ancha yuqori: kompyuter dasturlarini ishlab chiqish, maslahat va boshqa xizmatlar - 18,28 million soʻm; axborot xizmatlari - 16,9 million soʻm; aloqa - 10,91 million soʻm. Axborot va aloqa sohasida maoshlar boʻyicha etakchi hudud Toshkent boʻlib, u erda oʻrtacha koʻrsatkich 14,85 million soʻmni tashkil etdi (yildan-yilga 24,8% oʻsish). Ta'lim va sogʻliqni saqlash sohasidagi maoshlar Ta'lim sohasida eng yuqori oʻrtacha maosh oliy ta'lim muassasalarida qayd etilgan - 8,56 million soʻm, eng pasti esa maktabgacha ta'limda - 1,96 million soʻm. Texnika va kasbiy ta'limda oʻrtacha daromad 3,75 million soʻmni, umumta'lim maktablarida esa 3,58 million soʻmni tashkil etgan. Ta'lim sohasida eng yuqori oʻrtacha maosh Toshkentda (6,09 million soʻm), eng pasti esa Qashqadaryo viloyatida (3,02 million soʻm) qayd etilgan. Sogʻliqni saqlash va ijtimoiy xizmatlar sohasida ham Toshkent etakchi (4,31 million soʻm), Qashqadaryo viloyatida esa bu koʻrsatkich 2,68 million soʻmni tashkil qiladi. Manba: uz24.uz

Prezidentning qaroriga muvofiq, Toshkent shahrida ToshTech texnika universiteti tashkil etiladi. Bu haqida Zamin.uz xabar berdi. Ushbu yangi oliygoh mamlakatimizda zamonaviy muhandislik bilimlarini rivojlantirish va raqobatbardosh mutaxassislar tayyorlashda muhim ahamiyatga ega bo‘ladi. Qarorga ko‘ra, universitet akademik, moliyaviy hamda tashkiliy boshqaruv masalalarida to‘liq mustaqillikka ega bo‘ladi. Bu ta’lim jarayonini xalqaro standartlarga muvofiq tashkil etishga imkon beradi. 2025-2026 o‘quv yilidan boshlab davlat byudjeti hisobidan bir yillik tayyorlov kursi ochiladi. Ushbu kurs abituriyentlarga murakkab fanlarga tayyorlanishda yordam beradi. Keyingi yildan, ya’ni 2026-2027 o‘quv yilidan universitetda bakalavriat yo‘nalishlari faoliyat boshlaydi. Talabalar zamonaviy fanlar bo‘yicha ta’lim olish imkoniga ega bo‘ladilar. Shuningdek, 2027-2028 o‘quv yilidan magistratura va oliy ta’limdan keyingi bosqichlar ham bosqichma-bosqich joriy etiladi. Universitetda o‘qish davlat granti va to‘lov-kontrakt asosida tashkil etiladi. Darslar nafaqat o‘zbek tilida, balki xorijiy tillarda ham olib boriladi. Bu orqali talabalar xalqaro tajribaga ega bo‘lib, bilimlarini yanada kengaytirish imkoniyatiga ega bo‘ladilar. Eng muhim jihati shundaki, 2029-2030 o‘quv yiliga qadar qabul qilinadigan barcha talabalar davlat granti asosida to‘liq bepul ta’lim oladilar. Mazkur tashabbus orqali ToshTech texnika universiteti mamlakatimizdagi muhandislik va ilmiy-tadqiqot salohiyatini oshirishda, shuningdek, yoshlar uchun yangi imkoniyatlar yaratishda muhim rol o‘ynaydi (manba: zamin.uz).

