Mashhur sport agenti Aleksey Safonov “Axmat” futbol klubiga murabbiy sifatida Stanislav Cherchesov kelishi ehtimoli haqida o‘z fikrini bildirdi. Bu haqida Euro-football.ru xabar berdi.
Avvalroq Rossiya terma jamoasining sobiq bosh murabbiyi Stanislav Cherchesov Grozniy klubidan taklif bo‘lganini tasdiqlagan edi. Safonovning aytishicha, Cherchesov va Storojukning murabbiylik darajasini solishtirganda, Stanislav Salamovich ancha yuqori tajribaga ega.
U Cherchesovni kuchli murabbiy deb atab, “Agar Cherchesov rozi bo‘lsa, bu “Axmat” uchun katta yutuq bo‘ladi”, deya ta’kidladi. Safonov, shuningdek, Cherchesovning klubdagi vaziyatga ijobiy ta’sir ko‘rsatishi mumkinligini, butun respublika jamoa manfaati uchun harakat qilishini aytdi.
Uning fikriga ko‘ra, Cherchesovning yetakchilik qobiliyati va xarizmasi klubda muhim rol o‘ynashi mumkin. Ma’lumot uchun, shu hafta “Axmat” futbol klubi Aleksandr Storojuk bilan shartnomasini bekor qilganini e’lon qildi.
Storojuk boshchiligida jamoa joriy mavsumda o‘tkazilgan to‘rt o‘yinning barchasida mag‘lubiyatga uchradi. Klub hozirda yangi murabbiy izlash bilan band.
Shu sabab, Cherchesov nomzodi klub uchun dolzarb mavzu bo‘lib turibdi.
