Bosniyalik yarim himoyachi Miralem Pyanich Moskva CSKA jamoasidan ketgach, hozirda ish bilan ta’minlanmagan. Bu haqida Euro-football.ru xabar berdi.
U Italiya chempionatida faoliyatini davom ettirish uchun imkoniyatlar izlamoqda. Avval u Italiyada "Roma" va "Yuventus" klublarida o‘ynagan.
Pyanich shaxsiy murabbiyi bilan mashg‘ulotlarni davom ettirayotganini, yana bir-ikki yil o‘ynashni istayotganini aytgan. U qiziqarli va rag‘batlantiruvchi loyihani izlayapti.
Italiyaga qaytish haqida gap ketganda, u bu mamlakatni o‘zining ikkinchi uyi deb hisoblaydi. Bu haqda Pyanich so‘zlarini Italiya nashri La Gazzetta Dello Sport keltirgan.
Eslatib o‘tamiz, Seriya A yangi mavsumi avgust oyining ikkinchi yarmida boshlanadi.