O‘zbekistonda 12 yillik ta’lim tizimini joriy etish rejalashtirilmoqda. Bu haqida Zamin.uz xabar berdi. Bu haqda Maktabgacha va maktab ta’limi vaziri o‘rinbosari Sardor Rajabov ma’lum qildi. Unga ko‘ra, Prezident Shavkat Mirziyoyev ta’lim sohasiga oid taqdimot bilan tanishdi. Taqdimotda maktabgacha tayyorlov kurslarini keng joriy etish orqali 12 yillik ta’lim tizimini tashkil etish zarurligi ta’kidlandi. Ushbu tizim ta’lim sifatini oshirishga xizmat qiladi. Shuningdek, ta’lim tizimini isloh qilish, o‘qituvchilar malakasini oshirish hamda oliy ma’lumotli ustozlar ulushini ko‘paytirish masalalari muhokama qilindi. Shu bilan birga, Milliy pedagogika universiteti hamda hududiy oliy ta’lim muassasalarida pedagoglar uchun maqsadli qabul joriy etiladi. Bu orqali sohaga malakali mutaxassislarni tayyorlashga alohida e’tibor qaratiladi. O‘qituvchilar sifati va tayyorgarligini yaxshilash ta’lim sohasidagi islohotlarning asosiy yo‘nalishi bo‘ladi. Ma’lumot manbai: kursiv.media.

Sog‘liqni saqlash vazirligi tizimida yangi tayinlovlar amalga oshirildi. Bu haqida Zamin.uz xabar berdi. Vazirlikning tegishli buyrug‘iga muvofiq, Alijanov Abrorjon Alijon o‘g‘li Tibbiy yordamni tashkillashtirish departamenti boshlig‘i etib tayinlandi. U 2003-yilda Andijon davlat tibbiyot institutining bakalavriat, 2006-yilda esa magistratura bosqichlarini tamomlagan. Tayinlovdan oldin Alijanov Sog‘liqni saqlash vazirligi Nazorat inspeksiyasi boshlig‘i sifatida faoliyat yuritgan. Shuningdek, Eraliyev Umidjan Ergashovich Onalik va bolalikni muhofaza qilish boshqarmasi boshlig‘i lavozimiga tayinlandi. U 2009-yilda Toshkent pediatriya tibbiyot institutining bakalavriat, 2012-yilda Toshkent tibbiyot akademiyasining magistratura bosqichlarini bitirgan. Eraliyev tayinlovdan oldin O‘zbekiston Respublikasi Prezidenti Administratsiyasi Sog‘liqni saqlashni rivojlantirish sho‘basi bosh inspektori sifatida ishlagan. Bundan tashqari, Sultanov Davron Taxirovich Nazorat inspeksiyasi bo‘limi boshlig‘i lavozimiga tayinlandi. U 2005-yilda Toshkent davlat tibbiyot institutining bakalavriat, 2013-yilda Toshkent pediatriya tibbiyot institutining magistratura bosqichlarini tamomlagan. Tayinlovdan oldin Sultanov O‘zbekiston Respublikasi Prezidenti Administratsiyasi Ijtimoiy rivojlanish departamenti sho‘ba mudiri lavozimida faoliyat yuritgan. Manba: zamin.uz.

