Rossiya terma jamoasi va Moskva “Dinamo” jamoasining sobiq futbolchisi Fyodor Smolov “oq-ko‘k” jamoasining hozirgi bosh murabbiyi Valeriy Karpin haqidagi fikrlarini bildirdi. Bu haqida Euro-football.ru xabar berdi.
Smolov Karpinga nisbatan juda ijobiy munosabatda ekanini ta’kidladi. U terma jamoada Karpin bilan ishlash imkoniga ega bo‘lganini va bu uning uchun yangi kashfiyot bo‘lganini aytdi.
Avval uning intervyularidan boshqacha taassurot uyg‘ongan bo‘lsa-da, birga ishlagach, fikri to‘liq o‘zgarganini ta’kidladi. Bu haqda u BetBoom Sports YouTube-kanalida so‘zlab berdi.
Shuningdek, Smolov agar “Dinamo” birinchi turda “Baltika”ga qarshi o‘ynagandek o‘yin uslubini davom ettirsa, jamoaning chempionlikka erishish imkoniyati bo‘lmasligini bildirdi. Valeriy Karpin iyundan beri poytaxt jamoasining bosh murabbiyi sifatida faoliyat yuritmoqda va shu bilan birga milliy terma jamoani ham boshqarib kelmoqda.
👍 0❤️ 0😂 0😢 0😡 0
