Londonning “Arsenal” futbol klubi sport direktori Andrea Berta jamoaning yangi hujumchisi Viktor Dyokeresh haqida fikr bildirdi. Bu haqida Euro-football.ru xabar berdi.
Uning so‘zlariga ko‘ra, Viktor noyob iste’dodga ega futbolchi bo‘lib, doimiy ravishda markaziy hujumchi uchun zarur bo‘lgan sifatlar va maqsadga intilishni namoyish etmoqda. Uning jismoniy imkoniyatlari, aqliy qobiliyati va mehnatkashligi jamoaning kelajakdagi rejalariga mos keladi.
Berta shuningdek, Viktor maydonda katta ta’sir ko‘rsatishiga va jamoa ichida muhim shaxs bo‘lishiga ishonch bildirdi hamda uni “kanonirlar” safida kutib olishgani haqida gapirdi. Eslatib o‘tamiz, Dyokeresh Portugaliyaning “Sporting” klubidan “Arsenal”ga o‘tdi.
Ushbu transfer 73,5 million yevro miqdorida baholangan bo‘lib, futbolchi bilan besh yillik shartnoma imzolangan. O‘tgan mavsumda shved futbolchisi barcha musobaqalarda “Sporting” nomidan jami 54 ta gol urishga muvaffaq bo‘lgan.
“Arsenal” rasmiy ravishda Dyokereshning transferi to‘g‘risida e’lon qildi. Bu o‘yinchining jamoaga qo‘shilishi klubning hujum liniyasini yanada kuchaytiradi va kelgusidagi muvaffaqiyatlar uchun katta umidlar uyg‘otadi.
