Napoli Fransiyalik yarim himoyachini sotib olmoqchi
Italiya klubi Napoli Fransiyaning Lans jamoasidan markaziy yarim himoyachi Endi Diyufani sotib olishni rejalashtirmoqda. Bu haqida Euro-football.ru xabar berdi.
Bu haqda taniqli futbol insayderi Fabrizio Romano xabar berdi. Manbaga ko‘ra, Napoli rasmiy taklif bilan Lans klubiga murojaat qilgan.
Italiyaliklar futbolchini 20 million yevroga sotib olishni istamoqda, biroq Lans jamoasi Diyufaning qiymatini kamida 23 million yevro deb baholamoqda. Shuningdek, 22 yoshli futbolchiga Angliya chempionatidagi bir nechta klublar ham qiziqish bildirmoqda.
O‘tgan mavsumda Endi Diyufa Lans safida 37 ta o‘yinda maydonga tushib, bitta gol urdi va bir golga uzatma berdi. Uning Lans klubidagi shartnomasi 2028 yil yozigacha amal qiladi.
Futbolchining transferi borasida muzokaralar davom etmoqda va tomonlar kelishuvga erishishga harakat qilmoqda. Napoli jamoasi yangi mavsumda jamoani kuchaytirish maqsadida markaziy yarim himoyachini qo‘lga kiritmoqchi.
