Londonning Arsenal klubi Portugaliyaning Sporting Lissabon jamoasidan hujumchi Viktor Dyokeresh bilan shartnoma imzolash arafasida turibdi. Bu haqida Euro-football.ru xabar berdi.
Klub rahbariyati o‘rtasidagi uzoq va murakkab muzokaralar nihoyat yakunlandi. Ishonchli manbalarning xabar berishicha, agar kutilmagan holatlar yuzaga kelmasa, Arsenal bugun, payshanba kuni, shved futbolchisining transferi haqida rasmiy bayonot beradi.
Arsenal 27 yoshli hujumchi uchun 63,5 million yevro to‘lashga tayyor. Bundan tashqari, Sporting klubiga bonus sifatida 10 million yevro ajratiladi.
Viktor Dyokeresh o‘z tomondan London jamoasi bilan kelishuvga erishgan va o‘tish jarayonining amalga oshishi uchun barcha imkoniyatlarni ishga solgan. Ushbu transfer futbolchining faoliyatida muhim bosqich bo‘lib, Arsenal safini kuchaytirishga xizmat qiladi.
Klubning yangi hujumchisi jamoaning hujum chizig‘ini mustahkamlashda muhim rol o‘ynashi kutilmoqda.
