O‘zbekiston yangiliklari

O‘zbekiston – qadimiy madaniyati va tarixiy yodgorliklari bilan mashhur yurt. Ammo bu go‘zal diyorimizda hali ko‘pchilikka noma’lum, chinakam tabiat mo‘jizalari yashirin. Bugun sizni, sayohatchilar va tabiat ixlosmandlari, aynan shunday kam tanilgan go‘zalliklar bilan tanishtirmoqchimiz. 1. Qizilqum cho‘lining sirli mo‘jizasi — Aydar ko‘li Samarqanddan uzoqda, keng cho‘l o‘rtasida joylashgan Aydar ko‘li – O‘zbekistonning eng sirli va hayratlanarli joylaridan biri. Suvining tiniq ko‘k rangi, atrofdagi cho‘l manzarasi bilan bu ko‘l sayohatchilar uchun haqiqiy kashfiyotdir. 2. Chorvoq sohillaridagi yashirin bag‘ri Chorvoq suv ombori ortida esa tabiatning butun rang-barangligi yashiringan. Toza havo, tog‘lar, shaffof suvlar va sokinlik — bu yerda siz shahar shovqinidan uzoqda, haqiqiy dam olishingiz mumkin. 3. Zarafshon vodiysining kam ma’lum burchaklari O‘zbekistondagi bu vodiyning ba’zi qismari hali ham sayyohlar tomonidan kam kashf qilingan. Tog‘ va daryo manzaralari, qadimiy qishloqlar va samimiy odamlar sizni kutmoqda. Shu kabi joylarni kashf qilish — yangi his-tuyg‘ular va yodda qolarli xotiralar orttirishning ajoyib usuli. O‘zbekistonning kam tanilgan tabiat go‘zalliklarini kashf eting, ularga mehr bilan qarang va doimo yuragingizda saqlang!

O‘zbekistonda iqtidorli yosh avlodni qo‘llab-quvvatlash maqsadida muhim tashabbusga asos solindi — “Prezident iqtidorli farzandlari” dasturi doirasida Al-Beruniy nomidagi xalqaro maktab-internat tashkil etiladi. Bu haqda Prezident farmonida alohida ta’kidlangan. Xalqaro standartga mos ta’lim Yangi maktab 2025–2026 o‘quv yilidan o‘z faoliyatini boshlaydi va o‘quvchilarni nafaqat davlat namunasidagi shahodatnoma, balki International Baccalaureate (IB) — yetakchi xorijiy universitetlarga kirishda xalqaro e’tirof etiluvchi diplom bilan ta’minlaydi. Individual yondashuv va zamonaviy ta’lim formati Maktabdagi ta’lim jarayoni har bir bola ehtiyoji va qobiliyatiga qarab olib boriladi. Buni amalga oshirish uchun “1 pedagog — 15 o‘quvchi” va “1 maslahatchi — 8 o‘quvchi” tartibi joriy qilinadi. Bunday format har bir o‘quvchi bilan samarali ishlash, uning shaxsiy rivojlanishini qo‘llab-quvvatlashga xizmat qiladi. Bir nechta til — keng imkoniyat Ingliz tilidan tashqari, o‘quvchilarga kamida yana bir xorijiy tilni o‘zlashtirish imkoni beriladi. Bu esa ularning xalqaro maydonda raqobatbardosh bo‘lishiga xizmat qiladi. Cheklangan, ammo sifatli qabul Maktabda davlat budjeti hisobidan ta’lim oladigan o‘quvchilar soni cheklangan — 180 nafar. Bu raqam orqali sifat va individual yondashuv asosida yuqori natijalarga erishish maqsad qilingan. Ilmiy loyihalar va startaplarga tayyorgarlik Yoshlar uchun faqat nazariy bilim emas, balki amaliyotdagi faoliyat ham muhim. Shunday ekan, maktab o‘quvchilariga tadqiqot ishlari, innovatsion startaplar va ijtimoiy loyihalarni amalga oshirishda portfolio shakllantirish bo‘yicha to‘liq ko‘mak ko‘rsatiladi. Zamin.uz tahririyatidan: Al-Beruniy maktabining tashkil etilishi O‘zbekiston ta’lim sohasidagi yangi bosqichni boshlab berishi mumkin. Bu yerda rivojlanuvchi avlodning ilmiy salohiyati, xalqaro bilimga bo‘lgan ehtiyojlari va ijtimoiy faolligini rivojlantirish uchun mustahkam platforma yaratiladi. Siz bu loyihaga qanday baho berasiz? Siz yoki farzandingiz bunday imkoniyatdan foydalanishni xohlarmidingiz?

“Prezident iqtidorli farzandlari” tashabbusini amalga oshirish chora-tadbirlari to‘g‘risida”gi prezident farmoni qabul qilindi. Farmonni qabul qilishdan ko‘zlangan asosiy maqsadlar etib quyidagilar belgilandi, jumladan: iqtidorli yoshlarni barvaqt aniqlash va ularni har tomonlama qo‘llab-quvvatlash orqali mamlakatda inson kapitalini rivojlantirish; yoshlar bilan manzilli ishlash orqali global mehnat bozorida raqobatbardosh bo‘lgan mutaxassislar tayyorlash hamda mamlakat taraqqiyoti uchun yangi innovatsion imkoniyatlar yaratish. Farmonga ko‘ra, “Prezident iqtidorli farzandlari” tashabbusi va uni qo‘llab-quvvatlash bo‘yicha milliy dastur amalga oshiriladi. Ixtisoslashtirilgan ta’lim muassasalari agentligi tizimida Al-Beruniy nomidagi xalqaro maktab-internatni tashkil etiladi. Shuningdek, Iqtidorli yoshlarni qo‘llab-quvvatlash hamjamiyati faoliyati yo‘lga qo‘yiladi.

O‘zbekiston prezidenti Shavkat Mirziyoyevning turizmni rivojlantirishga qaratilgan navbatdagi muhim tashabbusi mamlakatning xalqaro ochiqlik va sayohat imkoniyatlarini yanada kengaytirishi mumkin. Davlat rahbari “2025–2026 yillarda sayyohlar oqimini keskin oshirish va turistik xizmatlar ko‘lamini kengaytirish chora-tadbirlari to‘g‘risida”gi farmonni imzoladi. AQSH fuqarolariga vizasiz kirish — muzokaralar boshlanadi Farmonda Tashqi ishlar vazirligiga aniq vazifa yuklatilgan: uch oy muddatda AQSH fuqarolari uchun O‘zbekistonga 30 kunlik vizasiz sayohat imkonini yaratish masalasida muzokaralar o‘tkazish. Shu bilan birga, o‘zbekistonliklar uchun Amerika vizasini olish tartibini yengillashtirish borasida ham kelishuvga erishish ko‘zda tutilgan. Bu ikki davlat o‘rtasidagi turizm, ta’lim va biznes aloqalarini kuchaytirishga xizmat qilishi mumkin. Qo‘shnilar uchun yanada osonroq sayohat Hujjatga ko‘ra, Rossiya, Qozog‘iston va Ozarbayjon fuqarolari endi O‘zbekistonga ID-karta yoki “kinder pasport” orqali vizasiz sayohat qilishi mumkin bo‘ladi. Bu rejim 30 kungacha amal qiladi va hatto 16 yoshga to‘lmagan bolalar uchun ham qulaylik yaratadi. Yana uch davlatga vizasiz rejim 2025 yil 1 iyundan Bahrayn, Kuvayt va Ummon fuqarolari uchun ham 30 kunlik vizasiz safar imkoni yaratiladi. Bu qadam O‘zbekistonning Yaqin Sharq bilan turizm sohasidagi aloqalarini faollashtirish maqsadida amalga oshiriladi. Xitoy bilan vizasiz rejim ham ishga tushadi Shuningdek, 1 iyundan boshlab O‘zbekiston va Xitoy o‘rtasida o‘zaro vizasiz safar rejimini amalga oshirish boshlanadi. Ikki davlat fuqarolari 30 kungacha vizasiz safar qilishi mumkin. Zamin.uz tahririyatidan: O‘zbekiston turizm siyosatida yangi bosqich boshlanmoqda. Vizalarni yengillashtirish faqat xorijliklarni jalb etish emas, balki yurtdoshlarimiz uchun ham ko‘proq imkoniyat va dunyo bilan yaqinlashuvni anglatadi. Siz viza rejimlaridagi o‘zgarishlarni qanday baholaysiz? Bu qadamlar O‘zbekiston turizmini haqiqatan ham “yangi bosqich”ga olib chiqadimi?

