Madridning "Real" klubi yozgi transferlar davrini yakunlashdan oldin himoyaning markaziy pozitsiyasiga yana bir futbolchi olib kelishni rejalashtirmoqda. Bu haqida Euro-football.ru xabar berdi.
Ma’lumotlarga ko‘ra, Madrid klubi "Liverpul" jamoasi bilan bog‘lanib, Ibrohim Konatening narxi haqida ma’lumot olgan. Shuningdek, "Real" "Arsenal" jamoasidan Vilyam Salibani ham kuzatib bormoqda.
Salibani transfer qilish Konateni olishga qaraganda murakkabroq bo‘lishi mumkin, chunki uning "Arsenal" bilan shartnomasi hali ikki yil davom etadi. Transfermarkt sayti uning qiymatini 80 million yevroga baholamoqda.
Hozirda "Real" futbolchilari ta’tilga chiqqan. Klub yozgi transferlar mavsumida himoya chizig‘ini mustahkamlash uchun faol harakat qilmoqda.