O‘zbekistonda oliy ta’lim muassasalari, texnikumlar va maktablarda endi rasmiy ravishda xitoy tili o‘qitila boshlaydi. Bu haqida Zamin.uz xabar berdi. Bu haqda 9-sentyabr kuni Prezident Shavkat Mirziyoyev raisligida o‘tkazilgan videoselektor yig‘ilishida ma’lum qilindi. Yig‘ilish maktabgacha va maktab ta’limi sohasidagi islohotlar hamda kelgusidagi ustuvor vazifalarga bag‘ishlangan edi. Prezident ta’kidlashicha, xitoy tilini o‘rgatish yoshlarni zamonaviy kasb-hunarlarga tayyorlash, ularga doimiy daromad manbaini yaratish va mamlakatda kambag‘allik hamda ishsizlikni kamaytirishga xizmat qiladi. Davlat rahbari yoshlarni kasb-hunarli qilish va ularning barqaror daromad topish imkoniyatini ta’minlash eng muhim vazifa ekanini qayd etdi. Agar bu jarayon to‘g‘ri tashkil etilsa, mahallalarda kambag‘al va ishsizlar soni kamayadi. Shuningdek, O‘zbekiston va Xitoy o‘rtasidagi hamkorlik doirasida energetika, geologiya, kimyo, transport, qishloq xo‘jaligi va suv resurslari sohalarida 35 milliard dollarlik istiqbolli loyihalar amalga oshirilishi rejalashtirilgan. Ushbu loyihalarda texnologiyalarni yaxshi biladigan va xitoy tilini o‘zlashtirgan minglab malakali kadrlar zarur bo‘ladi. Shu maqsadda har bir viloyatda ikki tadan “O‘zbekiston – Xitoy ustaxonasi” tashkil etilishi ko‘zda tutilmoqda. Ushbu markazlarda yoshlar xitoy tajribasi va zamonaviy texnologiyalar asosida kasb-hunarga o‘qitiladi. Hozirda oliygohlar, texnikumlar va maktablarda xitoy tilini o‘qitish uchun yuzdan ortiq til mutaxassisi va volontyorlar jalb qilinmoqda. Bu tashabbus nafaqat ta’lim tizimini rivojlantirishga, balki yirik investitsiya loyihalarini muvaffaqiyatli amalga oshirish uchun zarur bo‘lgan kadrlarni tayyorlashga xizmat qiladi. Manba: zamin.uz

Bugungi kunda aeroportda jami 40 ta jo‘natish va 43 ta kelish reyslari amalga oshirilmoqda, deb xabar berdi uzairways.com. Eng erta jo‘natish vaqti soat 01:10 da bo‘lsa, kechgi soat 23:20 da oxirgi samolyot havoga ko‘tariladi. Keluvchilar orasida eng dastlabki reys soat 00:20 da, oxirgisi esa 23:50 da amalga oshiriladi. Eng ommabop yo‘nalishlar qatorida Istanbul, Moskva (Vnukovo va Domodedovo), Frankfurt, Sochi va Ankara shaharlariga parvozlar yetakchilik qilmoqda. Keluvchi yo‘nalishlarda esa Urumchi, Olmaota, Moskva, Dehli va Novosibirsk ko‘zga tashlanadi. Bu shaharlarga tez-tez sayohat qiluvchi yo‘lovchilar diqqatida bo‘lishi muhim. Havfsiz va qulay safar uchun barcha yo‘lovchilarga aeroportga kamida ikki soat oldin kelib, zarur hujjatlarni oldindan tayyorlash tavsiya etiladi. Bu vaqt mobaynida tekshiruvlardan o‘tish va bagaj topshirish jarayonlari uchun yetarli imkoniyat yaratiladi. Shuningdek, samolyotga o‘z vaqtida chiqishni ta’minlash muhim hisoblanadi. Uchish Reys raqami Shahar Vaqt Samolyot turi 281 ISTANBUL (Istanbul International Airport) 01:10 320 9813 MOSCOW (Vnukovo) 05:15 32A 3215 MOSCOW 05:40 32N 231 