O‘zbekiston va Vengriya o‘rtasida Kengaytirilgan strategik sheriklik munosabatlarini o‘rnatish to‘g‘risidagi qo‘shma deklaratsiya imzolandi. Budapesht shahrida bo‘lib o‘tgan muzokaralar yakunida O‘zbekiston Respublikasi Prezidenti Shavkat Mirziyoyev va Vengriya Bosh vaziri Viktor Orban Kengaytirilgan strategik sheriklik munosabatlarini o‘rnatish to‘g‘risidagi qo‘shma deklaratsiyani imzoladilar. Shuningdek, yetakchilar huzurida qabul qilingan qator hukumatlararo va idoralararo hujjatlar, jumladan, Ekstraditsiya to‘g‘risidagi shartnoma, Iqlim o‘zgarishi sohasida hamkorlik to‘g‘risidagi bitim, tabiiy ofatlarni boshqarish, ilm-fan va innovatsiyalar, tinch atom sohasida hamkorlik to‘g‘risidagi idoralararo kelishuvlar almashildi.

Budapeshtdagi «Karmelita» saroyida O‘zbekiston prezidenti Shavkat Mirziyoyev va Vengriya bosh vaziri Viktor Orbanning tor doiradagi va rasmiy delegatsiyalar ishtirokidagi muzokaralari bo‘lib o‘tdi. Muzokaralarda O‘zbekiston-Vengriya strategik sheriklik va ko‘p qirrali hamkorlik munosabatlarini yanada mustahkamlash masalalari ko‘rib chiqildi. Amaliy hamkorlik barcha yo‘nalishlarda izchil rivojlanib borayotgani mamnuniyat bilan qayd etildi. Parlamentlar, hukumatlar, idora va hududlar darajasida samarali aloqalar yo‘lga qo‘yilgan. BMT, Turkiy davlatlar tashkiloti va boshqa xalqaro tuzilmalar doirasida yaqin hamkorlik qilinmoqda. O‘zaro savdo hajmi ortmoqda, iqtisodiyotning turli tarmoqlarida yetakchi korxonalarning kooperatsiyasi kuchaymoqda. Tovar ayirboshlash hajmini, shu jumladan import o‘rnini bosish va "GSP+" maqomi hisobiga birinchi bosqichda 500 million yevroga yetkazish muhimligi qayd etildi. Shu maqsadda laboratoriyalar Yevropa Ittifoqi talablariga muvofiq akkreditatsiyadan o‘tkaziladi, tovarlarni oldindan sertifikatlash dasturi va eksport qiluvchi kompaniyalarga ko‘maklashish bo‘yicha qo‘shma platforma ishga tushiriladi. Bugungi kunda qo‘shma investitsiya loyihalari portfeli 500 million dollarni tashkil etadi. Bu galgi tashrif uchun yana 1,5 milliard yevrolik yangi loyihalar tayyorlangan. Vengriyaning “OTP” banki O‘zbekiston moliya bozoriga chiqqani Vengriya va Yevropa biznesi uchun kuchli rag‘bat bo‘lgani ta’kidlandi. Bank bilan moliyalashtirish vositalarini kengaytirish bo‘yicha kelishuvga erishildi. Avtokreditlashni rivojlantirish uchun qo‘shma kompaniya tashkil etish va biznesni qo‘llab-quvvatlash dasturini ishga tushirish shular jumlasidan. Sirdaryo viloyatida parrandachilik klasterini tashkil etish ham faol bosqichda. Ertalab ishbilarmon doiralar vakillari bilan bo‘lib o‘tgan uchrashuvda transport infratuzilmasini modernizatsiya qilish, avtomobil yo‘llari va logistika markazlarini qurish, kommunal tarmoqlarni rivojlantirish, tayyor to‘qimachilik mahsulotlari, qurilish materiallari, kimyoviy tovarlar, farmatsevtika mahsulotlari ishlab chiqarish, raqamli texnologiyalar, baliqchilik kabi sohalarda yangi loyihalarni amalga oshirish bo‘yicha kelishuvlarga erishildi. Bunday ishlab chiqarishlarni O‘zbekistonda joylashtirish uchun Vengriyaning "Inpark" operatori boshqaruvida Yevropa kompaniyalari uchun maxsus sanoat zonasi tashkil etilayotgani ta’kidlandi. Umuman, shu yil iyul oyida Budapesht shahrida bo‘lib o‘tadigan Hukumatlararo komissiyaning navbatdagi yig‘ilishida Investitsiyaviy sheriklik dasturini tayyorlash va qabul qilishga kelishildi. Shuningdek, O‘zbekiston-Vengriya Ishbilarmonlar kengashi faoliyatini qayta tiklash va yaqin fursatda uning navbatdagi yig‘ilishini biznes vakillarining keng ishtirokida o‘tkazish taklif etildi. O‘tgan yil oktyabr oyida Qo‘qon shahrida o‘tgan birinchi Hududlar forumining samarali natijalari mamnuniyat bilan qayd etildi. Hududlararo aloqalarni rag‘batlantirish maqsadida Vengriyada ikkinchi forumga puxta tayyorgarlik ko‘rish yuzasidan kelishuvga erishildi. Ishbilarmonlik, turizm va madaniy almashinuvlarni faollashtirish maqsadida ikki mamlakat o‘rtasida to‘g‘ridan to‘g‘ri aviaqatnovlarni rivojlantirish masalalari ham ko‘rib chiqildi. Madaniy-gumanitar sohadagi amaliy hamkorlikni kengaytirishga alohida e’tibor qaratildi. O‘tgan yilning oktyabr oyida Lakitelek shahrida buyuk shoir Alisher Navoiy byusti ochildi. Joriy yilning yanvar oyida Budapeshtda O‘zbek kinosi kunlari o‘tkazildi. Kelgusi yilni O‘zbekiston va Vengriya madaniyati yili deb e’lon qilish taklifi bildirildi. Vengriya davlat opera teatri sahnasida "Lazgi" baletini sahnalashtirish va Budapeshtdagi Etnografiya muzeyida o‘zbek madaniyati ko‘rgazmasini o‘tkazishga tayyorgarlik ko‘rilmoqda. Ta’lim almashinuvi bo‘yicha "Stipendium Hungaricum" dasturi doirasidagi hamkorlik davom ettiriladi. Shuningdek, ikki mamlakatda tan olinadigan diplomlar berish tizimini joriy etish va mamlakatimizda Vengriya oliy ta’lim muassasalarining filiallarini tashkil etish imkoniyatlari ko‘rib chiqildi. Shu ma’noda, joriy yilda Toshkent shahrida O‘zbekiston va Vengriya rektorlarining uchinchin forumini o‘tkazish taklif qilindi. Yetakchilar xalqaro va mintaqaviy ahamiyatga molik dolzarb masalalar yuzasidan fikr almashdilar. Terrorizm, ekstremizm, narkotik moddalarning noqonuniy aylanmasi, odam savdosi va xavfsizlikka tahdid solayotgan boshqa zamonaviy xatarlarga qarshi kurashish borasidagi hamkorlikni davom ettirish muhim ekani ta’kidlandi. Erishilgan kelishuvlar ijrosi ustidan nazorat o‘rnatish maqsadida mutasaddi vazirliklarga qo‘shma "yo‘l xaritasi"ni tayyorlash topshirildi. Uchrashuv yakunida Shavkat Mirziyoyev bosh vazir Viktor Orbanni javob tashrifi bilan O‘zbekistonga taklif etdi.

