Zidan 2026 yildan Fransiya terma jamoasini boshqaradi
Fransiya terma jamoasining sobiq futbolchisi Zinedin Zidan yaqinda o‘zining vatani jamoasini boshqarishi kutilmoqda. Bu haqida Euro-football.ru xabar berdi.
Bu haqda bir qator manbalar, jumladan, Defensa Central nashri xabar bermoqda. Zidan futbolchilik faoliyatini yakunlagach, ko‘plab yutuqlarga erishgan murabbiy sifatida Madridning mashhur “Real” jamoasini boshqargan.
Uning murabbiylik faoliyati nafaqat Ispaniyada, balki butun dunyoda e’tirof etilgan. Yaqinda bergan intervyusida Zidan murabbiylik faoliyatini vaqtincha to‘xtatganini, biroq o‘zini hali ham to‘liq murabbiy sifatida his qilayotganini ta’kidladi.
U aniq taklif kutayotganini va yangi jamoa bilan ishlashga tayyor ekanini bildirdi. RMC Sport jurnalisti Jilber Brisbuaga ko‘ra, Zidan 2026 yilgi jahon chempionatidan so‘ng Fransiya terma jamoasining hozirgi bosh murabbiyi Didye Desham o‘rnini egallashi allaqachon ma’lum bo‘lgan.
Didye Desham esa Zidan haqida iliq fikr bildirib, har ikkisi o‘rtasida doimo hurmat bo‘lishini, Zidan esa terma jamoani boshqarish uchun tabiiy va munosib nomzod ekanini aytdi. Eslatib o‘tamiz, Zidan 2021 yildan buyon hech bir jamoada ishlamagan.
Shu bois uning Fransiya terma jamoasiga bosh murabbiy etib tayinlanishi ko‘plab futbol ishqibozlari va mutaxassislar tomonidan katta qiziqish bilan kutilmoqda.
