"Liverpul" futbol klubi markaziy himoyachi Mark Gehi transferi bo‘yicha "Kristal Pelas" bilan muzokaralarni boshladi. Bu haqida Euro-football.ru xabar berdi.
Klub rahbariyati 25 yoshli futbolchini o‘z safiga qo‘shib olish niyatida. Shuningdek, "Liverpul" jamoasi "Kristal Pelas"ga Mark Gehi uchun aniq taklif yubordi.
Taklif miqdori 29 million funt sterlingni tashkil etadi, bu esa qariyb 33,5 million yevroga teng. Muzokaralar hali boshlandi va transfer oynasi yopilishiga hali ancha vaqt bor.
"Liverpul" rahbariyati bu taklif birinchi urinishda qabul qilinmasligini tushunadi, biroq ular futbolchini o‘z jamoasiga olib kelish uchun jiddiy harakat qilmoqda. Mark Gehining "Kristal Pelas" bilan tuzgan shartnomasi kelasi yil yozda yakuniga yetadi.
Shu sababli, "Kristal Pelas" futbolchini hozir sotib yuborishga qiziqmoqda. Aks holda, u kelasi mavsum oxirida jamoani erkin agent sifatida tark etishi mumkin.
Klub bu orqali moliyaviy yo‘qotishlarning oldini olishni istaydi. Muzokaralar davom etmoqda va tomonlar kelishuvga erishish uchun harakat qilmoqda.