O‘zbekistonda fuqarolar va tadbirkorlarning davlat xizmatlari bilan bog‘liq nizolarini tezkor va shaffof ko‘rib chiqish imkonini beradigan yangi tizim joriy qilindi. Prezident farmoniga asosan, huquqiy eksperiment tariqasida ma’muriy hujjatlarga oid shikoyatlarni sudgacha ko‘rib chiqish tartibi amaliyotga kiritildi. Apellyatsiya kengashi — yangi bosqichdagi adolat Endilikda fuqarolar yoki tadbirkorlar davlat xizmatini olishda qabul qilingan qarordan norozi bo‘lsa, sudgacha murojaat qilish imkoniga ega. Buning uchun Adliya vazirligi va Toshkent shahar adliya boshqarmasi huzurida faoliyat yurituvchi Apellyatsiya kengashlari tuzildi. Ular yuridik shaxs maqomiga ega bo‘lmagan, mustaqil kollegial organ sifatida faoliyat yuritadi. Nima ko‘rib chiqiladi va qanday qaror qabul qilinadi? Kengashlar 20 dan ortiq turdagi davlat xizmatlari bilan bog‘liq ma’muriy hujjatlarni qonuniylik nuqtayi nazaridan tahlil qiladi. Ular quyidagi qarorlardan birini qabul qila oladi: hujjatni o‘zgartirmasdan kuchda qoldirish; hujjatga o‘zgartirish kiritish bo‘yicha vakolatli organga majburiyat yuklash; hujjatni qisman yoki to‘liq bekor qilish va arizani qayta ko‘rib chiqishni talab qilish. Ariza berish oson va bepul Fuqarolar Davlat xizmatlari markazlari yoki my.gov.uz portali orqali shikoyat yuborishlari mumkin. Bunda ariza berish uchun alohida to‘lov talab etilmaydi. Apellyatsiyaga murojaat qilish ixtiyoriy bo‘lib, fuqarolarning to‘g‘ridan to‘g‘ri sudga murojaat qilish huquqiga cheklov qo‘yilmaydi. E-qaror orqali shaffoflik Kengashlar qabul qilgan qarorlar 3 ish kuni ichida “E-qaror” elektron tizimida joylashtiriladi. Bu qarorlar davlat organlari uchun majburiy hisoblanadi. Fuqarolar esa shaxsiy kabinetlari orqali o‘zlariga taalluqli qaror bilan tanishish imkoniga ega bo‘ladilar. Adolat sari qadam Ushbu tizim davlat xizmatlari bilan bog‘liq byurokratiya va adolatsizliklarga qarshi samarali mexanizm sifatida xizmat qilishi kutilmoqda. Fuqarolarning murojaatlari bepul, tezkor va qonun doirasida hal etilishi — davlat xizmatlariga ishonchni yanada mustahkamlaydi. Zamin.uz tahririyati mazkur tizimning amaliyotda qanday samara berayotganini kuzatib boradi. Siz bu tartibni qanday baholaysiz? Yagona portal orqali shikoyat berish oson bo‘ladimi?

SSV matbuot xizmati ushbu savolga Sog‘liqni saqlash vazirligi bo‘lim boshlig‘i Shahobiddin Gulyamovdan javob oldi. — Xalq tabobati ixtisosligi bo‘yicha tibbiy faoliyatga litsenziya berish Vazirlar Mahkamasining 2022 yil 21 fevraldagi 80-sonli qarori bilan tasdiqlangan «Maxsus elektron tizim orqali ayrim faoliyat turlarini litsenziyalash tartibi to‘g‘risida»gi yagona Nizom talablari asosida amalga oshiriladi, — deydi Sh.Gulyamov. — Ushbu litsenziya Sog‘liqni saqlash vazirligi tomonidan faqat yuridik shaxslar uchun beriladi. Buning uchun yuridik shaxs o‘z elektron raqamli imzosi (ERI) yordamida «Litsenziya» axborot tizimi (license.gov.uz) orqali elektron shaklda ariza yuboradi. Ariza 30 kun muddatda ko‘rib chiqilib, uning uchun to‘lanadigan yig‘im bazaviy hisoblash miqdorining 2 baravarini tashkil etadi. Shuningdek, litsenziya berilgani uchun bazaviy hisoblash miqdorining 5 baravari miqdorida davlat boji to‘lanadi. Tibbiy faoliyatga litsenziya olish uchun quyidagilar talab etiladi: vrach mutaxassis — oliy tibbiy ma’lumotga, xalq tabobati ixtisosligi bo‘yicha amaldagi malaka toifasiga hamda so‘nggi besh yil ichida malaka oshirgani to‘g‘risidagi hujjatga ega bo‘lishi (tibbiy ma’lumoti bo‘lmagan mutaxassislar uchun Respublika xalq tabobati ilmiy-amaliy markazi tomonidan xalq tabobati bo‘yicha o‘quv kursini tugatgani bo‘yicha berilgan guvohnoma) ega bo‘lishi; tibbiyot xodimida — sterilizatsiya uskunasida ishlash bo‘yicha o‘quvdan o‘tganini tasdiqlovchi hujjat (agar sterilizatsiya talab etilsa); mulk huquqi yoki boshqa ashyoviy huquq bilan tegishli bo‘lgan, sanitariya qoidalari, normalari va gigiyena normativlariga mos litsenziyalangan faoliyat turini amalga oshirishga mo‘ljallangan xonalar; mulk huquqi yoki boshqa ashyoviy huquq bilan tegishli bo‘lgan, belgilangan metrologik va texnika xavfsizligi me’yorlariga mos uskunalar hamda boshqa texnika vositalari. Amaldagi qonunchilikka muvofiq, tibbiy ma’lumotga ega bo‘lmagan shaxslar ham xalq tabobati bo‘yicha tibbiy faoliyat yuritishi mumkin. Buning uchun ular Respublika xalq tabobati ilmiy-amaliy markazida tegishli o‘quv kursini tamomlab, maxsus guvohnoma olishi hamda yuridik shaxs tashkil etib, xalq tabobati ixtisosligi bo‘yicha tibbiy faoliyatga litsenziya olishi talab etiladi. Shuningdek, litsenziya olmoqchi bo‘lgan yuridik shaxsda mavjud bo‘lishi talab etiladigan tibbiy asbob-uskunalar ro‘yxati Adliya vazirligida 2017 yil 28 iyulda 2905-son bilan ro‘yxatdan o‘tkazilgan talablarning 54 prim-1 va prim-2-bandlari bilan belgilangan. Ushbu faoliyatga litsenziya olishda Sanitariya-epidemiologik osoyishtalik va jamoat salomatligi qo‘mitasi, Favqulodda vaziyatlar hamda Ekologiya, atrof-muhitni muhofaza qilish va iqlim o‘zgarishi vazirliklarining hududiy boshqarmalari bilan kelishish talab etiladi. Ma’lumot uchun, hozirgi kunga qadar 131 ta yuridik shaxs Sog‘liqni saqlash vazirligidan xalq tabobati ixtisosligi bo‘yicha tibbiy faoliyatga litsenziya olgan.