FRANKFURT 05:50 789 647 SOCHI 07:05 32N 291 ANKARA 07:15 320 271 ISTANBUL (Istanbul International Airport) 07:40 763 603 MOSCOW (Domodedovo) 08:05 763 301 TEL AVIV 08:05 763 761 ALMATY 08:15 32N 333 DUBAI 08:25 787 211 RIGA 08:30 32Q 633 ST. PETERSBURG 08:35 32N 423 DELHI 08:45 788 709 MINSK 09:00 32N 705 KHABAROVSK 09:00 763 241 URGENCH 09:35 32Q 9673 IRKUTSK 09:45 32A 3223 ANTALYA 10:00 32Q 777 BISHKEK 14:20 32N 255 MILAN 15:20 789 273 ISTANBUL (Istanbul International Airport) 16:50 787 721 ASTANA 16:55 32N 613 MOSCOW (Vnukovo) 17:00 32N 601 MOSCOW (Domodedovo) 19:20 763 667 NOVOSIBIRSK 20:00 32N 765 ALMATY 20:40 320 527 TOKYO 22:05 787 511 SEOUL 22:25 788 531 BANGKOK 22:30 32Q 427 MUMBAI 23:20 32N 81 FERGANA 06:35 320 51 URGENCH 07:00 32N 15 NUKUS 07:15 32A 71 KARSHI 07:20 32N 65 TERMEZ 08:30 32N 45 SAMARKAND 13:45 32N 67 TERMEZ 18:40 320 17 NUKUS 20:00 32A 57 URGENCH 20:40 32N Kelish Reys raqami Shahar Vaqt Samolyot turi 508 URUMQI 00:30 320 766 ALMATY 00:50 32A 614 MOSCOW (Vnukovo) 02:45 789 426 DELHI 02:45 32Q 9814 MOSCOW (Vnukovo) 03:00 32A 668 NOVOSIBIRSK 03:30 32N 646 MINERALNYE VODY 03:50 32N 274 ISTANBUL (Istanbul International Airport) 04:10 763 3218 DOHA 04:40 32N 602 MOSCOW (Domodedovo) 04:45 763 204 LONDON (Gatwic) 04:50 787 504 HANGZHOU 06:00 788 632 ST. PETERSBURG 06:10 32Q 258 URGENCH 07:00 32Q 102 NEW-YORK (JFK International Airport) 09:55 787 762 ALMATY 12:25 32N 282 ISTANBUL (Istanbul International Airport) 12:30 320 512 SEOUL 13:20 789 3216 MOSCOW 14:40 32N 648 SOCHI 15:55 32N 424 DELHI 16:15 788 334 DUBAI 16:40 787 554 KUALA LUMPUR 16:40 32Q 292 ANKARA 17:25 320 604 MOSCOW (Domodedovo) 17:30 763 778 BISHKEK 18:10 32N 272 ISTANBUL (Istanbul International Airport) 19:00 763 634 ST. PETERSBURG 20:05 32N 302 TEL AVIV 20:25 763 710 MINSK 20:30 32N 9674 IRKUTSK 20:50 32A 232 FRANKFURT 20:55 789 3224 ANTALYA 21:10 32Q 722 ASTANA 21:50 32N 212 RIGA 22:00 32Q 58 URGENCH 00:20 32N 66 TERMEZ 11:50 32N 52 BUKHARA 12:10 32N 16 NUKUS 18:15 32A 68 TERMEZ 22:00 320 82 FERGANA 22:45 320 72 KARSHI 23:20 32N 18 NUKUS 23:50 32A

Yashnobod tumanida elektr tarmoqlarida ta’mirlash ishlari olib borilishi sababli elektr ta’minoti vaqtincha uzildi. Bu haqida Zamin.uz xabar berdi. Bu haqda TashkentToday xabar berdi. Elektr energiyasiz qolgan hududlar qatoriga Murabbiylar ko‘chasi, Tolarik mahallasi, Ilgor Shoh ko‘chasi, Xonarik ko‘chasi, Argin mahallasi, Tovkentepa mahallasi, Yangi Hayot mahallasi, Bahor mahallasi, Mirishkor mahallasi, Katta Bog‘ mahallasi hamda Abadiyat mahallasi kiradi. Rasmiy manbalarga ko‘ra, ta’minot soat 18:00 ga qadar to‘liq tiklanishi kutilmoqda. Ta’mirlash ishlari elektr tarmoqlarining sifatli va barqaror faoliyatini ta’minlash maqsadida amalga oshirilmoqda. Fuqarolardan vaqtinchalik noqulayliklar uchun uzr so‘raladi va ular sabr-toqat bilan vaziyatni tushunishlari so‘raladi (manba: TashkentToday).

