Kelasi mavsumdan boshlab Rossiya Premer-ligasi klublari uchun legionerlar soniga qo‘yiladigan cheklov kuchaytirilishi mumkin. Bu haqida Euro-football.ru xabar berdi.
Hozirda amal qilayotgan tizimga ko‘ra, bir mavsum uchun klub tarkibida eng ko‘pi bilan 13 nafar legioner bo‘lishi va ularning 8 tasi bir vaqtda maydonda harakat qilishi mumkin. Yangi taklif qilinayotgan tartibga ko‘ra esa, bu raqamlar mos ravishda 10 nafar legioner va maydonda bir vaqtning o‘zida 5 nafar legioner bilan cheklanadi.
Bu borada maxachqalalik "Dinamo" klubi prezidenti Gaji Gadjiyev o‘z fikrini bildirdi. Uning ta’kidlashicha, legionerlar sonini qisqartirish borasidagi qaror shoshilinch qabul qilinmoqda.
Mutaxassislar bilan maslahatlashmasdan bunday o‘zgarishlarni joriy etish maqsadga muvofiq emasligini aytdi. Gadjiyev fikriga ko‘ra, bu masala xalqaro musobaqalarga qatnashish imkoniyati yaratilganidan keyin ko‘rib chiqilishi lozim edi.
Hozirgi sharoitda esa, bu qaror siyosiy nuqtayi nazardan ham to‘g‘ri emas. Shuningdek, Gadjiyev yangi cheklov Rossiya chempionatidagi raqobat va qiziqishni susaytirishi mumkinligini ta’kidladi.
Sababi, eng kuchli futbolchilar faqat ikki yoki uch klubda to‘planib qolishi ehtimoli bor. Ma’lumot uchun, Makhachqalalik “Dinamo” jamoasi so‘nggi uch turda to‘rt ochko jamg‘ardi.
Jamoa bir g‘alaba, bir durang va bir mag‘lubiyat qayd etdi.