Prezident Shavkat Mirziyoyevning Budapeshtga rasmiy tashrifi 20 may kuni Vengriyaning yirik kompaniya va banklari rahbarlari bilan uchrashuvdan boshlandi. Vengriya tomonidan “OTP Bank”, “BDPST Group”, “4iG”, “Indotek”, “MVM”, “Duna Group”, “MOL Group”, “H2O Consortium”, “Inpark”, “Wizz Air” va boshqa ko‘plab kompaniyalarning top-menejerlari va ta’sischilari ishtirok etdi. Davlat rahbari o‘z nutqida rasmiy tashrif Vengriya ishbilarmonlari bilan uchrashuvdan boshlanayotgani ramziy ma’noga ega ekanini ta’kidladi. Vengriyaning O‘zbekiston iqtisodiyotiga to‘g‘ridan to‘g‘ri investitsiyalari jadal o‘sib borayotgani mamnuniyat bilan qayd etildi. Masalan, “OTP Bank” O‘zbekistonning yirik banklaridan birini sotib olib, mamlakatimiz moliya bozorida barqaror o‘rin egalladi. Kompaniyaning avtokreditlashni rivojlantirish uchun qo‘shma kompaniya tashkil etish, biznesni moliyalashtirish dasturini yo‘lga qo‘yish, yirik parrandachilik klasterini qurish bo‘yicha yangi rejalari qo‘llab-quvvatlandi. Sanoat kooperatsiyasini kengaytirish va ilg‘or texnologiyalar transferini rag‘batlantirish maqsadida Toshkent viloyatida Yevropa kompaniyalari uchun maxsus sanoat zonasi tashkil etilmoqda. Ushbu hududni boshqarish Vengriyaning “Inpark” operatoriga beriladi. Prezident iqtisodiy sheriklikni kengaytirish maqsadida qator ustuvor yo‘nalishlarni ko‘rsatib o‘tdi. Qo‘shma loyihalarni birgalikda moliyalashtirish va tayyor mahsulotlarni uchinchi mamlakatlarning istiqbolli bozorlariga eksport qilishni qo‘llab-quvvatlash shular jumlasidan. Transport jihatidan o‘zaro bog‘liqlikni kuchaytirish, xususan, yuk tashishni ko‘paytirish va ikki mamlakat o‘rtasida to‘g‘ridan to‘g‘ri aviaqatnovlarni rivojlantirish muhimligi ta’kidlandi. Davlat rahbari Vengriya kompaniyalarining qo‘shma loyihalarni amalga oshirishga qiziqishini yuksak baholadi. O‘z navbatida, biznes vakillari hamkorlikni kengaytirish bo‘yicha taklif va rejalarini bildirdi. Uchrashuvda transport va yo‘l infratuzilmasini modernizatsiya qilish, logistika markazlari va kommunal tarmoqlarni barpo etish, qurilish materiallari, tayyor to‘qimachilik, kimyo, farmatsevtika mahsulotlari ishlab chiqarish kabi yo‘nalishlarda yangi loyihalarni amalga oshirish bo‘yicha kelishuvlarga erishildi. So‘zining yakunida davlat rahbari bunday uchrashuvlarni muntazam o‘tkazib borishni taklif etdi. - Biz mamlakatlarimiz ishbilarmon doiralari o‘rtasidagi mustahkam aloqalarni rivojlantirish uchun barcha sharoitlarni yaratamiz, - dedi Shavkat Mirziyoyev. Tadbir yakunida davlat rahbari huzurida ustuvor investitsiya loyihalarini amalga oshirish bo‘yicha bitimlar almashish marosimi bo‘ldi.

O‘zbekistonda odam savdosiga qarshi kurashni yanada kuchaytirish maqsadida jinoiy javobgarlik bo‘yicha muhim o‘zgarishlar amalga oshirildi. 2024 yil 19 may kuni Prezident tomonidan imzolangan va rasman e’lon qilingan qonunga ko‘ra, Jinoyat kodeksining 135-moddasiga (odam savdosi) jiddiy o‘zgartirishlar kiritildi. Yangi tartibga asosan, agar odam savdosi qalbaki hujjatlardan foydalangan holda, jabrlanuvchining shaxsiy hujjatlarini yashirish, olib qo‘yish yoki yo‘q qilish orqali amalga oshirilsa, aybdor shaxs 5 yildan 10 yilgacha ozodlikdan mahrum etiladi. Ilgari bunday holat uchun 5–8 yillik qamoq jazosi belgilangan edi. Qonun yana bir muhim jihatni qamrab oldi: agar bu jinoyat oqibatida jabrlanuvchining o‘limi yoki boshqa og‘ir oqibatlar kelib chiqsa, aybdor shaxsga 10 yildan 15 yilgacha ozodlikdan mahrum qilish jazosi qo‘llaniladi. Ilgari bunday holatlar uchun 8–12 yillik qamoq jazosi belgilangan edi. Qonun 2024 yil 17 sentyabrda Qonunchilik palatasida qabul qilinib, 21 dekabrda Senat tomonidan ma’qullangan va 19 may kuni Prezident imzolaganidan so‘ng rasmiy e’lon qilingan kundan e’tiboran kuchga kirdi. Zamin.uz tahririyati odam savdosiga qarshi huquqiy kurash mexanizmlarining takomillashtirilishi bo‘yicha yangiliklarni yoritishda davom etadi. Siz bu qat’iy choralar odam savdosi kabi og‘ir jinoyatlarga to‘siq bo‘ladi, deb o‘ylaysizmi?

O‘zbekistonda turizm infratuzilmasini yanada rivojlantirish, ichki va tashqi sayyohlar oqimini oshirish maqsadida davlat tomonidan yana bir muhim qadam qo‘yildi — modulli mehmonxonalarni qurishga ajratiladigan subsidiyalar miqdori sezilarli darajada ko‘paytirildi. Bu prezidentning “2025–2026 yillarda sayyohlar oqimini keskin ko‘paytirish va turistik xizmatlar ko‘lamini jadal kengaytirish orqali turizmning iqtisodiyotdagi o‘rni va ahamiyatini oshirish chora-tadbirlari to‘g‘risida”gi farmonida belgilandi. Modulli mehmonxonalarga 1 martalik subsidiyalar: 2027 yil 1 yanvargacha kamida 10 ta moduldan iborat mehmonxonalarga quyidagi miqdorlarda davlat tomonidan yordam ko‘rsatiladi: - I toifa uchun – har bir joyga 10 mln so‘m; - II toifa uchun – har bir joyga 7 mln so‘m; - III toifa uchun – har bir joyga 5 mln so‘m. Eslatib o‘tamiz, avvalgi hujjatga ko‘ra, 2026 yil 1 noyabrgacha barcha toifalar uchun yagona tartibda har bir joyga 1 mln so‘m subsidiya ajratilishi belgilangan edi. Yangi farmonda bu me’yorlar sezilarli darajada kengaytirildi. Tibbiy turizmga ham jiddiy e’tibor 2028 yil 1 yanvargacha tibbiy turizm klasterlari xodimlarining malaka oshirish xarajatlari bir qismini davlat qoplab beradi. 2030 yilgacha ushbu klasterlar xizmatlari xalqaro turizm va tibbiyot ko‘rgazmalarida faol targ‘ib qilinadi. Yangi platformalar va g‘oliblar uchun sayohat 2025 yildan boshlab barcha davlat elektron tizimlari Milliy turizm yagona platformasi doirasida birlashtiriladi. Samarqand shahrida “Ipak yo‘lida turizm” nomli tematik ofis ochiladi. Yoshlar o‘rtasidagi sport musobaqalari g‘oliblari “O‘zbekiston bo‘ylab sayohat” yo‘llanmalari bilan rag‘batlantiriladi. Zamin.uz tahririyatidan: Ushbu farmon O‘zbekistonda turizmni keng qamrovli islohotlar yo‘liga olib chiqishda muhim rol o‘ynaydi. Mehmonxona infratuzilmasini kuchaytirish, tibbiy turizmni ommalashtirish va yoshlar sayohatini rag‘batlantirish orqali mamlakat sayyohlar uchun yanada jozibador markazga aylanishi mumkin. Siz qanday o‘ylaysiz, modulli mehmonxonalar turizm tarmog‘iga qanday samara beradi?

