Mars sharoitida suv o'tlari muvaffaqiyatli o'stirildi
Garvard universiteti olimlari Marsga o‘xshash sharoitlarda suv o‘tlarini muvaffaqiyatli parvarish qilishga erishdi. Bu haqida Zamin.uz xabar berdi.
Ushbu tadqiqotda iqlimshunos va planetolog Robin Vordsvort boshchilik qildi. Mutaxassislar laboratoriyada polilaktik kislota asosida, qayta tiklanadigan va to‘liq biologik parchalanadigan bioplastikdan maxsus kamera yaratdilar.
Bu kamera 3D-printer yordamida bosilib, ichki muhit Mars atmosferasiga mos keladigan tarzda tashkil etildi. Kamera ichida past bosim — Yer bosimining bir foizidan kam va yuqori karbonat angidrid darajasi mavjud bo‘ldi.
Eksperiment uchun Dunaliella tertiolecta turiga mansub suv o‘tlaridan foydalanildi. Qiyin va ekstremal sharoitlarga qaramay, suv o‘tlar nafaqat omon qoldi, balki samarali fotosintez jarayonini ham amalga oshirdi.
Bu tajriba bioplastik materiallarning kelajakda boshqa sayyoralarda ekologik toza va tirik inshootlar yaratishda muhim rol o‘ynashi mumkinligini ko‘rsatdi. Eng muhim jihati shundaki, bunday bioplastik konstruktsiyalarni joyida tayyorlash va o‘rnatish mumkin, ya’ni Yerda ishlab, uzoq masofaga tashish zarurati yo‘q.
Shuningdek, mutaxassislar izlanishlar hali davom etayotganini ta’kidlamoqda. Yerda bo‘lmagan barqaror va uzoq muddatli ekotizimlar yaratish uchun ko‘p yillar va keng qamrovli tadqiqotlar talab etiladi.
Biroq dastlabki ilmiy yutuqlar sayyoramizdan tashqarida hayot imkoniyatlarini o‘rganishda muhim qadam bo‘lishi mumkin.
