Rossiya Premyer-ligasi to‘rtinchi turi doirasida “Lokomotiv” o‘z maydonida “Spartak” jamoasini qabul qildi. Bu haqida Euro-football.ru xabar berdi.
Uchrashuvda “Lokomotiv” 4:2 hisobida zafar quchdi. Jamoa yarim himoyachisi Aleksey Batrakov uchta gol urib, xet-trik muallifiga aylandi.
Ushbu derbi o‘yinidan so‘ng “Krasnodar”ning sobiq hujumchisi Fyodor Smolov o‘z taassurotlari bilan o‘rtoqlashdi. U ijtimoiy tarmoqlardagi sahifasida derbini yuqori baholab, “Derbi, hurmatga loyiq.
Juda kuchli o‘yin bo‘ldi”, deya fikr bildirdi. Mazkur g‘alabadan so‘ng “Lokomotiv” jami 12 ochko to‘plab, Rossiya chempionatining turnir jadvalida yetakchilikni davom ettirmoqda.
“Spartak” esa to‘rt ochko bilan Premyer-liga jadvalida 11-o‘rinda bormoqda. Shu tariqa, “Lokomotiv” mavsumni muvaffaqiyatli boshlagan bo‘lsa, “Spartak” uchun natijalar hozircha istalganidek emas.
O‘yin futbol muxlislari va mutaxassislar tomonidan katta qiziqish bilan kuzatildi.