O‘zbekistonda turizm salohiyatini to‘liq ishga solish, sohaning iqtisodiyotdagi ulushini keskin oshirishga qaratilgan “2025–2026 yillarda sayyohlar oqimini keskin ko‘paytirish va turistik xizmatlar ko‘lamini jadal kengaytirish orqali turizmning iqtisodiyotdagi o‘rni va ahamiyatini oshirish chora-tadbirlari to‘g‘risida”gi prezident farmoni qabul qilindi. Farmonga muvofiq, 2025 yil yakuniga qadar turizm sohasi uchun asosiy maqsadli ko‘rsatkichlar etib quyidagilar belgilandi: Respublika hududlariga 15,8 million nafar xorijiy turistni jalb qilish, turizm xizmatlari eksportini 4 milliard AQSH dollariga yetkazish; Ichki turizm orqali 40 million mahalliy sayyohning hududlarga safarlarini tashkil etish; Qo‘shimcha 378 ta turoperator faoliyatini yo‘lga qo‘yish. Yangi vizasiz rejim 2025 yil 1 iyundan boshlab Bahrayn Qirolligi, Kuvayt Davlati va Ummon Sultonligi fuqarolari O‘zbekistonga kelgan paytdan boshlab 30 kunlik muddatda vizasiz tartibda sayohat qilishi mumkin bo‘ladi. Bu yangi qadam qo‘shni va arab mamlakatlari bilan turizm aloqalarini yanada faollashtirishi kutilmoqda. Sayohatni rag‘batlantirish uchun yangi tashabbuslar Shuningdek, farmonda turizmni rag‘batlantirish va ommalashtirish maqsadida bir qancha muhim tashabbuslar belgilandi: Har yili 30 noyabrga qadar kelgusi yil uchun turizmni rivojlantirishga doir hududiy dasturlar ishlab chiqiladi; Har yili noyabr oyining 3-haftasida Xalqaro turizm haftaligi o‘tkaziladi; 2025 yil iyun oyidan e’tiboran har oyning ikkinchi shanba va yakshanba kunlari “Oila va jamoa bilan sayohatga chiqish kuni” sifatida belgilanadi va “O‘zbekiston bo‘ylab sayohat qil!” dasturi doirasida amalga oshiriladi. Zamin.uz tahririyatidan: Ushbu farmon nafaqat turizm salohiyatini rivojlantirish, balki aholi orasida madaniyat va sayohatni ommalashtirishda ham muhim qadam bo‘lishi kutilmoqda. Siz ushbu tashabbuslarni qanday baholaysiz? Qaysi hududga sayohat qilishni rejalashtiryapsiz?

O‘zbekiston Respublikasi prezidenti Shavkat Mirziyoyev rafiqasi bilan birgalikda Vengriya bosh vaziri Viktor Orbanning taklifiga binoan 19 may kuni rasmiy tashrif bilan Budapesht shahriga yetib keldi. Tashrif katta siyosiy va iqtisodiy ahamiyat kasb etib, ikki mamlakat munosabatlarida yangi bosqichni boshlab berishi kutilmoqda. Rasmiy qabul marosimi Budapeshtdagi Ferens List nomidagi xalqaro aeroportda O‘zbekiston yetakchisini Vengriya iqtisodiy rivojlanish vaziri Marton Nad va boshqa yuqori darajali rasmiylar kutib oldi. Qabul jarayonida ikki davlat bayroqlari ko‘tarildi, faxriy qorovul saf tortib turdi. Oliy darajadagi muzokaralar — 20 mayda Tashrif dasturiga muvofiq, 20 may kuni Budapeshtda oliy darajadagi O‘zbekiston–Vengriya muzokaralari bo‘lib o‘tadi. Unda siyosiy, savdo-iqtisodiy, investitsiyaviy, innovatsion, transport, energetika, agrar va gumanitar sohalardagi hamkorlik istiqbollari muhokama qilinadi. Biznes muloqotlar va strategiyalar Prezident Mirziyoyev tashrif doirasida Vengriya hukumati rasmiylari va yetakchi kompaniyalari rahbarlari bilan uchrashuvlar o‘tkazishi, ikki tomonlama investitsiyaviy loyihalar va kelishuvlar yuzasidan muzokaralar olib borishi ham rejalashtirilgan. Turkiy davlatlar sammitida ishtirok — 21 may Tashrifning yana bir muhim jihati — 21 may kuni Vengriya poytaxtida bo‘lib o‘tadigan Turkiy davlatlar tashkilotining norasmiy sammitida O‘zbekiston prezidentining ishtirok etishidir. Bu tadbir doirasida ko‘p tomonlama formatdagi aloqalarni rivojlantirish masalalari ham muhokama qilinadi. Zamin.uz tahririyatidan: O‘zbekiston–Vengriya munosabatlari so‘nggi yillarda izchil rivojlanib, strategik hamkorlik darajasiga ko‘tarilgan. Mazkur rasmiy tashrif ikki davlat o‘rtasidagi ishonch, o‘zaro manfaatli sheriklik va ko‘p qirrali aloqalarni yanada mustahkamlashga xizmat qiladi. Siz qanday deb o‘ylaysiz: Vengriya bilan munosabatlarning qaysi yo‘nalishi istiqbolliroq bo‘lishi mumkin?

“O‘zgidromet” 20 may, seshanba kuni uchun ob-havo prognozini e’lon qildi. Unga ko‘ra: Toshkent shahrida havo bir oz bulutli bo‘ladi, yog‘ingarchilik kutilmaydi. Shamol sharqdan 3-8 metr/sekund tezlikda esadi. Harorat kechasi 15-17 daraja, kunduzi 31-33 daraja bo‘ladi. Qoraqalpog‘iston Respublikasi va Xorazm viloyatida havo bir oz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 13-18 daraja, kunduzi 30-35 daraja bo‘ladi. Buxoro va Navoiy viloyatlarida havo bir oz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 13-18 daraja, kunduzi 32-37 daraja bo‘ladi. Toshkent, Sirdaryo, Jizzax va Samarqand viloyatlarida havo bir oz bulutli bo‘ladi, yog‘ingarchilik kutilmaydi. Shamol sharqdan 7-12metr/sekund tezlikda esadi. Harorat kechasi 15-20 daraja, kunduzi 30-35 daraja bo‘ladi. Qashqadaryo va Surxondaryo viloyatlarida havo bir oz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 15-20 daraja, kunduzi 32-37 daraja bo‘ladi. Andijon, Namangan va Farg‘ona viloyatlarida havo bir oz bulutli bo‘ladi, yog‘ingarchilik kutilmaydi. Shamol sharqdan 5-10 metr/sekund tezlikda esadi. Harorat kechasi 15-20 daraja, kunduzi 30-35 daraja bo‘ladi. Respublikaning tog‘li hududlarida havo bir oz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 10-15 daraja, kunduzi 20-25 daraja bo‘ladi.

19 may, yakshanba kuni O‘zbekiston hududida quyoshli va quruq ob-havo saqlanib turishi kutilmoqda. Respublika bo‘ylab havo harorati kunduz kunlari +28...+33 daraja atrofida bo‘ladi. Janubiy va cho‘l hududlarda esa termometr sutkaning eng issiq paytlarida +35 darajagacha ko‘tarilishi mumkin. Harorat bosqichma-bosqich ko‘tariladi 20 maydan boshlab, butun mamlakat bo‘yicha havo harorati izchil oshib boradi. Hafta o‘rtasiga kelib, ayniqsa 21–22 may kunlari, harorat respublika markaziy va janubiy hududlarida +35...+38 darajaga, ayrim cho‘l va tog‘ etaklarida +40...+42 darajagacha yetishi kutilmoqda. Salqinlik qaytadi, shamol kuchi ortadi 23 maydan boshlab mamlakatga salqin havo oqimi kirib kelishi natijasida harorat yana biroz pasayadi — bu kunlarda kunduzgi harorat +30...+32 daraja atrofida bo‘ladi. Shu bilan birga, 22–23 may kunlari ayrim hududlarda shamolning tezligi 20–22 m/sgacha yetishi va chang-to‘zonlar kuzatilishi ehtimoli bor. Tog‘li hududlarda momaqaldiroq va qisqa yomg‘ir ehtimoli 22–23 may kunlari mamlakatning tog‘li va tog‘ etaklari hududlarida qisqa muddatli yomg‘ir va momaqaldiroq bo‘lishi mumkin. Toshkent shahrida ob-havo qanday bo‘ladi? Poytaxtda 19–23 may kunlari asosan kam bulutli, quruq va ob-havo bo‘lishi kutilmoqda. 19 may kuni Toshkentda kunduzi +28...+30 daraja, keyingi kunlarda esa harorat +35...+38 darajagacha ko‘tarilishi mumkin. 23 mayda havo biroz salqinlashib, +30...+32 daraja atrofida bo‘ladi. 22–23 may kunlari poytaxtda ham shamolning kuchayishi va ayrim mahallalarda chang ko‘tarilishi ehtimoldan xoli emas. Zamin.uz tahririyati ob-havo o‘zgarishlarini kuzatishda davom etadi va havodan xavfsiz foydalanishingiz uchun eng so‘nggi ma’lumotlarni taqdim etib boradi.