2025-yilning yanvar-iyul oylarida O‘zbekistonga ta’lim olish maqsadida jami 10,7 ming nafar chet ellik talabalar kelgan. Bu haqida Zamin.uz xabar berdi. Bu raqam 2024-yilning mos davri bilan solishtirilganda 2 ming nafarga yoki 22,4 foizga oshgan. Milliy statistika qo‘mitasi ma’lumotlariga ko‘ra, bu o‘sish O‘zbekiston ta’lim muassasalariga xorijiy talabalar qiziqishining ortayotganidan darak beradi. Eng ko‘p talabalar Turkmanistondan bo‘lib, ularning soni 3 197 nafarni tashkil etadi. Hindistondan 2 846 nafar, Tojikistondan esa 1 246 nafar talabalar ta’lim olish uchun kelgan. Xitoydan 532 nafar, Janubiy Koreyadan 428 nafar, Pokistondan 377 nafar, Qirg‘iz Respublikasi tomonidan 286 nafar talabalar O‘zbekistonda tahsil olmoqda. Shuningdek, AQShdan 254, Afg‘onistondan 193 va Turkiyadan 181 nafar talabalar ta’lim olmoqda. Boshqa davlatlardan kelgan talabalar soni esa 1 161 nafarni tashkil etadi. Bu ma’lumotlar O‘zbekiston ta’lim tizimining xalqaro maydonda tobora e’tiborga molik bo‘layotganini ko‘rsatadi. Xorijiy talabalarning ko‘payishi mamlakatimiz oliy ta’lim muassasalarining sifat va imkoniyatlarining oshayotganidan dalolat beradi. Manba: Milliy statistika qo‘mitasi.

Hafta oxiri butun O‘zbekistonda havo keskin salqinlashadi. Bu haqida Zamin.uz xabar berdi. O‘zgidrometning ma’lum qilishicha, 12-14 sentyabr kunlari sovuq havo oqimi ta’siri davom etadi. Ayniqsa, hafta oxirida respublika bo‘ylab harorat sezilarli darajada pasayadi. Juma va shanba kunlari ko‘plab hududlarda ob-havo quruq va nisbatan iliq bo‘ladi. Harorat 30-35 daraja atrofida, ayrim joylarda esa 37-39 darajagacha ko‘tarilishi mumkin. Faqat Qoraqalpog‘iston va Xorazm viloyatlarida qisqa muddatli yomg‘ir yog‘ishi va momaqaldiroq bo‘lishi ehtimoli bor. Bu hududlarda kunduzgi harorat 20-25 darajagacha tushadi. Yakshanba kuni butun respublikada havo salqinlashadi. Kunduzgi harorat 25-30 daraja atrofida, janubiy viloyatlarda esa 33-35 darajani tashkil etadi. Shu bilan birga, 12 sentyabrda shimoliy va cho‘l hududlarida shamol kuchayishi kutilmoqda. Dam olish kunlari ayrim hududlarda shamol tezligi 13-18 metr soniyaga yetishi va chang-to‘zon ko‘tarilishi mumkin. Poytaxt Toshkentda bugun harorat 33-35 daraja iliq bo‘ladi. Shanba kuni harorat 31-33 darajaga, yakshanba kuni esa 27-29 darajagacha pasayadi. Kechasi havo 16-19 daraja atrofida saqlanadi. Sharqdan esadigan shamol ba’zan 10-12 metr soniyagacha kuchayishi mumkin. Sinoptiklarning ma’lum qilishicha, kelgusi haftaning bosh kunlarida ham sovuq havo ta’siri davom etadi. Havo harorati kechasi 10-15, kunduzi esa 20-25 daraja atrofida bo‘ladi. Ayrim viloyatlarda qisqa muddatli yomg‘ir va momaqaldiroq ham kuzatilishi mumkin. Ma’lumot manbasi: O‘zgidromet.