Enrike: Jamoaviy yutuq “Oltin to‘p”dan muhimroq

PSJ bosh murabbiyi Luis Enrike “Oltin to‘p” mukofoti haqida o‘z fikrini bildirdi. Bu haqida Euro-football.ru xabar berdi.

Mukofot uchun asosiy da’vogar sifatida Parij jamoasining hujumchisi Usmon Dembele ko‘rilmoqda. Shu bilan birga, jamoaning o‘ng qanot himoyachisi Ashraf Hakimi ushbu sovringa aynan o‘zi munosib deb hisoblaydi.

Matbuot anjumanida Luis Enrikedan jurnalistlar Dembele va Hakimi o‘rtasida tanlov qilishni so‘rashdi. Biroq, bosh murabbiy bu borada aniq bir futbolchini ajratib ko‘rsatmadi.

Enrike o‘z so‘zida futbol avvalo jamoaviy sport turi ekanini ta’kidladi. Unga ko‘ra, muxlislar jamoa sifatida yutuqlarga erishishni kutishadi va aynan jamoaviy g‘alabalar individual sovrinlarga olib keladi.

Enrike shuningdek, o‘tgan mavsumda jamoa bir butun bo‘lib harakat qilgani va bu natijada ko‘plab yutuqlarga erishilganini qayd etdi. U shaxsiy mukofotlar jamoa uchun doimo birinchi o‘rinda emasligini aytib o‘tdi.

“Oltin to‘p” mukofotini topshirish marosimi 22 sentabr kuni bo‘lib o‘tadi.