Toni Kroos, sobiq «Real» yarim himoyachisi, Madrid jamoasining yulduz hujumchilari Vinisius Junior va Kilian Mbappening himoyaga ko‘proq yordam berishi kerakligi haqida tavsiya berdi. Bu haqida Euro-football.ru xabar berdi.
Kroos fikricha, braziliyalik va fransuz futbolchilar hujum bilan birga himoyada ham faol bo‘lishlari zarur. Uning so‘zlariga ko‘ra, yaxshi futbolchilar birga o‘ynashlari mumkin va kerak, ammo ular himoyaga ham alohida e’tibor qaratishlari lozim.
Kroos uchun hujum va himoya har doim ajralmas bo‘lgan. Bu fikrlar Goal portali tomonidan Gazzetta dello Sportga tayanib keltirilgan.
Eslatib o‘tamiz, Toni Kroos o‘tgan yozda faoliyatini yakunlagan. U «Real» tarkibida o‘n mavsum davomida o‘ynagan.
Shu payshanba kuni «Real» Klub jahon chempionati yarim finalida «PSJ»ga qarshi maydonga chiqadi. Ushbu o‘yinning matnli translyatsiyasini kuzatib boring.
