Madridning Real jamoasida hujumkor yarim himoyachi sifatida to‘p surayotgan Arda Gyuler yozgi o‘yinlarda yangi bosh murabbiy Xabi Alonso qo‘l ostida o‘zini yaxshi namoyon qilmoqda. Bu haqida Euro-football.ru xabar berdi.
Turkiyalik futbolchi avvalgi murabbiy Karlo Anchelotti davrida asosiy tarkibga kira olmagan edi. Biroq Xabi Alonso jamoani boshqara boshlagach, 20 yoshli yosh futbolchiga ishonch bildirdi va unga imkoniyat berdi.
Gyuler Alonso boshchiligida o‘tkazilgan yetti uchrashuvda, jumladan, o‘rtoqlik o‘yinlarida ham, uchta samarali uzatma amalga oshirib, jamoa ichida eng yaxshi natijaga erishdi. Bundan tashqari, u bir marta raqib darvozasini ishg‘ol qildi.
Joriy haftada Arda Gyuler Real jamoasining Avstriyaning Tirol klubiga qarshi o‘yinida (4:0) ham yaxshi o‘yin ko‘rsatib, bitta golli uzatmani amalga oshirdi. Ma’lumot uchun, 19 avgust kuni Xabi Alonso La Liga doirasida Real jamoasi bosh murabbiyi sifatida ilk bor rasmiy o‘yinda ishtirok etadi va raqib Osasuna klubi bo‘ladi.
Shu tariqa, Real jamoasining yangi bosh murabbiyi va yosh futbolchisi kelgusi mavsumda ham yuqori natijalar ko‘rsatishi kutilmoqda.
