Moskva “Spartak”ining sobiq himoyachisi Dmitriy Parfenov hozirgi “Real” Madrid jamoasining bosh murabbiyi Xabi Alonsoni “qaymoqli” jamoaning sobiq murabbiyi Zinedin Zidan bilan taqqosladi. Bu haqida Euro-football.ru xabar berdi.
U fransuz mutaxassisining ham o‘z vaqtida tajribasiz murabbiy sifatida jamoani boshqarganini eslatib o‘tdi, biroq bu unga ko‘plab sovrinlarni qo‘lga kiritishga to‘sqinlik qilmaganini ta’kidladi. Parfenovning fikricha, Alonsoning “Bayer” bilan chempionlik va Germaniya Kubogini qo‘lga kiritgani uning kuchli tomonlaridan biridir.
Ehtimol, jamoaga ko‘proq tajribaga ega murabbiy kerakdir. Shunga qaramay, Zidan yosh murabbiy sifatida “Real”ni boshqarib, Madridda barcha sovrinlarni yutganini yodga olish lozim.
Alonso 1 iyun kuni “Real” murabbiyi etib tayinlandi va Braziliya terma jamoasiga ketgan Karlo Anchelottining o‘rnini egalladi. Ispan mutaxassisi rahbarligida “Real” jahon klublari chempionatining finaliga chiqdi, biroq “PSJ”ga katta hisobda mag‘lub bo‘ldi.
2024/2025 yilgi mavsumda “Real” hech qanday sovrin yutolmay qoldi. Alonsoning asosiy vazifasi klubning avvalgi ulug‘vorligini qaytarishdir.
