«Nyukasl» hujumchisi Aleksandr Isakning agenti futbolchining boshqa klubga o‘tishi mumkinligi haqidagi mish-mishlarni kuchaytirdi. Bu haqida Euro-football.ru xabar berdi.
25 yoshli futbolchiga eng katta qiziqish bildirayotgan klub «Liverpul» hisoblanadi. Shuningdek, Saudiya Arabistoni klublari ham shved futbolchisiga qiziqish bildirayotgani aytilmoqda.
Agent Saudiya nashri Arriyadiyahga bergan intervyusida hozirda turli variantlarni o‘rganib, tahlil qilayotganini ma’lum qildi. U Isakning karerasidagi keyingi qadamga yaqinlashgani mumkinligini ta’kidladi, ammo transfer tafsilotlarini oshkor qilmasligini bildirdi.
Shu bilan birga, «Nyukasl» Aleksandr Isakni qo‘yib yuborishga niyat qilmayapti. Bu holat futbolchining noroziligiga sabab bo‘lib, uning kelajakdagi rejalarini aniq bilish qiyin bo‘lib qolmoqda.
Isakning keyingi harakatlari va qarorlari futbol olamida katta qiziqish uyg‘otmoqda. Klub va futbolchi o‘rtasidagi munosabatlar kelgusida qanday rivojlanishi hali noma’lum.