Joriy haftada O'zbekistonda may oyi uchun noodatiy issiqlik kuzatilmoqda — ba'zi hududlarda harorat 45°C gacha yetdi, deb Podrobno.uz xabar berdi. Bu holat bir necha kunlik ob-havo emas: sinoptiklar va klimatologlar “termik depressiya” deb ataluvchi kamdan-kam uchraydigan bahorga xos bo'lmagan havo hodisasini qayd etmoqda. Bungacha u faqat yoz oylarida kuzatilgan. Termik depressiya — bu yer yuzasining kuchli qizishi natijasida ma'lum hududda past bosimli atmosfera zonasi shakllanadigan sinoptik jarayon. Bu holat odatda cho‘l va yarim cho‘l hududlarida ro‘y beradi, ya'ni havoning issiqligi o‘ta yuqori darajaga yetadi. Natijada janub va janubi-g‘arbdan yanada issiq va quruq havo kirib keladi, bu esa issiqlikni kuchaytiradi. Klimatolog Erkin Abdulaxatovning ta'kidlashicha, so‘nggi 65 yil ichida may oyida O‘zbekistonda bunday faol termik depressiya kuzatilmagan. Bu — go‘yo yoz bahor o‘rniga kelgandek, faqat kuchliroq ko‘rinishda. Uning so‘zlariga ko‘ra, bu issiqlik qishloq xo‘jaligi uchun jiddiy xavf tug‘diradi. Xususan, vodiy hududlardagi ekinlar — yosh paxta, sabzavot va poliz ekinlari issiqlik zarbasiga dosh bera olmaydi. Shu sababli, u zudlik bilan sug‘orish tavsiya qilgan. Bu jarayon mevali daraxtlarning vegetatsiyasiga ham salbiy ta’sir qiladi. Bundan tashqari, bunday issiq kunlarda elektr energiyasiga talab keskin oshadi. Konditsioner, ventilyator va sovutgichlar doimiy ishlaydi — bu esa energetika tizimi uchun sinovdir. Ayniqsa, ish kunlari iste’mol yuqori bo‘ladi. 40°C dan yuqori harorat inson salomatligi uchun ham xavfli. Ayniqsa, keksalar, bolalar va surunkali kasalliklarga ega insonlar uchun. Shifokorlar issiqlik urushi, suyuqlik tanqisligi va yurak-qon tomir kasalliklarining kuchayishi haqida ogohlantirmoqda. Qoraqalpog‘iston, Navoiy va Buxoro viloyatlaridagi cho‘l hududlarida yuqori harorat va quruqlik sababli chang ko‘tarilishi va changli bo‘ronlar yuzaga kelishi mumkin. Bu shaharlarda havo ifloslanishining keskin ortishiga olib keladi. Abdulaxatovga ko‘ra, bu anomaliyaning sabablaridan biri — global isish. So‘nggi 30 yil ichida Markaziy Osiyoda o‘rtacha harorat 1.5°C dan ortiq oshgan. Shuningdek, janubi-sharqda shakllangan barqaror antisiklon salqin havo oqimlarini to‘sib qo‘ymoqda. Turkmaniston va Eron tomonidan kelayotgan issiq havo ham bu jarayonni kuchaytirgan. O‘zgidromet ma’lumotlariga ko‘ra, 17–18 may kunlari shimoli-g‘arbdan sovuq havo fronti kirib kelishi kutilmoqda. Bu haroratni biroz tushiradi, ammo baribir o‘rtacha ko‘rsatkichdan yuqori bo‘lib qoladi. O‘tish davrida esa kuchli shamollar va changli bo‘ronlar ehtimoli mavjud. May oyidagi bu issiqlik — vaqtinchalik ob-havo emas, balki global iqlim o‘zgarishi va mahalliy atmosferaviy jarayonlarning natijasidir. Bu esa faqat ehtiyotkorlikni emas, balki ekologiya, suv resurslari va barqaror qishloq xo‘jaligiga strategik yondashuvni talab qiladi.

O‘zbekistonda 2030 yilgacha aholi o‘rtasida ekologik madaniyatni oshirish bo‘yicha muhim konsepsiya tasdiqlandi. Prezident qaroriga ko‘ra, mamlakatda atrof-muhitga nisbatan munosabatni tubdan yaxshilash va ekologik ongni shakllantirishga qaratilgan keng ko‘lamli chora-tadbirlar amalga oshiriladi. Hujjatda 2030 yilgacha quyidagi natijalarga erishish ko‘zda tutilgan: 3,3 million nafar maktabgacha ta’lim muassasalaridagi bolalarda ekologik madaniyat asoslarini shakllantirish; 4,2 million nafar maktab o‘quvchilarida ekologik bilim va tarbiyani mustahkamlash. Konsepsiya bosqichma-bosqich, 2027 yildan boshlab har ikki yilda Vazirlar Mahkamasi tomonidan tasdiqlanadigan “yo‘l xaritalari” orqali amalga oshiriladi. Shuningdek, davlat tashkilotlari xodimlari uchun bepul o‘quv kurslari tashkil etilib, ularning ekologik savodxonligi oshiriladi. Bu jarayonda Ekologiya, atrof-muhitni muhofaza qilish va iqlim o‘zgarishi vazirligi asosiy muvofiqlashtiruvchi organ sifatida belgilandi. Zamin.uz tahririyati yangi tashabbusning hayotga qanday tatbiq etilishini kuzatib boradi. Siz bu qarorni qanday baholaysiz?

O‘zbekistonda atrof-muhitni muhofaza qilish sohasida ochiqlik va jamoatchilik nazoratini kuchaytirish maqsadida yangi qadam tashlanadi. Prezident qaroriga muvofiq, 2025 yil 1 dekabrdan boshlab Ekologiya, atrof-muhitni muhofaza qilish va iqlim o‘zgarishi vazirligi tabiiy muhitning davlat monitoringiga oid ma’lumotlarni ochiq taqdim etib boradi. Bu ma’lumotlar jamoatchilik uchun elektron bazalarda doimiy ravishda e’lon qilinib, fuqarolar ekologiya holati haqida to‘g‘ridan to‘g‘ri ma’lumot olish imkoniga ega bo‘ladi. Ochiq ma’lumotlar bazasiga nima kiritiladi? Quyidagi ekomuhim ma’lumotlar jamoatchilik uchun ochiq qilinadi: “Yashil makon” loyihasi doirasida har yili ekiladigan daraxt va ko‘chatlar to‘g‘risida; daraxt va butalarni kesish uchun berilgan ruxsatnoma olish uchun kelib tushgan yuridik va jismoniy shaxslar arizalari; suv obyektlarida noqonuniy qazish ishlarini amalga oshirgan shaxslar haqidagi ma’lumotlar. Har yili amalga oshiriladigan ekologik tadbirlar Qarorga asosan, 2025 yildan har yili quyidagi keng qamrovli tadbirlar amalga oshirilishi belgilangan: “Yangi daraxt — yangi nafas” shiori ostida respublika miqyosidagi eko-chempionatlar; har oyda “Mahallamiz — chiqindisiz hudud” mavzusida aksiya va tashviqot ishlari. Yoshlar ekologik faollikka jalb qilinadi Shuningdek, oliy ta’lim muassasalari talabalari ishtirokida “O‘zbekiston ekovolontyor talabalari” harakati tashkil etiladi. Bu orqali ekologiya masalalarida yoshlarning faol ishtiroki ta’minlanishi kutilmoqda. Zamin.uz tahririyatidan: Mazkur islohotlar nafaqat ekologik axborot shaffofligini oshiradi, balki fuqarolar, ayniqsa yoshlar o‘rtasida ekomadaniyatni shakllantirishda muhim bosqich hisoblanadi. Siz ham bu jarayonda faol ishtirok etishga tayyormisiz?

Taxminan soat 19:00 atrofida Toshkent shahridagi Shota Rustaveli ko‘chasida kuchli shamol tufayli katta daraxt yiqildi. Ushbu holat yo‘l harakatiga vaqtincha to‘siq keltirdi. Daraxtning bir qismi yo‘lga qulab tushgan, ikkinchi qismi esa to‘xtab turgan avtomobillarga urilgan. Hodisa joyiga politsiya xodimlari va mas’ul xizmatlar yetib kelgan. Ayni damda havo o‘zgaruvchan va quyuq changli bo‘lib, shahar aholisi uchun ko‘chaga chiqmaslik tavsiya qilinmoqda.

