Chelsi yozda Simons va Garnachoni sotib oladi
«Chelsi» yozgi transfer oynasi yopilishidan oldin hujumda o‘ynaydigan ikki yulduz futbolchini sotib olish imkoniyatini ko‘rib chiqmoqda. Bu haqida Euro-football.ru xabar berdi.
Londonning nufuzli klubi «RB Leyptsig» jamoasining hujumchi yarim himoyachisi Xavi Simons transferi ustida faol ish olib bormoqda. Niderlandiyalik futbolchi «Chelsi» safini to‘ldirishga tayyor, klublar o‘rtasidagi muzokaralar muvaffaqiyatli yakun topish arafasida.
Mashhur futbol mutaxassisi Fabrizio Romano ma’lumotiga ko‘ra, agar Simons bilan shartnoma imzolanadigan bo‘lsa, «Chelsi» «Manchester Yunayted»dan qanot himoyachisi Aleksandro Garnacho transferidan voz kechmaydi. Ikkala futbolchining kelishi real ko‘rinmoqda, ammo argentinalik Garnachoning o‘tishi yoz oxiriga yaqin hal etilishi kutilmoqda.
Transfermarkt saytiga ko‘ra, 22 yoshli Xavi Simonsning narxi 70 million yevro, 21 yoshli Aleksandro Garnachoning qiymati esa 45 million yevroni tashkil etadi. Ushbu transferlar «Chelsi»ning hujum chizig‘ini sezilarli darajada kuchaytirishi mumkin.
