Mariya Korina Machado murakkab operatsiya bilan Norvegiyaga yetib bordi
Venesuela muxolifati yetakchisi va Tinchlik bo‘yicha Nobel mukofoti sovrindori Mariya Korina Machado mamlakatni tark etib, payshanba kuni Norvegiyaning Oslo shahriga yetib bordi. Bu haqda Zamin.uz xabar berdi.
Ushbu qochish AQSH vakillari hamda Venesuela prezidenti Nikolas Maduro rejimining ayrim a’zolari ishtirokidagi maxfiy operatsiya yordamida amalga oshirilgan. Bloomberg, Guardian, New York Times va Wall Street Journal nashrlarining xabar berishicha, 58 yoshli Machado o‘z safarini seshanba kuni boshlagan.
U noqonuniy migratsiya yo‘llaridan biri hisoblangan xavfli marshrutni tanlagan. Machado Karakasdan yashirincha chiqib ketish uchun parik va grimdan foydalangan.
U o‘n soat davomida yo‘l bosib, mamlakat shimolidagi baliqchilar qishlog‘iga yetib borgan. Qishloqdan Machado dengiz orqali Kurasao oroliga olib o‘tilgan.
Keyinchalik u biznes samolyoti yordamida AQSHning Men shtatidagi Bangor shahriga uchib, u yerdan Norvegiyaga yo‘l olgan. Karakasdan Oslogacha bo‘lgan masofa taxminan 8 850 kilometrni tashkil qilgan bo‘lib, bu yo‘l dengizdagi safar va bir nechta parvozlarni o‘z ichiga olgan.
Ushbu murakkab qochish operatsiyasi o‘nlab odamlarning yordami bilan amalga oshirilgan. Ular Machado uchun yashirin sharoitlarni yaratib, uning Venesueladan chiqib ketishiga ko‘maklashgan.
Ma’lum bo‘lishicha, Machado 2024 yildan beri yer osti harakatida yashirinib kelgan. Payshanba kuni erta tongda u Osloning markazidagi Grand Hotel mehmonxonasining balkonida ko‘rinish berdi.
Uni tarafdorlari qarsaklar bilan kutib olishdi. Machado Nobel qo‘mitasi raisi bilan telefon orqali suhbatlashib, qochish jarayonida jonini xavf ostiga qo‘ygan barcha odamlarga minnatdorchilik bildirdi.
Ushbu qochish AQSH vakillari hamda Venesuela prezidenti Nikolas Maduro rejimining ayrim a’zolari ishtirokidagi maxfiy operatsiya yordamida amalga oshirilgan. Bloomberg, Guardian, New York Times va Wall Street Journal nashrlarining xabar berishicha, 58 yoshli Machado o‘z safarini seshanba kuni boshlagan.
U noqonuniy migratsiya yo‘llaridan biri hisoblangan xavfli marshrutni tanlagan. Machado Karakasdan yashirincha chiqib ketish uchun parik va grimdan foydalangan.
U o‘n soat davomida yo‘l bosib, mamlakat shimolidagi baliqchilar qishlog‘iga yetib borgan. Qishloqdan Machado dengiz orqali Kurasao oroliga olib o‘tilgan.
Keyinchalik u biznes samolyoti yordamida AQSHning Men shtatidagi Bangor shahriga uchib, u yerdan Norvegiyaga yo‘l olgan. Karakasdan Oslogacha bo‘lgan masofa taxminan 8 850 kilometrni tashkil qilgan bo‘lib, bu yo‘l dengizdagi safar va bir nechta parvozlarni o‘z ichiga olgan.
Ushbu murakkab qochish operatsiyasi o‘nlab odamlarning yordami bilan amalga oshirilgan. Ular Machado uchun yashirin sharoitlarni yaratib, uning Venesueladan chiqib ketishiga ko‘maklashgan.
Ma’lum bo‘lishicha, Machado 2024 yildan beri yer osti harakatida yashirinib kelgan. Payshanba kuni erta tongda u Osloning markazidagi Grand Hotel mehmonxonasining balkonida ko‘rinish berdi.
Uni tarafdorlari qarsaklar bilan kutib olishdi. Machado Nobel qo‘mitasi raisi bilan telefon orqali suhbatlashib, qochish jarayonida jonini xavf ostiga qo‘ygan barcha odamlarga minnatdorchilik bildirdi.