Yaponiyaning Osaka shahrida bo‘lib o‘tayotgan Expo 2025 jahon ko‘rgazmasi doirasida O‘zbekiston o‘zining ilhomlantiruvchi va madaniyat, fan hamda barqaror rivojlanish uyg‘unlashgan paviloni bilan faol ishtirok etmoqda. Prezident yordamchisi Saida Mirziyoyevaning ta’kidlashicha, ko‘rgazma boshlanganidan buyon yurtimiz paviloniga 100 mingdan ziyod mahalliy va xorijiy mehmon tashrif buyurgan. — Expo 2025 ko‘rgazmasida faxr bilan O‘zbekiston pavilonini taqdim etmoqdamiz. Bu maskan faqatgina me’moriy jihatdan emas, balki g‘oya va mazmun jihatdan ham diqqatni jalb qilmoqda. Pavilonimiz — bu “Bilimlar bog‘i”, unda an’ana va zamonaviy texnologiyalar uyg‘unlikda namoyon bo‘lmoqda, — deydi Saida Mirziyoyeva. O‘zbekiston paviloni ko‘rgazmada o‘zgacha dizayn va mazmuni bilan alohida ajralib turibdi. Unda mamlakatning boy madaniyati, tarixiy merosi, yangi innovatsion g‘oyalari hamda barqaror kelajak sari intilishi teran aks ettirilgan. Expo 2025 doirasidagi ishtirok mamlakatimizning xalqaro imiji va turistik jozibadorligini oshirishda muhim omil bo‘lib xizmat qilmoqda. Eslatib o‘tamiz, joriy yil 8 may kuni Venetsiya biyennalesida ham O‘zbekiston milliy paviloni tantanali ravishda ochilgan edi. Unda ham Saida Mirziyoyeva ishtirok etib, “Quyosh” obyektining ilmiy va global kontekstda qayta ko‘rib chiqilishi zarurligini ta’kidlagan. Zamin.uz tahririyatidan: Expo 2025 doirasidagi bunday iftixorli ishtirok, O‘zbekistonning xalqaro maydonda o‘z so‘zi, o‘z salohiyati va o‘z sevimli maqsadlari borligini yana bir bor isbotlamoqda. Bu kabi ko‘rgazmalar mamlakat imijini yuksaltirish, investitsiyalar jalb etish va madaniyatimizni keng targ‘ib etish uchun mustahkam platforma vazifasini o‘taydi.

2025 yil 15 dan 19 sentyabrga qadar Toshkent shahrining sakkiz tumani ayrim hududlarida issiq suv ta’minoti vaqtincha to‘xtatiladi. Bu haqda Zamin.uz xabar berdi. Bu haqda Kursiv.media xabar berdi. Issiq suv uzilishi Veolia Energy Tashkent kompaniyasi tomonidan qish mavsumiga tayyorgarlik doirasida amalga oshirilayotgan profilaktika ishlari bilan bog‘liqdir. Issiq suv ta’minoti uziladigan hududlar quyidagilardan iborat: Yashnobod tumani, jumladan Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Chulpon, Alimkent ko‘chalari, shuningdek Tuzel-1 dan 4 gacha bo‘lgan massivlar, Uysizlar-1, Asalobod-1 va 2 massivlari hamda Aviasozlar shaharchasi. Mirobod, Yunusobod, Shayxontohur va Yakkasaroy tumanlarida Amir Temur va Mustaqillik prospektlari, Sharof Rashidov, Navoiy, Bobur, Glinka, Shota Rustaveli, Bogiboston va Arnasoy ko‘chalari hamda boshqa ayrim hududlarda issiq suv berilishi to‘xtaydi. Chilonzor tumanida Katta Chilonzor, Muqimi, Seul va Choponota ko‘chalari hamda Ts-1, 2, 4, 5, 7, Oqtepa, Chilonzor (1-5, 7, E, I), Qushbegi, Boshliq va Uchuvchilar shaharchalari issiq suv ta’minotidan uziladi. Shuningdek, Sergeli va Mirzo Ulug‘bek tumanlarining ayrim hududlarida ham issiq suv uzilishi kuzatiladi. Fuqarolardan ushbu vaqt davomida suvdan oqilona foydalanishlari va zarur ehtiyot choralarini ko‘rishlari so‘raladi. Profilaktika ishlari tugagach, issiq suv ta’minoti tiklanadi. Manba: Kursiv.media

Prezidentning qaroriga muvofiq, Toshkent shahrida ToshTech texnika universiteti tashkil etiladi. Bu haqida Zamin.uz xabar berdi. Ushbu yangi oliygoh mamlakatimizda zamonaviy muhandislik bilimlarini rivojlantirish va raqobatbardosh mutaxassislar tayyorlashda muhim ahamiyatga ega bo‘ladi. Qarorga ko‘ra, universitet akademik, moliyaviy hamda tashkiliy boshqaruv masalalarida to‘liq mustaqillikka ega bo‘ladi. Bu ta’lim jarayonini xalqaro standartlarga muvofiq tashkil etishga imkon beradi. 2025-2026 o‘quv yilidan boshlab davlat byudjeti hisobidan bir yillik tayyorlov kursi ochiladi. Ushbu kurs abituriyentlarga murakkab fanlarga tayyorlanishda yordam beradi. Keyingi yildan, ya’ni 2026-2027 o‘quv yilidan universitetda bakalavriat yo‘nalishlari faoliyat boshlaydi. Talabalar zamonaviy fanlar bo‘yicha ta’lim olish imkoniga ega bo‘ladilar. Shuningdek, 2027-2028 o‘quv yilidan magistratura va oliy ta’limdan keyingi bosqichlar ham bosqichma-bosqich joriy etiladi. Universitetda o‘qish davlat granti va to‘lov-kontrakt asosida tashkil etiladi. Darslar nafaqat o‘zbek tilida, balki xorijiy tillarda ham olib boriladi. Bu orqali talabalar xalqaro tajribaga ega bo‘lib, bilimlarini yanada kengaytirish imkoniyatiga ega bo‘ladilar. Eng muhim jihati shundaki, 2029-2030 o‘quv yiliga qadar qabul qilinadigan barcha talabalar davlat granti asosida to‘liq bepul ta’lim oladilar. Mazkur tashabbus orqali ToshTech texnika universiteti mamlakatimizdagi muhandislik va ilmiy-tadqiqot salohiyatini oshirishda, shuningdek, yoshlar uchun yangi imkoniyatlar yaratishda muhim rol o‘ynaydi (manba: zamin.uz).

Toshkent shahrida va viloyatida transport xizmatlarini yaxshilash maqsadida yangi 177-sonli avtobus yo‘nalishi ishga tushirildi. Bu haqda Zamin.uz xabar berdi. Ushbu yo‘nalish yo‘l harakati xavfsizligini ta’minlash va infratuzilmani rivojlantirish doirasida tashkil etilgan. 2025 yil 16 sentyabrdan boshlab yo‘lovchilar uchun xizmat ko‘rsatadigan ushbu marshrut Toshkent viloyatining Iftixor mahallasidan boshlanib, poytaxt markazidagi Chorsu metro bekatigacha qatnaydi. Bu yangi yo‘nalish viloyat aholisi uchun shahar markaziga qulay va tez yetib borish imkonini yaratadi. Yo‘nalishda jami sakkizta zamonaviy avtobus harakat qiladi. Ular King Long XMQ 6900EGW rusumidagi o‘rta sig‘imli, uzunligi 9,5 metr bo‘lgan transport vositalari bo‘lib, yuqori sifat va xavfsizlik talablariga javob beradi. Avtobuslar har kuni soat 05:30 dan 23:17 gacha qatnovni amalga oshiradi. Bu esa yo‘lovchilarga ertalabdan kechgacha muntazam va ishonchli transport xizmatidan foydalanish imkonini beradi. Yangi yo‘nalish ishga tushirilishi bilan viloyatdan poytaxtga keladiganlar uchun transportda katta qulaylik va vaqt tejash ta’minlanadi. Shu bilan birga, yo‘l harakati xavfsizligi oshiriladi va shahardagi transport tizimi samaradorligi yaxshilanadi. Ushbu ma’lumotlar zamin.uz sayti orqali tasdiqlangan.

Hurmatli Yashnobod, Mirobod, Yakkasaroy, Chilonzor, Yunusobod, Shayxontohur, Sergeli va Mirzo Ulug‘bek tumanlari aholisiga ma’lumot. Bu haqda Zamin.uz xabar berdi. “Veolia Energy Tashkent” MCHJ tomonidan o‘tkaziladigan profilaktika va texnik xizmat ko‘rsatish ishlari sababli 15 sentyabrdan 19 sentyabrgacha ayrim hududlarda issiq suv ta’minoti vaqtincha to‘xtatiladi. Ushbu ishlar tizimni qishki mavsumga tayyorlash, texnik holatini yaxshilash va xavfsizlikni ta’minlash maqsadida amalga oshirilmoqda. Issiq suv ta’minoti to‘xtatiladigan hududlar qatoriga Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Cho‘lpon va Alimkent ko‘chalari kiradi. Shuningdek, Tuzel–1 va 4, Uysizlar–1, Asalobod–1,2, Aviasozlar shaharchasi (1, 1A, 2, 3, 4) massivlari ham ta’sirlanadi. Bundan tashqari, Amir Temur, Mustaqillik shoh, Sharof Rashidov, Navoiy, Bobur, Shota Rustaveli, Katta Chilonzor, Muqimiy, Seul, Nurafshon, Afrosiyob va boshqa ko‘chalarda ham issiq suv ta’minoti vaqtincha uziladi. Shu bilan birga, Ts–1, 2, 4, 5, 7, Oqtepa, Chilonzor (1–5, 7, E, I), Qushbegi va Uchuvchilar shaharchasi hududlari ham ta’sirda bo‘ladi. Kompaniya ma’lumotiga ko‘ra, ushbu profilaktika ishlari tizim barqarorligini ta’minlash, xizmat sifatini oshirish va kelgusi qish mavsumida aholiga uzluksiz xizmat ko‘rsatish uchun muhimdir. Fuqarolardan vaziyatni tushunib, sabr bilan intizor bo‘lishlari so‘raladi. Ma’lumot manbai: veolia.uz.

Yashnobod tumanida elektr tarmoqlarida ta’mirlash ishlari olib borilishi sababli elektr ta’minoti vaqtincha uzildi. Bu haqida Zamin.uz xabar berdi. Bu haqda TashkentToday xabar berdi. Elektr energiyasiz qolgan hududlar qatoriga Murabbiylar ko‘chasi, Tolarik mahallasi, Ilgor Shoh ko‘chasi, Xonarik ko‘chasi, Argin mahallasi, Tovkentepa mahallasi, Yangi Hayot mahallasi, Bahor mahallasi, Mirishkor mahallasi, Katta Bog‘ mahallasi hamda Abadiyat mahallasi kiradi. Rasmiy manbalarga ko‘ra, ta’minot soat 18:00 ga qadar to‘liq tiklanishi kutilmoqda. Ta’mirlash ishlari elektr tarmoqlarining sifatli va barqaror faoliyatini ta’minlash maqsadida amalga oshirilmoqda. Fuqarolardan vaqtinchalik noqulayliklar uchun uzr so‘raladi va ular sabr-toqat bilan vaziyatni tushunishlari so‘raladi (manba: TashkentToday).

2025-yilning yanvar-iyul oylarida O‘zbekistonga ta’lim olish maqsadida jami 10,7 ming nafar chet ellik talabalar kelgan. Bu haqida Zamin.uz xabar berdi. Bu raqam 2024-yilning mos davri bilan solishtirilganda 2 ming nafarga yoki 22,4 foizga oshgan. Milliy statistika qo‘mitasi ma’lumotlariga ko‘ra, bu o‘sish O‘zbekiston ta’lim muassasalariga xorijiy talabalar qiziqishining ortayotganidan darak beradi. Eng ko‘p talabalar Turkmanistondan bo‘lib, ularning soni 3 197 nafarni tashkil etadi. Hindistondan 2 846 nafar, Tojikistondan esa 1 246 nafar talabalar ta’lim olish uchun kelgan. Xitoydan 532 nafar, Janubiy Koreyadan 428 nafar, Pokistondan 377 nafar, Qirg‘iz Respublikasi tomonidan 286 nafar talabalar O‘zbekistonda tahsil olmoqda. Shuningdek, AQShdan 254, Afg‘onistondan 193 va Turkiyadan 181 nafar talabalar ta’lim olmoqda. Boshqa davlatlardan kelgan talabalar soni esa 1 161 nafarni tashkil etadi. Bu ma’lumotlar O‘zbekiston ta’lim tizimining xalqaro maydonda tobora e’tiborga molik bo‘layotganini ko‘rsatadi. Xorijiy talabalarning ko‘payishi mamlakatimiz oliy ta’lim muassasalarining sifat va imkoniyatlarining oshayotganidan dalolat beradi. Manba: Milliy statistika qo‘mitasi.

Germaniya poytaxti Berlin shahrida O‘zbekiston elchixonasi tashabbusi bilan “Qovun sayli” nomli bayramona festival o‘tkazildi. Bu haqida Zamin.uz xabar berdi. Tadbir Intermarkt JUBY savdo markazi bilan hamkorlikda tashkil etildi. Festivalda mahalliy aholi va Germaniyada yashovchi hamda o‘qiydigan vatandoshlarimiz o‘z oila a’zolari bilan ishtirok etdi. Sayil ertalabdan boshlab o‘zbek milliy kuy-qo‘shiqlari ostida kechgacha davom etdi. Tadbirda O‘zbekistonning turli navdagi shirin qovun va tarvuzlari nemis iste’molchilari tomonidan katta qiziqish bilan tatib ko‘rildi. Mehmonlar nafaqat O‘zbekiston mevasi va sabzavotlaridan bahramand bo‘lishdi, balki mamlakatimizdagi gastronomik turizm imkoniyatlari haqida ham ma’lumot oldi. Shuningdek, festivalda milliy matolar va an’anaviy hunarmandchilik buyumlari ko‘rgazmasi ham tashkil etildi. Bu esa Germaniyaliklar uchun o‘zbek madaniyati va san’ati bilan yaqindan tanishish imkonini yaratdi. “Qovun sayli” tadbiri Intermarkt JUBY savdo markazining faoliyat boshlaganining to‘rt yilligiga to‘g‘ri kelib, ushbu sana ham bayramona tarzda nishonlandi. Berlin shahrida o‘tkazilgan festival nafaqat o‘zbek qovunlarini keng targ‘ib qildi, balki O‘zbekiston va Germaniya o‘rtasidagi madaniy va iqtisodiy aloqalarni yanada mustahkamlashga xizmat qildi. Manba: Dunyo axborot agentligi.

Irkutskdan Toshkentga parvoz qilayotgan “Ural Airlines” samolyoti uchish paytida kutilmagan holatga duch keldi. Bu haqida Zamin.uz xabar berdi. Sharqiy Sibir transport prokuraturasi matbuot xizmati ma’lumotlariga ko‘ra, samolyot havoda qushlar to‘dasi bilan to‘qnashib, favqulodda vaziyat yuzaga keldi. Hodisa Irkutsk aeroportida mahalliy vaqt bilan soat 07:40 da samolyot uchish-qo‘nish yo‘lagiga chiqayotgan paytda sodir bo‘ldi. Samolyotning dvigatellardan biriga qush kirib qolgani sababli ekipaj xavfsizlikni ta’minlash maqsadida aeroportga qaytishga majbur bo‘ldi. Samolyot bortida olti nafar ekipaj a’zosi va 91 nafar yo‘lovchi bo‘lgan. Hodisa natijasida hech kim jarohat olmadi va barcha xavfsizlik qoidalari to‘liq bajarildi. Ushbu voqea aviatsiya sohasida qushlar bilan to‘qnashish muammosining qayta yuzaga kelayotganidan dalolat beradi. Oldinroq Madriddan Parijga parvoz qilgan Iberia samolyoti ham qushlar bilan to‘qnashib, favqulodda holatda aeroportga qaytgani haqida xabar berilgan edi. Manba: zamin.uz